Khwab main sadqa dena صدقہ دادن (صدقہ دینا) dykhny ki tabeer
sadaqah denay ki tabeer mein ahle tabeer ka ikhtilaf hai. hazrat ibn sirin (rehmatullah alaih) ne farmaya hai ke agar dekhay ke koi aalim sadaqah de raha hai to daleel hai ke us ke ilm se logon ko faida pohnchay ga. aur agar dekhay ke badshah sadaqah de raha hai to daleel hai ke usay bohot manfa'at hogi aur agar dekhay ke koi pesha-war sadaqah de raha hai to daleel hai ke shagirdon ko kaam sikhaye ga. hazrat ibrahim kurmani (rehmatullah alaih) ne farmaya hai ke khwab mein sadaqah dena aman aur ranj wa sakhti se khalasi ki alamat hai. hazrat jabir maghribi (rehmatullah alaih) ne farmaya hai ke agar qarzdar dekhay ke sadaqah deta hai to daleel hai ke qarz se sarfrow ho ga. agar ghulam hai to azad ho ga. agar qaidi hai to khalasi paye ga. agar mulhid dekhay ke sadaqah deta hai to daleel hai ke musalman ho ga. haasil yeh hai ke khwab mein sadaqah dena dono jahan ki sa'adat hai.
صدقہ دینے کی تعبیر میں اہلِ تعبیر کا اختلاف ہے۔ حضرت ابن سیرین رحمتہ اللہ علیہ نے فرمایا ہے کہ اگر دیکھے کہ کوئی عالم صدقہ دے رہا ہے تو دلیل ہے کہ اس کے علم سے لوگوں کو نفع پہنچے گا۔ اور اگر دیکھے کہ بادشاہ صدقہ دے رہا ہے تو دلیل ہے کہ اس کو بہت منفعت ہو گی اور اگر دیکھے کہ کوئی پیشہ ور صدقہ دے رہا ہے تو دلیل ہے کہ شاگردوں کو کام سکھائے گا۔ حضرت ابراہیم کرمانی رحمتہ اللہ علیہ نے فرمایا ہے کہ خواب میں صدقہ دینا امن اور رنج و سختی سے خلاصی کی علامت ہے۔ حضرت جابر مغربی رحمتہ اللہ علیہ نے فرمایا ہے کہ اگر قرضدار دیکھے کہ صدقہ دیتا ہے تو دلیل ہے کہ قرض سے سرخرو ہو گا۔ اگر غلام ہے تو آزاد ہو گا۔ اگر قیدی ہے تو خلاصی پائے گا۔ اگر ملحد دیکھے کہ صدقہ دیتا ہے تو دلیل ہے کہ مسلمان ہو گا‘ حاصل یہ ہے کہ خواب میں صدقہ دینا دونوں جہان کی سعادت ہے۔