Khwab main shaheen باز (عقاب) dykhny ki tabeer
hazrat ibn-e-sireen rahmatullah aleh ne farmaya hai ke agar kisi ne khwab mein dekha ke baaz pakda hai ya us ko kisi ne diya hai aur woh baaz mutee hai yani haath par baitha hai to yeh izzat aur martabe aur qadar ki ziadati ki daleel hai. aur agar dekhe ke safed baaz us ke haath par baitha hai to daleel hai ke badshah se izzat aur martaba payega. aur agar dekhe ke baaz us ke haath se gira aur mar gaya hai to daleel hai ke martabe se gir kar tang dast ho ga. hazrat ibrahim kirmaani rahmatullah aleh ne farmaya hai ke agar khwab mein safed baaz paaya hai agar badshahi mulazimeen mein se hai to badshah se vilayat aur izzat payega aur agar riayat mein se hai to bohot sa maal payega aur agar dekhe ke us ko kisi ne baaz bakhsha hai to daleel hai ke us ke farzand sahib-e-martaba aur haseen o jameel aayega aur agar dekhe ke baaz chhat par baitha hai to daleel hai ke us ko naye badshah se sohbat hogi aur khair o manfa'at payega aur agar dekhe ke baaz bhaga hai aur ghar mein gaya hai aur aurat ke daaman ke neeche chhup gaya hai to daleel hai ke us ki aurat ke haan khoobsurat ladka paida ho ga aur agar dekhe ke baaz ke paon mein sone ya chandee ki jhanjar hai to daleel hai ke us ki aurat ke haan ladki paida hogi. hazrat jabir maghrabi rahmatullah aleh ne farmaya hai ke agar koi khwab mein dekhe ke us ne baaz paaya hai aur maar dala hai to daleel hai ke agar yeh shakhs badshahi logon mein se hai to apne kaam se ma'azool ho ga aur agar un mein se nahi hai to ahl-e-khaana ki taraf se ranj o gham paayega. aur agar dekhe ke baaz us ke haath se ura aur wapas nahi aaya hai, agar yeh khwab badshah dekhe to daleel hai ke us ke haath se saltanat nikal jaye gi aur agar baaz wapas aaya hai aur us ke haath par baitha to daleel hai ke mulk aur qudrat payega. hazrat jafar sadiq rahmatullah aleh ne farmaya hai ke agar khwab mein dekhe ke baaz us ka mutee hai to is ki taweel paanch wajah par hai. awwal: tabaidaari. dom: khushi. som: basharat. chahaaram: farmaan. panjam: maraad ka paana aur maal ba qadar-o-keemat baaz paana. khaas kar agar baaz safed aur mutee hai to do hazaar dirham milenge aur agar mutee nahi hai to is ki taweel chaar wajah par hai. awwal: badshah zaalim. dom: haakim jo badi ki taraf mail ho ga. som: khayanat karne wala faqeeh. chahaaram: farzand jo maan baap ka nafarmaan ho ga.
حضرت ابن سیرین رحمتہ اللہ علیہ نے فرمایا ہے کہ اگر کسی نے خواب میں دیکھا کہ باز پکڑا ہے یا اس کو کسی نے دیا ہے اور وہ باز مطیع ہے یعنی ہاتھ پر بیٹھا ہے تو یہ عزت اور مرتبے اور قدر کی زیادتی کی دلیل ہے۔ اور اگر دیکھے کہ سفید باز اس کے ہاتھ پر بیٹھا ہے تو دلیل ہے کہ بادشاہ سے عزت اور مرتبہ پائے گا۔اور اگر دیکھے کہ باز اس کے ہاتھ سے گرا اور مر گیا ہے تو دلیل ہے کہ مرتبے سے گر کر تنگ دست ہو گا۔ حضرت ابراہیم کرمانی رحمتہ اللہ علیہ نے فرمایا ہے کہ اگر خواب میں سفید باز پایا ہے اگر بادشاہی ملازمین میں سے ہے تو بادشاہ سے ولایت اور عزت پائے گا اور اگر رعیت میں سے ہے تو بہت سامال پائے گا اور اگر دیکھے کہ اس کو کسی نے باز بخشا ہے تو دلیل ہے کہ اس کے فرزند صاحب مرتبہ اور حسین وجمیل آئے گا اور اگر دیکھے کہ باز چھت پر بیٹھا ہے تو دلیل ہے کہ اس کو نئے بادشاہ سے صحبت ہوگی اور خیر ومنفعت پائے گا اور اگر دیکھے کہ باز بھاگا ہے اور گھر میں گیا ہے اور عورت کے دامن کے نیچے چھپ گیا ہے تو دلیل ہے کہ اس کی عورت کے ہاں خوب صورت لڑکا پیدا ہو گا اور اگر دیکھے کہ باز کے پائوں میں سونے یا چاندی کی جھانجر ہے تو دلیل ہے کہ اس کی عورت کے ہاں لڑکی پیدا ہو گی۔ حضرت جابر مغربی رحمتہ اللہ علیہ نے فرمایا ہے کہ اگر کوئی خواب میں دیکھے کہ اس نے باز پایا ہے اور مار ڈالا ہے تو دلیل ہے کہ اگر یہ شخص بادشاہی لوگوں میں سے ہے تو اپنے کام سے معزول ہو گا اور اگر ان میں سے نہیں ہے تو اہل خانہ کی طرف سے رنج وغم پائے گا۔اور اگر دیکھے کہ باز اس کے ہاتھ سے اڑا اور واپس نہیں آیا ہے‘ اگر یہ خواب بادشاہ دیکھے تو دلیل ہے کہ اس کے ہاتھ سے سلطنت نکل جائے گی اور اگر باز واپس آیا ہے اور اس کے ہاتھ پر بیٹھاتو دلیل ہے کہ ملک اور قدرت پائے گا۔ حضرت جعفر صادق رحمتہ اللہ علیہ نے فرمایا ہے کہ اگر خواب میں دیکھے کہ باز اس کا مطیع ہے تو اس کی تاویل پانچ وجہ پر ہے۔ اول: تابعداری۔ دوم: خوشی۔ سوم: بشارت۔ چہارم: فرمان۔ پنجم: مراد کا پانااور مال بقدروقیمت باز پانا۔ خاص کر اگر باز سفیداور مطیع ہے تو دوہزار درہم ملیں گے اور اگر مطیع نہیں ہے تو اس کی تاویل چار وجہ پر ہے۔ اول: بادشاہ ظالم ۔ دوم: حاکم جو بدی کی طرف مائل ہوگا۔ سوم: خیانت کرنے والا فقیہ۔ چہارم: فرزند جو ماں باپ کا نافرمان ہو گا۔