Khwab main taaziaana تازیانہ (کوڑا ) dykhny ki tabeer
hazrat daniyal (rahmatullah alaih) ne farmaya hai keh khwab mein chhila hua kora dekhna daleel hai keh iska kaam murad aur intizam se hoga aur agar dekhe keh iska kora chhila hua nahi hai to is korey ke andazay par sharf aur buzurgi ki daleel hai. aur baaz log kehte hain keh khwab mein kora ka dekhna thorey maal ki daleel hai. jis kadar ke sahib-e-khwab ka qadr hai aur agar dekhe keh iske kore ka chamra toot gaya hai to daleel hai keh is se koi buzurg aur maal juda hoga. hazrat ibn-e-sirin (rahmatullah alaih) ne farmaya hai keh agar koi shakhs dekhe keh usne khwab mein kisi ko kora mara hai to daleel hai keh kisi kaam mein masroof hoga aur usko is se faida na pohchega aur agar dekhe keh kora haath se gira hai to daleel hai keh jo kaam karta hai usko na karega aur agar dekhe keh jab usko kora mara hai, uske jism se khoon jaari hogaya hai to daleel hai keh ranj ki batein sunega aur dekhe keh usse khoon nahi nikla hai to daleel hai keh har aik kore ki zarb par aik aik dirham paayega. hazrat ibrahim karmani (rahmatullah alaih) ne farmaya hai keh agar koi khwab mein dekhe keh uske kore lage hain to daleel hai keh marne wale se maal-e-haraam paayega aur agar dekhe keh kore ke zakham se khoon jaari hojaata hai to daleel hai keh maal paayega aur agar dekhe keh kore ka zakham uske jism par raha hai to daleel hai keh ranj ki baatein sunega aur agar dekhe keh iske kore lage hain aur marne wale ka pata nahi hai to daleel hai keh achanak maal paayega. hazrat jabir maghribi (rahmatullah alaih) ne farmaya hai keh agar koi khwab mein dekhe keh haath mein bohot acha kora hai ya iski rassi resham ki hai to daleel hai keh uske haan larka peda hoga aur agar dekhe keh kora lakdi ka hai to ye iska qawi haal hone ki daleel hai aur agar dekhe keh iska kora chamre ka hai ya chamre ka tasma rakhta hai to daleel hai keh khair-o-munafa'at paayega. aur agar koi shakhs khwab mein dekhe keh kora iske haath mein toot gaya hai to daleel hai keh iska farzand marega ya apne kaam se ma'azool hoga. aur agar khwab mein dekhe keh ghode par baitha hai aur usko kora maarta hai to daleel hai keh kisi ki jagah kaam karega aur uska is par ehsaan dharega. aur agar koi dekhe keh kisi ki pusht par kore maarta hai to daleel hai keh woh aadmi maal-e-haraam paayega ya marne wala isko tuhuma-e-gunah lagayega aur agar apni pusht par taazeena zakham dekha hai aur marne wale ka pata nahi hai to daleel hai keh uska deen aur duniya ka shugal tamam hoga. aur agar dekhe keh kisi par kore mare hain aur kora paara paara hogaya hai to daleel hai keh iske ahle khaana mutafarraq honge aur agar kisi ke beandaza kora mare to daleel hai keh isko gham-o-andoh ponchega. hazrat ismail ash'ath ne farmaya keh agar koi shakhs apne ghar mein khwab mein dekhe keh iske haath mein chhota kora tha aur phir woh lamba hogaya hai to daleel hai keh iski zubaan dushman par daraaz hogi aur agar dekhe keh kora daraaz tha aur phir kutah hogaya hai to daleel hai keh dushman is par ghalib aayega. hazrat jafar sadiq (rahmatullah alaih) ne farmaya hai keh khwab mein kora ka dekhna paanch wajah par hai. awal: shor-oh-hurosh. doosra: jhagda. teesra: mushkil kaam ka aasan hona. chautha: safar aur judaai. pancham: buzurgi aur maal.
حضرت دانیال رحمتہ اللہ علیہ نے فرمایا ہے کہ خواب میں چھیلا ہوا کوڑا دیکھنا دلیل ہے کہ اس کا کام مراد اور انتظام سے ہوگا اور اگر دیکھے کہ اس کا کوڑا چھیلا ہوا نہیں ہے تو اس کوڑے کے اندازے پر شرف اور بزرگی کی دلیل ہے۔ اور بعض لوگ کہتے ہیں کہ خواب میں کوڑے کا دیکھنا تھوڑے مال کی دلیل ہے۔ جس قدر کہ صاحب خواب کا قدر ہے اور اگر دیکھے کہ اس کے کوڑے کا چمڑا ٹوٹ گیا ہے تو دلیل ہے کہ اس سے کوئی بزرگ اور مال جدا ہوگا۔ حضرت ابن سیرین رحمتہ اللہ علیہ نے فرمایا ہے کہ اگر کوئی شخص دیکھے کہ اس نے خواب میں کسی کو کوڑا مارا ہے تو دلیل ہے کہ کسی کام میں مشغول ہو گا اور اس کو اس سے فائدہ نہ پہنچے گا اور اگر دیکھے کہ کوڑا ہاتھ سے گرا ہے تو دلیل ہے کہ جو کام کرتا ہے اس کو نہ کرے گا اور اگر دیکھے کہ جب اس کو کوڑا مارا ہے، اس کے جسم سے خون جاری ہوگیا ہے تو دلیل ہے کہ رنج کی باتیں سنے گا اور دیکھے کہ اس سے خون نہیں نکلا ہے تو دلیل ہے کہ ہر ایک کوڑے کی ضرب پر ایک ایک درہم پائے گا۔ حضرت ابراہیم کرمانی رحمتہ اللہ علیہ نے فرمایا ہے کہ اگر کوئی خواب میں دیکھے کہ اس کے کوڑے لگے ہیں تو دلیل ہے کہ مارنے والے سے مال حرام پائے گا اور اگر دیکھے کہ کوڑے کے زخم سے خون جاری ہو گیا ہے تو دلیل ہے کہ مال پائے گا اور اگر دیکھے کہ کوڑے کا زخم اس کے جسم پر رہا ہے تو دلیل ہے کہ رنج کی باتیں سنے گا اور اگر دیکھے کہ اس کے کوڑے لگے ہیں اور مارنے والے کا پتہ نہیں ہے تو دلیل ہے کہ اچانک مال پائے گا۔ حضرت جابر مغربی رحمتہ اللہ علیہ نے فرمایا ہے کہ اگر کوئی خواب میں دیکھے کہ ہاتھ میں بہت اچھا کوڑا ہے یا اس کی رسی ریشم کی ہے تو دلیل ہے کہ اس کے ہاں لڑکا پیدا ہوگا اور اگر دیکھے کہ کوڑا لکڑی کا ہے تو یہ اس کے قوی حال ہونے کی دلیل ہے اور اگر دیکھے کہ اس کا کوڑا چمڑے کا ہے یا چمڑے کا تسمہ رکھتا ہے تو دلیل ہے کہ خیر و منفعت پائے گا۔ اور اگر کوئی شخص خواب میں دیکھے کہ کوڑا اس کے ہاتھ میں ٹوٹ گیا ہے تو دلیل ہے کہ اس کا فرزند مرے گا یا اپنے کام سے معزول ہوگا۔ اور اگر خواب میں دیکھے کہ گھوڑے پر بیٹھا ہے اور اس کو کوڑا مارتا ہے تو دلیل ہے کہ کسی کی جگہ کام کرے گا اور اس کا اس پر احسان دھرے گا۔ اور اگر کوئی دیکھے کہ کسی کی پشت پر کوڑے مارتا ہے تو دلیل ہے کہ وہ آدمی مال حرام پائے گا یا مارنے والا اس کو تہمت گناہ لگائے گا اور اگر اپنی پشت پر تازیانہ زخم دیکھا ہے اور مارنے والے کا پتہ نہیں ہے تو دلیل ہے کہ اس کا دین اور دنیا کا شغل تمام ہوگا۔ اور اگر دیکھے کہ کسی پر کوڑے مارے ہیں اور کوڑا پارہ پارہ ہوگیا ہے تو دلیل ہے کہ اس کے اہل خانہ متفرق ہوں گے اور اگر کسی کے بے اندازہ کوڑے مارے تو دلیل ہے کہ اس کو غم و اندوہ پہنچے گا۔ حضرت اسماعیل اشعثؒ نے فرمایا کہ اگر کوئی شخص اپنے گھر میں خواب میں دیکھے کہ اس کے ہاتھ میں چھوٹا کوڑا تھا اور پھر وہ لمبا ہو گیا ہے تو دلیل ہے کہ اس کی زبان دشمن پر دراز ہوگی اور اگر دیکھے کہ کوڑا دراز تھا اور پھر کوتاہ ہوگیا ہے تو دلیل ہے کہ دشمن اس پر غلبہ کرے گا۔ حضرت جعفر صادق رحمتہ اللہ علیہ نے فرمایا ہے کہ خواب میں کوڑے کا دیکھنا پانچ وجہ پر ہے۔ اول: شور و خروش۔ دوم: جھگڑا۔ سوم: مشکل کام کا آسان ہونا۔ چہارم: سفر اور جدائی۔ پنجم: بزرگی اور مال۔