Khwab main raakh خاکستر (راکھ) dykhny ki tabeer

حضرت ابن سیرین رحمتہ اللہ علیہ نے فرمایا ہے کہ خواب میں راکھ مال باطل ہے جو بادشاہ کی طرف سے ہوتا ہے اور کسی کے پاس نہیں رہتا۔ اہل تعبیر نے بیان کیا ہے کہ ایسا علم حاصل کرے گا کہ جس میں خیر و منفعت نہ ہو گی۔ حضرت ابن سیرین رحمتہ اللہ علیہ نے فرمایا ہے کہ خواب میں خاکستر نو وجہ پر ہے: اول: نامقبول علم۔ دوم: مال حرام۔ سوم: بے ہودہ کام۔ چہارم: جھگڑا۔ پنجم: بدکاری۔ ششم: مکروحیلہ۔ ہفتم: حسرت و افسوس۔ ہشتم: پشیمانی۔ نہم: ایسا کام کہ جس میں بہتری نہ ہوگی۔ فرمان حق تعالیٰ ہے : {مَثَلُ الَّذِیْنَ کَفَرُوْا بِرَبِّھِمْ اَعْمَالُھُمْ کَرَمَادِنِ اشْتَدَّتْ بِہِ الرِّیْحُ فِیْ یَوْمٍ عَاصِفٍ} (ابراہیم ۱۴ : ۱۸) ’’جو لوگ اپنے رب کے ساتھ کفر کرتے ہیں ان کا حال راکھ کے مشابہ ہے، جس کو جکھڑ کے دن میں آندھی اڑائے لیے پھرتی ہے۔‘‘