Khwab main peshaani پیشانی (جبین‘ ماتھا) dykhny ki tabeer
hazrat ibn sirin, rahmatullah alaih, ne farmaya hai ke khwab mein peshaani aadmi ki izzat aur martaba hai, kyunke allah ta'ala ke sajde ki jagah hai. aur baaz kehte hain ke peshaani ka dekhna farzand par daleel hai ke us ke ahl-e-bait mein se tongar ho ga. aur agar koi shakhs khwab mein dekhe ke us ki peshaani par nishan hai to daleel hai ke sahib-e-khwab deenadari aur parhezgari mein mashhoor ho ga. aur agar koi shakhs khwab mein dekhe ke kisi ne us ki peshaani par maara hai aur khoon jari ho gaya hai to daleel hai ke us ki izzat aur martaba zyada ho ga. aur agar koi dekhne ke us ki peshaani chhoti aur tang ho gayi hai to us ki taveel pehle ke khilaf hai. aur agar koi shakhs khwab mein dekhe ke us ki peshaani apne haal se phir gayi hai to us se daleel hai ke us ko nuqsan poche ga. aur agar dekhe ke us ki peshaani par baal ugaye hain to us se daleel hai ke vo qarzdar ho ga aur agar dekhe ke vo baal surkh ya safed hain to daleel hai ke vo qarz aiaal ke baais ho ga. aur agar khwab mein dekhe ke us ki peshaani par varam hai to yeh maal zyada hone ki daleel hai. aur agar dekhe ke us ki peshaani mein se saanp ya bichoo ya koi aur cheez nikli hai to daleel hai ke us ko use kadar ranj aur dukh dushmano se poche ga. hazrat jabir maghribi, rahmatullah alaih, ne farmaya hai ke agar koi dekhe ke us ki peshaani par ek aankh hai to daleel hai ke apni khaanah abadi ke kaam par ghour rakhta hai aur agar dekhe ke peshaani par bohot si aankhein hain to yeh hi daleel hai ke apni maslehat ke kaamon mein khoob ghour karta hai aur agar dekhe ke us ki peshaani par sabz khat likha hua hai to daleel hai ke us ke haan aalim aur parhezigaar ladka aayega aur agar dekhe ke us ki peshaani par aayat-e-rahmat likhi hui hai to daleel hai ke us ki aqibat mahmood ho gi aur us ki maut shahadat par ho gi aur agar dekhe ke us ki peshaani par aayat-e-azab likhi hui hai to daleel hai ke us ki aqibat mahmood na ho gi. us ki taveel awwal ke khilaf hai. hazrat jafar sadiq, rahmatullah alaih, ne farmaya hai ke peshaani ka khwab mein dekhna chhe wajah par hai: awwal: martaba o izzat. doosra: azmat o buzurgi. teesra: farzand tongar. chautha: maeeshat. pancham: reyasat. shasham: jood o baksheesh.
حضرت ابن سیرین رحمتہ اللہ علیہ نے فرمایا ہے کہ خواب میں پیشانی آدمی کی عزت اور مرتبہ ہے۔ کیونکہ اللہ تعالیٰ کے سجدے کی جگہ ہے۔ اور بعض کہتے ہیں کہ پیشانی کا دیکھنا فرزند پر دلیل ہے کہ اس کے اہل بیت میں سے تونگر ہو گا۔ اور اگر کوئی شخص خواب میں دیکھے کہ اس کی پیشانی پر نشان ہے تو دلیل ہے کہ صاحب خواب دیانتداری اور پرہیز گاری میں مشہور ہو گا۔ اور اگر کوئی شخص خواب میں دیکھے کہ کسی نے اس کی پیشانی پر مارا ہے اور خون جاری ہو گیا ہے تو دلیل ہے کہ اس کی عزت اور مرتبہ زیادہ ہو گا۔ اور اگر کوئی دیکھے کہ اس کی پیشانی چھوٹی اور تنگ ہو گئی ہے تو اس کی تاویل پہلے کے خلاف ہے۔ اور اگر کوئی شخص خواب میں دیکھے کہ اس کی پیشانی اپنے حال سے پھر گئی ہے تو اس سے دلیل ہے کہ اس کو نقصان پہنچے گا۔ اور اگر دیکھے کہ اس کی پیشانی پر بال اگے ہیں تو اس سے دلیل ہے کہ وہ قرضدار ہو گا اور اگر دیکھے کہ وہ بال سرخ یا سفید ہیں تو دلیل ہے کہ وہ قرض عیال کے باعث ہو گا۔ اور اگر خواب میں دیکھے کہ اس کی پیشانی پر ورم ہے تو یہ مال زیادہ ہونے کی دلیل ہے۔ اور اگر دیکھے کہ اس کی پیشانی میں سے سانپ یا بچھو یا کوئی اور چیز نکلی ہے تو دلیل ہے کہ اس کو اسی قدر رنج اور دکھ دشمنوں سے پہنچے گا۔ حضرت جابر مغربی رحمتہ اللہ علیہ نے فرمایا ہے کہ اگر کوئی دیکھے کہ اس کی پیشانی پر ایک آنکھ ہے تو دلیل ہے کہ اپنی خانہ آبادی کے کام پر غور رکھتا ہے اور اگر دیکھے کہ پیشانی پر بہت سی آنکھیں ہیں تو یہی دلیل ہے کہ اپنی مصلحت کے کاموں میں خوب غور کرتا ہے اور اگر دیکھے کہ اس کی پیشانی پر سبز خط لکھا ہوا ہے تو دلیل ہے کہ اس کے ہاں عالم اور پرہیز گار لڑکا آئے گا اور اگر دیکھے کہ اس کی پیشانی پر آیت رحمت لکھی ہوئی ہے تو دلیل ہے کہ اس کی عاقبت محمود ہو گی اور اس کی موت شہادت پر ہو گی اور اگر دیکھے کہ اس کی پیشانی پر آیت عذاب لکھی ہوئی ہے تو دلیل ہے کہ اس کی عاقبت محمود نہ ہو گی۔ اس کی تاویل اول کے خلاف ہے۔ حضرت جعفر صادق رحمتہ اللہ علیہ نے فرمایا ہے کہ پیشانی کا خواب میں دیکھنا چھ وجہ پر ہے: اول: مرتبہ و عزت۔ دوم: عظمت و بزرگی۔ سوم: فرزند تونگر۔ چہارم: معیشت۔ پنجم: ریاست۔ ششم: جودو بخشش۔