Khwab main wazir وزیر dykhny ki tabeer
hazrat ibn sirin (rahmatullah alaih) ne farmaya hai ke agar dekhe ke badshah ke wazir ka nek kaam hai to daleel hai ke is wazir ka kaam nek hoga aur iski doulat zyada ho gi. aur agar iske khilaf dekhe to iski taweel buri hai. aur agar koi dekhe ke wazir hua hai aur woh munisaf aur dadgar hai to daleel hai ke woh adl aur kaam ke mutabiq buzurgi paega. aur agar dekhe ke wazir ne dastar khwan bichhaya hai to daleel hai ke rutba aur naimat aur rizq us par farakh ho ga aur uski umar daraz ho gi. aur agar dekhe ke wazir ne usko khilat aur kalah di hai to daleel hai ke log usko apna wali banayenge. aur agar koi khwab mein dekhe ke wazir uske ghar mein aaya hai to daleel hai isko badshah ke bais gham o andoh pohnche ga. hazrat ibrahim kermani (rahmatullah alaih) ne farmaya hai ke agar dekhe ke usne wazir ke saat khana khaya hai to daleel hai ke usse sharaf aur buzurgi paega. aur agar dekhe ke wazir ka ghar gira hai ya woh bimaar hai ya badshah ne usko maazool kiya hai ya ghora usko giraya hai ya bail usko seeng maara hai to yeh sab iske maazool hone par daleel hain. hazrat jafar sadiq (rahmatullah alaih) ne farmaya hai ke khwab mein wazarat ka dekhna chaar wajah par hai. ek yeh ke agar dekhe ke aaftab ya mahtab ki aankh hua hai. dusra yeh ke agar dekhe ke woh dajla ya furaat hua hai. teesra yeh ke agar dekhe ke badshah ne kamar paata uski kamar par bandha hai. chauta yeh hai ke agar an-hazrat (sallallahu alaihi wasallam) ke chaar yaaron mein se kisi ne uske sar par taj rakha hai. yeh sab wazarat pane ki daleelein hain.
حضرت ابن سیرین رحمتہ اللہ علیہ نے فرمایا ہے کہ اگر دیکھے کہ بادشاہ کے وزیر کا نیک کام ہے تو دلیل ہے کہ اس وزیر کا کام نیک ہو گا اور اس کی دولت زیادہ ہو گی اور اگر اس کے خلاف دیکھے تو اس کی تاویل بری ہے اور اگر کوئی دیکھے کہ وزیر ہوا ہے اور وہ منصف اور دادگر ہے تو دلیل ہے کہ وہ عدل اور کام کے مطابق بزرگی پائے گا اور اگر دیکھے کہ وزیر نے دستر خوان بچھایا ہے تو دلیل ہے کہ مرتبہ اور نعمت اور رزق اس پر فراخ ہو گا اور اس کی عمر دراز ہو گی اور اگر دیکھے کہ وزیر نے اس کو خلعت اور کلاہ دی ہے تو دلیل ہے کہ لوگ اس کو اپنا والی بنائیں گے اور اگر کوئی خواب میں دیکھے کہ وزیر اس کے گھر میں آیا ہے تو دلیل ہے اس کو بادشاہ کے باعث غم واندوہ پہنچے گا۔ حضرت ابراہیم کرمانی رحمتہ اللہ علیہ نے فرمایا ہے کہ اگر دیکھے کہ اس نے وزیر کے ساتھ کھانا کھایا ہے تو دلیل ہے کہ اس سے شرف اور بزرگی پائے گا اور اگر دیکھے کہ وزیر کا گھر گرا ہے یا وہ بیمار ہے یا بادشاہ نے اس کو معزول کیا ہے یا گھوڑے نے اس کو گرایا ہے یا بیل نے اس کو سینگ مارا ہے تو یہ سب اس کے معزول ہونے پر دلیل ہیں۔ حضرت جعفر صادق رحمتہ اللہ علیہ نے فرمایا ہے کہ خواب میں وزارت کا دیکھنا چار وجہ پر ہے۔ ایک یہ کہ اگر دیکھے کہ آفتاب یا ماہتاب کی آنکھ ہوا ہے۔ دوسرے یہ کہ اگر دیکھے کہ وہ دجلہ یا فرات ہوا ہے۔ تیسرے یہ کہ اگر دیکھے کہ بادشاہ نے کمر پٹا اس کی کمر پر باندھا ہے۔ چوتھے یہ ہے کہ اگر آنحضرت صلی اللہ علیہ وسلم کے چار یاروں میں سے کسی نے اس کے سر پر تاج رکھا ہے۔ یہ سب وزارت پانے کی دلیلیں ہیں۔