Khwab main topi کلاہ (ٹوپی) dykhny ki tabeer
hazrat daniyal (rehmatullah alaih) ne farmaya hai ke khwab mein topi ka dekhna is ki qadr aur qeemat ke mutabiq izzat aur martaba hai. agar dekhe ke us ke sar par ghazion ki topi hai to daleel hai ke dushman par ghalib ayega. hazrat ibn sirin (rehmatullah alaih) ne farmaya hai ke agar koi khwab mein dekhe ke us ke sar par turkoun ki topi hai to daleel hai ke sakhti se manfa'at payega. aur agar dekhe ke us ke sar par aatish paraston ki topi hai to daleel hai ke duniya ki izzat payega lekin deen mein zaeef hoga aur agar apne sar par badshah ka taj dekhe to daleel hai ke izzat aur martaba payega. aur agar dekhe ke us par anabi topi hai to khush rahega aur manfa'at payega aur agar us ke sar par roomi topi hai to daleel hai ke deen aur duniya ki khair hasil karega aur agar topi par pagri rakhi hui dekhe to daleel hai ke aisa kaam karega ke jis ko logon se chhupana chahega. aur agar reshmi topi rakhi hai to daleel hai ke manfa'at payega aur agar us ke sar par zareen topi hai to daleel hai ke logon se nafa payega aur agar marwareed ki topi dekhe to daleel hai ke logon mein azeez hoga aur mard deendar aur ghazi se sohbat rakhega aur agar topi lohey ki hai to daleel hai ke badshah se izzat aur martaba aur qudrat payega aur agar topi lakri ki hai to daleel hai ke apne aap ko logon mein khawar maloom karega aur jhoot aur bayhodah bakega. hazrat ibrahim kermani (rehmatullah alaih) ne farmaya hai ke agar dekhe ke garmi ki topi jare mein sar par rakhi hui hai to daleel hai ke khair aur manfa'at payega aur agar is ke khilaf dekhe to daleel hai ke muraad se rukega aur agar sar par siyaah topi dekhe aur bedari mein bhi wohi pehne to daleel hai ke khair aur manfa'at payega. aur agar khwab mein dekhe ke topi us ke sar par se giri hai to daleel hai ke amal se ma'azool hoga ya us ko sakht gham pohnchega. aur agar dekhe ke mazkoorah topioon mein se us ne koi topi sar par rakhi hai to daleel hai ke us topi ki qadr aur qeemat ke mutabiq kisi sardar se izzat aur martaba payega aur agar dekhe ke us ke sar se topi utaari gayi hai to daleel hai ke izzat aur martaba se girega. aur agar aurat dekhe ke us ke sar par do-gosha topi hai to daleel hai ke is aurat ke haan ladka paida hoga aur badshah banega. aur agar dekhe ke us ke sar par wazeer ki topi rakhi hai to daleel hai ke woh shakhs badeen hoga. lekin badshahoun ke liye naik hai. hazrat jabir maghribi (rehmatullah alaih) ne farmaya hai ke agar dekhe ke us ne kalaah pehni hai to daleel hai ke us ka sharaf aur martaba zyada hoga. aur agar dekhe ke topi phati hui aur purani hai to daleel hai ke ghamgeen hoga aur agar dekhe ke koi ajnabi shakhs us ke sar se topi le gaya hai to daleel hai ke buzurg aadmi se door hoga. aur agar dekhe ke us ke sar par samoor ke poost ki ya lomri waghera ke poost ki topi hai to daleel hai ke aise shakhs se ke jo deen mein kaamil nahin hai sharaf aur buzurgi payega. aur agar dekhe ke us ne aise topi pehni hai ke us ne bedari mein kabhi aise nahi pehni thi to agar safed hai to neki par daleel hai aur agar sabz hai to badi par daleel hai aur agar bedari mein is qism ki rakhta hai to bad nahin hai aur surkh topi ka khwab mein dekhna bimari par daleel hai. hazrat ismail ash’ath (rehmatullah alaih) ne farmaya hai ke agar dekhe ke us ne jurao topi pehni hai to daleel hai ke is ki qadr aur qeemat ke mutabiq sharaf aur buzurgi payega. lekin is ke deen mein nuqsan hoga aur agar dekhe ke is ki topi aag mein giri hai to daleel hai ke badshah is par tawaan yaani jurmana dalayega. hazrat jafar sadiq (rehmatullah alaih) ne farmaya hai ke khwab mein topi sharaf aur buzurgi par daleel hai aur is ko khwab mein dekhna chhe wajah par hai: (1) wilayat (2) riyasat (3) buzurgi (4) izzat aur martaba (5) miqdaar (6) kalaah dooz ka martaba khwab mein buzurgoun ki khidmat karne wala hai.
حضرت دانیال رحمتہ اللہ علیہ نے فرمایا ہے کہ خواب میں ٹوپی کا دیکھنا اس کی قدر اور قیمت کے مطابق عزت اور مرتبہ ہے۔ اگر دیکھے کہ اس کے سر پر غازیوں کی ٹوپی ہے تو دلیل ہے کہ دشمن پر غالب آئے گا۔ حضرت ابن سیرین رحمتہ اللہ علیہ نے فرمایا ہے کہ اگر کوئی خواب میں دیکھے کہ اس کے سر پر ترکوں کی ٹوپی ہے تو دلیل ہے کہ سختی سے منفعت پائے گا۔ اور اگر دیکھے کہ اس کے سر پر آتش پرستوں کی ٹوپی ہے تو دلیل ہے کہ دنیا کی عزت پائے گا لیکن دین میں ضعیف ہو گا اور اگر اپنے سر پر بادشاہ کا تاج دیکھے تو دلیل ہے کہ عزت اور مرتبہ پائے گا۔ اور اگر دیکھے کہ اس پر عنابی ٹوپی ہے تو خوش رہے گا اور منفعت پائے گا اور اگر اس کے سر پر رومی ٹوپی ہے تو دلیل ہے کہ دین اور دنیا کی خیر حاصل کرے گا اور اگر ٹوپی پر پگڑی رکھی ہوئی دیکھے تو دلیل ہے کہ ایسا کام کرے گا کہ جس کو لوگوں سے چھپانا چاہے گا۔ اور اگر ریشم کی ٹوپی رکھی ہے تو دلیل ہے کہ منفعت پائے گا اور اگر اس کے سر پر زریں ٹوپی ہے تو دلیل ہے کہ لوگوں سے نفع پائے گا اور اگر مروارید کی ٹوپی دیکھے تو دلیل ہے کہ لوگوں میں عزیز ہو گا اور مرد دیندار اور غازی سے صحبت رکھے گا اور اگر ٹوپی لوہے کی ہے تو دلیل ہے کہ بادشاہ سے عزت اور مرتبہ اور قوت پائے گا اور اگر ٹوپی لکڑی کی ہے تو دلیل ہے کہ اپنے آپ کو لوگوں میں خوار معلوم کرے گا اور جھوٹ اور بے ہودہ بکے گا۔ حضرت ابراہیم کرمانی رحمتہ اللہ علیہ نے فرمایا ہے کہ اگر دیکھے کہ گرمی کی ٹوپی جاڑے میں سر پر رکھی ہوئی ہے تو دلیل ہے کہ خیر اور منفعت پائے گا اور اگر اس کے خلاف دیکھے تو دلیل ہے کہ مراد سے رکے گا اور اگر سر پر سیاہ ٹوپی دیکھے اور بیداری میں بھی وہی پہنے تو دلیل ہے کہ خیر اور منفعت پائے گا۔ اور اگر خواب میں دیکھے کہ ٹوپی اس کے سر پر سے گری ہے تو دلیل ہے کہ عمل سے معزول ہو گا یا اس کو سخت غم پہنچے گا۔ اور اگر دیکھے کہ مذکورہ ٹوپیوں میں سے اس نے کوئی ٹوپی سر پر رکھی ہے تو دلیل ہے کہ اس ٹوپی کی قدر اور قیمت کے مطابق کسی سردار سے عزت اور مرتبہ پائے گا اور اگر دیکھے کہ اس کے سر سے ٹوپی اتاری گئی ہے تو دلیل ہے کہ عزت اور مرتبے سے گرے گا۔ اور اگر عورت دیکھے کہ اس کے سر پر دوگوشہ ٹوپی ہے تو دلیل ہے کہ اس عورت کے ہاں لڑکا پیدا ہو گا اور بادشاہ بنے گا۔ اور اگر دیکھے کہ اس کے سر پر وزیر کی ٹوپی رکھی ہے تو دلیل ہے کہ وہ شخص بددین ہو گا۔ لیکن بادشاہوں کے لیے نیک ہے۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ اس نے کلاہ پہنی ہے تو دلیل ہے کہ اس کا شرف اور مرتبہ زیادہ ہو گا۔ اور اگر دیکھے کہ ٹوپی پھٹی ہوئی اور پرانی ہے تو دلیل ہے کہ غمگین ہو گا اور اگر دیکھے کہ کوئی اجنبی شخص اس کے سر سے ٹوپی لے گیا ہے تو دلیل ہے کہ بزرگ آدمی سے دور ہو گا۔ اور اگر دیکھے کہ اس کے سر پر سمور کے پوست کی یا لومڑی وغیرہ کے پوست کی ٹوپی ہے تو دلیل ہے کہ ایسے شخص سے کہ جو دین میں کامل نہیں ہے شرف اور بزرگی پائے گا۔ اور اگر دیکھے کہ اس نے ایسی ٹوپی پہنی ہے کہ اس نے بیداری میں کبھی ایسی نہیں پہنی تھی تو اگر سفید ہے تو نیکی پر دلیل ہے اور اگر سبز ہے تو بدی پر دلیل ہے اور اگر بیداری میں اس قسم کی رکھتا ہے تو بد نہیں ہے اور سرخ ٹوپی کا خواب میں دیکھنا بیماری پر دلیل ہے۔ حضرت اسماعیل اشعث رحمتہ اللہ علیہ نے فرمایا ہے کہ اگر دیکھے کہ اس نے جڑائو ٹوپی پہنی ہے تو دلیل ہے کہ اس کی قدر اور قیمت کے مطابق شرف اور بزرگی پائے گا۔ لیکن اس کے دین میں نقصان ہو گا اور اگر دیکھے کہ اس کی ٹوپی آگ میں گری ہے تو دلیل ہے کہ بادشاہ اس پر تاوان یعنی جرمانہ ڈالے گا۔ حضرت جعفر صادق رحمتہ اللہ علیہ نے فرمایا ہے کہ خواب میں ٹوپی شرف اور بزرگی پر دلیل ہے اور اس کو خواب میں دیکھنا چھ وجہ پر ہے : (۱) ولایت (۲) ریاست (۳) بزرگی (۴) عزت اور مرتبہ (۵) مقدار (۶) کلاہ دوز کا مرتبہ خواب میں بزرگوں کی خدمت کرنے والا ہے۔