Khwab main zameen زمین dykhny ki tabeer
hazrat danial (rahmatullah alaih) ne farmaya ke zameen khwab mein aurat hai. aur agar dekhe ke uske paas farakh aur umda, paak o saaf zameen hai to daleel hai ke uski aurat sahib-e-sitr o salah hogi aur aqraba mein usko zameen ki wus'at aur farakhi ke mutabiq izzat aur martaba hasil hoga. aur agar dekhe ke is zameen mein sabza aur namaloom nabat hai aur jaanta hai ke is ki milk hai to daleel hai ke woh shakhs musalman aur deendar hoga aur khwab mein sabza islam hai. hazrat ibn sirin (rahmatullah alaih) ne farmaya hai ke agar dekhe ke zameen mein sabza aur nabat hai aur jagah maloom hai to daleel hai ke usko fazilat aur diyanat hogi. aur agar dekhe ke zameen par bina rakhi hai aur imarat banai hai to daleel hai ke usko deen aur duniya mein fazilat hogi aur aakhir kar rah-i-aakhirat ka sawab payega. aur agar dekhe ke uski zameen jangal mein bayaban ki tarah hai aur is zameen ko nahin pehchanta hai to daleel hai ke door ka safar karega. aur agar dekhe ke zameen ko khodta hai aur khata hai to daleel hai ke mitti khane ke andaze par maal paega. aur agar dekhe ke zameen mein dhansa hai baghair is ke wahaan koi gadha ya kuwa hai aur is jagah gaib ho gaya hai to daleel hai ke marega. aur agar dekhe ke zameen ko kuwa ya tahkhane ki tarah khoda hai to daleel hai ke andoh aur museebat mein parega ya is se pehle us ka maal talaf hoga aur agar dekhe ke farakh zameen mein tha aur tang zameen mein chala gaya hai to daleel hai ke naik kaam se namaloom kaam mein parega. hazrat jabir maghribi (rahmatullah alaih) ne farmaya hai ke agar khwab mein dekhe ke zameen us se baatein karti hai ke usko khair o salah ki khush khabari sunati hai. daleel hai ke duniya mein bohat neki karega aur wafat ke baad log usko neki se yaad karenge. aur agar dekhe ke zameen us ke liye farakh aur kushada ho gayi hai to us ki darazi umr aur farakhi aish par daleel hai. aur agar dekhe ke zameen ki paimaysh karta hai to daleel hai ke safar ko jaega. hazrat ismail ash’ath (rahmatullah alaih) ne farmaya hai ke agar dekhe ke zameen kasht karta hai aur jot-ta hai to daleel hai ke kisi bade shugal mein mashghool hoga aur aurat ki taraf se faida paega. aur agar dekhe ke apni zameen ko abad karta hai to daleel hai ke us ka kaam abad aur naik hoga. aur zameen ko kharab dekhe to us ke taavil is ke khilaf hai aur us ka kisi ke sath jhagra hoga. aur agar apne aap ko zameen mein boya hua dekhe to daleel hai ke us ki kisi ke sath sharakat hogi aur ya kisi aurat se nikah karega. aur agar dekhe ke pani aaya hai aur zameen ko gharq kiya hai aur zara’at ko tabah kiya to daleel hai ke badshah se ranj paega. hazrat jafar sadiq (rahmatullah alaih) ne farmaya hai ke khwab mein zameen ko dekhna chaar wajah par hai: (1) aurat (2) duniya (3) maal (4) wilayat.
حضرت دانیال رحمتہ اللہ علیہ نے فرمایا ہے کہ زمین خواب میں عورت ہے۔اور اگر دیکھے کہ اُس کے پاس فراخ اور عمدہ‘ پاک و صاف زمین ہے تو دلیل ہے کہ اس کی عورت صاحب ستر و صلاح ہو گی اور اقرباء میں اس کو زمین کی وسعت اور فراخی کے مطابق عزت اور مرتبہ حاصل ہو گا۔ اور اگر دیکھے کہ اس زمین میں سبزہ اور نامعلوم نبات ہے اور جانتا ہے کہ اس کی ملک ہے تو دلیل ہے کہ وہ شخص مسلمان اور دیندار ہو گا اور خواب میں سبزہ اسلام ہے۔ حضرت ابن سیرین رحمتہ اللہ علیہ نے فرمایا ہے کہ اگر دیکھے کہ زمین میں سبزہ اور نبات ہے اور جگہ معلوم ہے تو دلیل ہے کہ اس کو فضیلت اور دیانت ہو گی۔ اور اگر دیکھے کہ زمین پر بناء رکھی ہے اور عمارت بنائی ہے تو دلیل ہے کہ اس کو دین اور دنیا میں فضیلت ہو گی اور آخرکار راہ آخرت کا ثواب پائے گا۔ اور اگر دیکھے کہ اس کی زمین جنگل میں بیابان کی طرح ہے اور اس زمین کو نہیں پہچانتا ہے تو دلیل ہے کہ دور کا سفر کرے گا۔ اور اگر دیکھے کہ زمین کو کھودتا ہے اور کھاتا ہے تو دلیل ہے کہ مٹی کھانے کے اندازے پر مال پائے گا۔اور اگر دیکھے کہ زمین میں دھنسا ہے بغیر اس کے کہ وہاں کوئی گڑھا یا کنواں ہے اور اس جگہ غائب ہو گیا ہے تو دلیل ہے کہ مرے گا۔ اور اگر دیکھے کہ زمین کو کنویں یا تہ خانے کی طرح کھودا ہے تو دلیل ہے کہ اندوہ اور مصیبت میں پڑے گا یا اس سے پہلے اس کا مال تلف ہو گا اور اگر دیکھے کہ فراخ زمین میں تھا اور تنگ زمین میں چلا گیا ہے تو دلیل ہے کہ نیک کام سے نامعلوم کام میں پڑے گا۔ حضرت جابر مغربی رحمتہ اللہ علیہ نے فرمایا ہے کہ اگر خواب میں دیکھے کہ زمین اس سے باتیں کرتی ہے کہ اس کو خیر و صلاح کی خوشخبری سناتی ہے۔دلیل ہے کہ دنیا میں بہت نیکی کرے گا اور وفات کے بعد لوگ اس کو نیکی سے یاد کریں گے۔ اور اگر دیکھے کہ زمین اس کے لیے فراخ اور کشادہ ہو گئی ہے تو اس کی درازی عمر اور فراخی عیش پر دلیل ہے۔اور اگر دیکھے کہ زمین کی پیمائش کرتا ہے تو دلیل ہے کہ سفر کو جائے گا۔ حضرت اسماعیل اشعث رحمتہ اللہ علیہ نے فرمایا ہے کہ اگر دیکھے کہ زمین کاشت کرتا ہے اور جوتتا ہے تو دلیل ہے کہ کسی بڑے شغل میں مشغول ہو گا اور عورت کی طرف سے نفع پائے گا۔ اور اگر دیکھے کہ اپنی زمین کو آباد کرتا ہے تو دلیل ہے کہ اس کا کام آباد اور نیک ہو گا۔اور زمین کو خراب دیکھے تو اس کی تاویل اس کے خلاف ہے اور اس کا کسی کے ساتھ جھگڑا ہو گا۔ اور اگر اپنے آپ کو زمین میں بویا ہوا دیکھے تو دلیل ہے کہ اس کی کسی کے ساتھ شراکت ہو گی اور یا کسی عورت سے نکاح کرے گا۔ اور اگر دیکھے کہ پانی آیا ہے اور زمین کو غرق کیا ہے اور زراعت کو تباہ کیا تو دلیل ہے کہ بادشاہ سے رنج پائے گا۔ حضرت جعفر صادق رحمتہ اللہ علیہ نے فرمایا ہے کہ خواب میں زمین کو دیکھنا چار وجہ پر ہے: (۱)عورت (۲) دنیا (۳) مال (۴) ولایت۔