Khwab main talwar شمشیر (تلوار) dykhny ki tabeer
hazrat daniyal (rahmatullah alaih) ne farmaya hai ke talwar main mein aurat hai aur baghair main ke maal aur murad aur hukoomat hai. agar dekhe ke uske haath mein talwar hai to daleel hai ke uske ladka paida ho ga aur agar dekhe ke talwar main se bahar hai to bhi yahi taweel hai aur agar dekhe ke talwar main mein hai aur main toot gaya hai aur talwar salamat hai to daleel hai ke farzand salamat rahe ga aur uski maan mare gi. aur agar dekhe ke uske haath mein shamsheer barehana hai aur kisi par uthai hai to daleel hai ke usne kisi ko kehne ke liye kuch baat sochi hai. aur agar dekhe ke shamsheer kisi ke mari hai aur kaargar nahi hui hai to daleel hai ke us shakhs ke bare mein zuban kashada ho gi aur agar dekhe ke talwar kisi par jaldi kaargar hui hai to daleel hai ke jis shakhs ne zakhm khaya hai to uski nasl munqata ho gi aur agar dekhe ke talwar uski gardan mein humail hai to daleel hai ke vilayat uski gardan par ho gi aur agar talwar ki humail daraz hai to daleel hai ke vilayat ka ehtimaal nahi hai aur agar dekhe ke talwar ki humail ko tah hai to daleel hai ke woh vilayat uske supurd karenge aur agar talwar ki humail ko tah hai aur toot gayi hai to daleel hai ke woh vilayat uske qabze se nikale gi aur agar dekhe ke baghair ladai ke kisi ko talwar mari hai to daleel hai ke woh shakhs mashhoor ho ga. hazrat ibrahim kirmani (rahmatullah alaih) ne farmaya hai ke agar dekhe ke apne haath mein talwar latkai hai to daleel hai ke uske farzand aaye ga aur agar farzand nahi to hukoomat paye ga aur agar dekhe ke usko kisi ne kai talwarein di hain to daleel hai ke maldar ho ga aur agar dekhe ke talwar aur main donon toot gaye hain to daleel hai ke farzand aur uski maan donon hi maren ge. aur agar dekhe ke kisi ne talwar mari hai aur khoon usse jari hua hai aur kapde aloodah ho gaye hain to daleel hai ke usko maal haram ki tuhuma lagayenge aur agar dekhe ke talwar usse le li hai to daleel hai ke jis kaam par woh hai usse le liya jaye ga aur agar dekhe ke usne apni kamar par talwar bandhi hai to daleel hai ke uski umr daraz ho gi. hazrat jabir maghribi (rahmatullah alaih) ne farmaya hai ke agar dekhe ke uske paas lohe ki talwar hai to daleel hai ke uska kaam paidaaar ho ga aur agar dekhe ke uske paas baloor ki talwar hai to daleel hai ke kisi bari aurat se behtari dekhe ga aur agar dekhe ke uske paas marwareed ki talwar hai to daleel hai ke ahl-e-din ke amal se quawat paye ga aur agar dekhe ke uske paas lakri ki talwar hai to daleel hai ke uska kaam kamzor ho ga. aur agar dekhe ke uske paas theekri ki talwar hai to daleel hai ke badshah ki begmaat se quawat paye ga aur agar dekhe ke is talwar ka maiyaan toota hua hai to daleel hai ke uske ahl-e-bait mein se koi shakhs mare ga. aur agar dekhe ke uski do dhari talwar hai to daleel hai ke uska kaam rawan ho ga aur agar dekhe ke uske paas lajaward ki talwar hai. to daleel hai ke uska kaam paidaaar ho ga. aur agar dekhe ke uski talwar aaine ki tarah se chamakti hai to daleel hai ke sahib-e-khawab kisi sardar ki meharbani ka moored bane ga aur usse izzat paye ga. hazrat jafar sadiq (rahmatullah alaih) ne farmaya hai ke khwaab mein talwar paanch wajah par hai: (1) farzand (2) vilayat (3) daleel (4) manfa'at (5) dushman par fatah pana aur khwaab mein talwar banane wala shakhs qawi mard aur fasih zuban hai.
حضرت دانیال رحمتہ اللہ علیہ نے فرمایا ہے کہ تلوار میان میں عورت ہے اور بغیر میان کے مال اور مراد اور حکومت ہے۔ اگر دیکھے کہ اس کے ہاتھ میں تلوار ہے تو دلیل ہے کہ اس کے لڑکا پیدا ہو گا اور اگر دیکھے کہ تلوار میان سے باہر ہے تو بھی یہی تاویل ہے اور اگر دیکھے کہ تلوار میان میں ہے اور میان ٹوٹ گیا ہے اور تلوار سلامت ہے تو دلیل ہے کہ فرزند سلامت رہے گا اور اس کی ماں مرے گی۔ اور اگر دیکھے کہ اس کے ہاتھ میں شمشیر برہنہ ہے اور کسی پر اُٹھائی ہے تو دلیل ہے کہ اس نے کسی کو کہنے کے لیے کچھ بات سوچی ہے۔ اور اگر دیکھے کہ شمشیر کسی کے ماری ہے اور کارگر نہیں ہوئی ہے تو دلیل ہے کہ اس شخص کے بارے میں زبان کشادہ ہو گی اور اگر دیکھے کہ تلوار کسی پر جلدی کارگر ہوئی ہے تو دلیل ہے کہ جس شخص نے زخم کھایا ہے تو اس کی نسل منقطع ہو گی اور اگر دیکھے کہ تلوار اس کی گردن میں حمائل ہے تو دلیل ہے کہ ولایت اس کی گردن پر ہو گی اور اگر تلوار کی حمائل دراز ہے تو دلیل ہے کہ ولایت کا احتمال نہیں ہے اور اگر دیکھے کہ تلوار کی حمائل کو تاہ ہے تو دلیل ہے کہ وہ ولایت اس کے سپرد کریں گے اور اگر تلوار کی حمائل کو تاہ ہے اور ٹوٹ گئی ہے تو دلیل ہے کہ وہ ولایت اس کے قبضے سے نکلے گی اور اگر دیکھے کہ بغیر لڑائی کے کسی کو تلوار ماری ہے تو دلیل ہے کہ وہ شخص مشہور ہو گا۔ حضرت ابراہیم کرمانی رحمتہ اللہ علیہ نے فرمایا ہے کہ اگر دیکھے کہ اپنے ہاتھ میں تلوار لٹکائی ہے تو دلیل ہے کہ اس کے فرزند آئے گا اور اگر فرزند نہیں تو حکومت پائے گا اور اگر دیکھے کہ اس کو کسی نے کئی تلواریں دی ہیں تو دلیل ہے کہ مالدار ہو گا اور اگر دیکھے کہ تلوار اور میان دونوں ٹوٹ گئے ہیں تو دلیل ہے کہ فرزند اور اس کی ماں دونوں ہی مریں گے۔ اور اگر دیکھے کہ کسی نے تلوار ماری ہے اور خون اس سے جاری ہوا ہے اور کپڑے آلودہ ہو گئے ہیں تو دلیل ہے کہ اس کو مال حرام کی تہمت لگائیں گے اور اگر دیکھے کہ تلوار اس سے لی ہے تو دلیل ہے کہ جس کام پر وہ ہے اس سے لے لیا جائے گا اور اگر دیکھے کہ اس نے اپنی کمر پر تلوار باندھی ہے تو دلیل ہے کہ اس کی عمر دراز ہو گی۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ اس کے پاس لوہے کی تلوار ہے تو دلیل ہے کہ اس کا کام پائیدار ہوگا اور اگر دیکھے کہ اس کے پاس بلور کی تلوار ہے تو دلیل ہے کہ کسی بڑی عورت سے بہتری دیکھے گا اور اگر دیکھے کہ اس کے پاس مروارید کی تلوار ہے تو دلیل ہے کہ اہل دین کے عمل سے قوت پائے گا اور اگر دیکھے کہ اس کے پاس لکڑی کی تلوار ہے تو دلیل ہے کہ اس کا کام کمزور ہو گا۔ اور اگر دیکھے کہ اس کے پاس ٹھیکری کی تلوار ہے تو دلیل ہے کہ بادشاہ کی بیگمات سے قوت پائے گا اور اگر دیکھے کہ اس تلوار کامیان ٹوٹا ہوا ہے تو دلیل ہے کہ اس کے اہل بیت میں سے کوئی شخص مرے گا۔ اور اگر دیکھے کہ اس کے دو دھاری تلوار ہے تو دلیل ہے کہ اس کا کام رواں ہوگا اور اگر دیکھے کہ اس کے پاس لا جورد کی تلوار ہے۔ تو دلیل ہے کہ اس کا کام پائیدار ہوگا۔ اور اگر دیکھے کہ اس کی تلوار آئینہ کی طرح سے چمکتی ہے تو دلیل ہے کہ صاحب خواب کسی سردار کی مہربانی کا مورد بنے گا اور اس سے عزت پائے گا۔ حضرت جعفر صادق رحمتہ اللہ علیہ نے فرمایا ہے کہ خواب میں تلوار پانچ وجہ پر ہے(:۱) فرزند (۲) ولایت (۳) دلیل (۴) منفعت (۵)دشمن پر فتح پانا اور خواب میں تلوار بنانے والا شخص قوی مرد اور فصیح زبان ہے۔