Khwab main qayamat رستخیز (قیامت) dykhny ki tabeer
hazrat ibn-e-sirin (rahmatullah alaihi) ne farmaya hai ke agar dekhe ke qayamat yaqeen aur sadaqat ke sath qayam hai to daleel hai ke haq ta'ala is mulk walon par rehmat karega aur agar is mulk ka badshah zaalim hai to daleel hai ke un par bala aur aafat aye gi aur agar mazloom hain to un ko zaalimoon par fatah ho gi aur agar dekhe ke ahl-e-mulk haq ta'ala ke aage khade hain to daleel hai ke un par haq ta'ala ka qahr o gussa ho ga. hazrat ibrahim karmani (rahmatullah alaihi) ne farmaya hai ke agar dekhe ke qayamat qayam hai to daleel hai ke mazloom zaalim par qaboo payega aur agar gham o mehnat aur andoh mein hai to daleel hai ke khalasi payega aur agar dekhe ke koi alamat qayamat ki alamaton mein se zahir hui hai jaisa ke aaftab magrib se nikla hai ya dajjal maloon ya yajuj wa majuj zahir hue hain to is ki taweel ye hai ke tauba kare aur haq ta'ala ki taraf rujoo kare aur agar dekhe ke shumaar ki jagah hai to ghaflat ka nishaan hai. farman-e-haq ta'ala hai: 'iqtaraba linnaasi hisaabuhum wa hum fi ghaflatin mu'ridhoon.' (al-anbiya 21:1) 'logon ka hisaab nazdik aa gaya hai aur wo ghaflat mein munh pher rahe hain.' aur agar dekhe ke is ka hisaab ho raha hai to daleel hai ke us ko nuksan puhnche ga. farman-e-haq ta'ala hai: 'fa haasabnaha hisaaban shadeedan wa 'azabnaha 'azaban nukra.' (talaq 65:8) 'hum is ka sakht hisaab lenge aur is ko bura azaab denge.' aur agar dekhe ke is ke aamaal wazan kar rahe hain aur us ki nekiyan zyada hain to daleel hai ke is ka anjaam naik ho ga. farman-e-haq ta'ala hai: 'faman thaqulat mawaazeenuhu faulaa'ika humul muflihoon.' (al-a'raf 7:8) 'jin ka nekiyon ka palra bhaari hai wahi log najaat pane wale hain.' aur agar dekhe ke is ki badi neki se zyada hai to daleel hai ke us ki jagah dozakh hai. farman-e-haq ta'ala hai: 'faulaa'ika allatheen khasiruu anfusahum bima kaanoo bi'ayaatina yazlimoon.' (al-a'raf 7:9) 'wahi log hain jinhon ne apne aamaalon se apni jaan ko khasare mein rakha.' aur agar dekhe ke is ko nama-e-aamaal mila hai aur daen haath mein hai to daleel hai ke daen haath jaega aur umeed hai ke us ka raah-e-deen raast hai. farman-e-haq ta'ala hai: 'wa anzalnaa ma'ahumul kitaaba wal meezaana.' (al-hadid 57:25) 'aur hum ne un ke sath kitaab aur meezaan ko utaara.' aur agar dekhe ke is ko nama-e-aamaal diya gaya hai aur parhne ko kaha hai to agar ahl-e-salah se hai to us ka kaam naik hai aur agar ahl-e-fasad se hai to us ka kaam khatre mein hai. farman-e-haq ta'ala hai: 'iqraa kitaabak kafaa binafsika alyawma alayka haseeba.' (bani israel 17:14) 'apni kitaab parh aaj teri jaan ke hisaab ke liye kaafi hai.' aur agar apne aap ko pul sirat par dekhe to daleel hai ke raah-e-raast par hai aur agar dekhe ke pul sirat se guzar nahin sakta hai to daleel hai ke raah-e-khata par hai tauba karni chahiye taa ke raza-e-khuda ho.
حضرت ابن سیرین رحمتہ اللہ علیہ نے فرمایا ہے کہ اگر دیکھے کہ قیامت یقین اور صداقت کے ساتھ قائم ہے تو دلیل ہے کہ حق تعالیٰ اس ملک والوں پر رحمت کرے گا اور اگر اس ملک کا بادشاہ ظالم ہے تو دلیل ہے کہ ان پر بلا اور آفت آئے گی اور اگر مظلوم ہیں تو ان کو ظالموں پر فتح ہو گی اور اگر دیکھے کہ اہل ملک حق تعالیٰ کے آگے کھڑے ہیں تو دلیل ہے کہ ان پر حق تعالیٰ کا قہر و غصہ ہو گا۔ حضرت ابراہیم کرمانی رحمتہ اللہ علیہ نے فرمایا ہے کہ اگر دیکھے کہ قیامت قائم ہے تو دلیل ہے کہ مظلوم ظالم پر قابو پائے گا اور اگر غم و محنت اور اندوہ میں ہے تو دلیل ہے کہ خلاصی پائے گا اور اگر دیکھے کہ کوئی علامت قیامت کی علامتوں میں سے ظاہر ہوئی ہے جیسا کہ آفتاب مغرب سے نکلا ہے یا دجال ملعون یا یاجوج و ماجوج ظاہر ہوئے ہیں تو اس کی تاویل یہ ہے کہ توبہ کرے اور حق تعالیٰ کی طرف رجوع کرے اور اگر دیکھے کہ شمار کی جگہ ہے تو غفلت کا نشان ہے۔ فرمان حق تعالیٰ ہے: {اِقْتَرَبَ لِلنَّاسِ حِسَابُہُمْ وَ ہُمْ فِیْ غَفْلَۃٍ مُّعْرِضُوْنَ} (الانبیاء ۲۱:۱) ’’لوگوں کا حساب نزدیک آ گیا ہے اور وہ غفلت میں منہ پھیر رہے ہیں۔‘‘ اور اگر دیکھے کہ اس کا حساب ہو رہا ہے تو دلیل ہے کہ اس کو نقصان پہنچے گا۔ فرمان حق تعالیٰ ہے : {فَحَاسَبْنَاہَا حِسَابًا شَدِیْدًا وَّعَذَّبْنَاہَا عَذَابًا نُّکْرًا} (طلاق ۶۵:۸) (ہم اس کا سخت حساب لیں گے اور اس کو برا عذاب دیں گے)۔ اور اگر دیکھے کہ اس کے اعمال وزن کرتے ہیں اور اس کی نیکیاں زیادہ ہیں تو دلیل ہے کہ اس کا انجام نیک ہو گا۔ فرمان حق تعالیٰ ہے: {فَمَنْ ثَقُلَتْ مَوَازِیْنُہٗ فَاُولٰٓئِکَ ہُمُ الْمُفْلِحُوْنَ} (الاعراف۷:۸) ’’جن کا نیکیوں کا پلڑا بھاری ہے وہی لوگ نجات پانے والے ہیں۔‘‘ اور اگر دیکھے کہ اس کی بدی نیکی سے زیادہ ہے تو دلیل ہے کہ اس کی جگہ دوزخ ہے۔ فرمان حق تعالیٰ ہے: {فَاُولٰٓئِکَ الَّذِیْنَ خَسِرُوْٓا اَنْفُسَہُمْ بِمَا کَانُوْا بِاٰیٰتِنَا یَظْلِمُوْنَ} (الاعراف ۷:۹) ’’وہی لوگ ہیں جنہوں نے اپنے عملوں سے اپنی جانوں کو خسارے میں رکھا۔‘‘ اور اگر دیکھے کہ اس کو نامہ اعمال ملا ہے اور دائیں ہاتھ میں ہے تو دلیل ہے کہ دائیں ہاتھ جائے گا اور امید ہے کہ اس کا راہ دین راست ہے۔ فرمان حق تعالیٰ ہے: {وَاَنْزَلْنَا مَعَہُمُ الْکِتٰبَ وَالْمِیزَانَ} (الحدید۵۷:۲۵) ’’اور ہم نے ان کے ساتھ کتاب اور میزان کو اتارا۔‘‘ اور اگر دیکھے کہ اس کو نامہ اعمال دیا ہے اور پڑھنے کو کہا ہے تو اگر اہل صلاح سے ہے تو اس کا کام نیک ہے اور اگر اہل فساد سے ہے تو اس کا کام خطرے میں ہے۔ فرمان حق تعالیٰ ہے : {اِقْرَاْ کِتٰبَکَط کَفٰی بِنَفْسِکَ الْیَوْمَ عَلَیْکَ حَسِیْبًا} (بنی اسرائیل ۱۷:۱۴) ’’اپنی کتاب پڑھ آج تیری جان کے حساب کے لیے کافی ہے۔‘‘ اور اگر اپنے آپ کو پل صراط پر دیکھے تو دلیل ہے کہ راہ راست پر ہے اور اگر دیکھے کہ پل صراط سے گزر نہیں سکتا ہے تو دلیل ہے کہ راہ خطا پر ہے توبہ کرنی چاہیے تا کہ رضائے خدا ہو