Khwab main pani پانی dykhny ki tabeer
tamam cheezon ki zindagi pani se hai. farman-e-haq ta'ala hai: {wa-ja'alna mina al-maa'i kulla shay'in hayyin} (al-anbiya 21:30) "humne har cheez ko pani se zinda kiya hai." hazrat ibn sirin rahmatullah alaih ne farmaya hai ke agar koi khwab mein dekhe ke woh satḥ-aab par pani ki tarah chalta hai jaise dariya aur nehar ka pani chalta hai toh yeh uske pak aqeeda aur quat-e-iman ki daleel hai. aur agar saaf aur khushgawaar pani bohat piya hai toh yeh daleel hai ke uski umr daraz aur khush aish hogi aur agar gadla ya shor pani piya hai toh uski taabeer pehle ke khilaaf hai. aur agar dekhe ke dariya se saaf aur accha pani pita hai toh daleel hai ke tamam jahan ka badshah hoga aur baaz kahte hain ke is aab-e-dariya ke peene ke qadr par buzurgi aur maal-o-ne'mat hasil karega. agar pani musafa aur saaf hai aur agar gadla hai toh usko ranj aur sakhti aur khauf aur dehshat pahunchegi. hazrat ibrahim kirmani rahmatullah alaih ne farmaya hai agar dekhe ke pani garam pita hai toh beemari aur ranj ki daleel hai aur agar dekhen ke us par garam pani giraya gaya hai aur usko khabar nahi hai toh daleel hai ke beemar hoga ya usko sakht gham pahunchega aur agar dekhen ke pani mein gira hai toh daleel hai ke ranj aur gham mein giraftar hoga aur agar pani pyale mein uthaye toh daleel hai ke maal aur zindagi par fareefata hoga aur agar kaanch ke pyale mein apne aurat ko pani diya (aur kaanch ke pyale ko auraton ke johar ke saath nisbat dete hain aur pani jo kaanch ke pyale mein hai usko farzand ke saath nisbat dete hain jo maa ke pait mein hai) agar pyala toota hua hai toh biwi maregi aur bacha rahega. agar pani gira aur pyala khaali raha toh daleel hai ke bacha marega aur aurat bach rahegi aur agar dekhen ke be-wajah logon ko pani deta hai toh daleel hai ke duniya aur aakhirat mein logon ko is se faida pahunchega aur veeran jagah ko abaad karega. aur agar khwab mein dekhen ke jis ghar mein pani giraya hua tha uske andar daakhil hua hai toh daleel hai ke ghamgeen aur mutaffakir hoga aur agar dekhein ke pyale ke saaf pani ko kutte ki tarah piya hai toh daleel hai ke aish aur ishrat se zindagi guzarega. lekin aisa kaam karega ke bala aur fitna mein padega aur maal ko thoda thoda kar ke logon ko bakhshega aur khairaat mein kharch karega. hazrat jabir maghribi rahmatullah alaih ne farmaya hai ke agar pani ko waqt par zyada hote dekhe toh daleel hai ke is saal mein ne'mat ki farakhee hogi aur agar pani dekhe aur zameen mein jazb ho jaye toh daleel hai ke aam logon ko salaamti aur aafiyat hasil hogi. farman-e-haq ta'ala hai: {wa qila ya ardu abla'i maa'aki wa ya samaa'a aqli'i wa gheeżal maa'} (hood 11:44) (aur kaha gaya ke ay zameen! apne pani ko nigal ja aur ay aasman! bas kar aur pani gehrayi mein gaya) aur agar dekhen ke pani logon ke sar par charha jaata hai. toh daleel hai ke is saal is mulk mein ne'mat aur farakhee hogi. farman-e-haq ta'ala hai: {anna sababnal maa'a sabba} (abasa 80:25) (humne pani ko khoob achhi tarah giraya) agar dekhe ke uske ghar mein saaf pani hai toh daleel hai ke ne'mat aur khush aishi payega aur agar dekhe ke ghar mein gadlay pani par khada hai toh phir uski thaweel pehle ke khilaaf hai. hazrat daniyal rahmatullah alaih ne farmaya hai ke bagh aur ziraat ko dariyaon aur nahron se pani dena gham aur andoh se kahlasi aur maal ki daleel hai aur logon ko pani dena deen aur diyaanat aur nek kaamon ki daleel hai aur agar dekhe ke pani mein jata hai aur is waqt us ka jism mazboot hai toh daleel hai ke haakim ki taraf se kisi sakht kaam mein mashghool hoga aur uska qoul is kaam mein aur doosre kaamon mein maqbool hoga aur agar saaf pani mein jaye aur uska jism chhip jae toh quat-e-deen aur tawakkul bar khudaa aur isteqamet ki daleel hai aur agar dekhe ke pani bagh mein jata hai toh aurat ya kaneez milne ki daleel hai aur agar apne upar saaf pani girta dekhe toh daleel hai ke us se khair o manfa'at pahunchegi aur agar dekhein ke us par gadla pani giraya hai toh us se nuqsan pane ki daleel hai. hazrat jafar sadiq rahmatullah alaih ne farmaya hai ke khwab ke andar pani mein jane ki taabeer panch wajah par batate hain. awwal: yaqeen. doosra: quwat. teesra: mushkil kaam. chautha: musaahibat. panchwa: raees-e-shehar ki taraf se koi kaam. yaad rakho ke taabeer baarish harf "b" mein bayan karenge aur aab chashma. aab chah aur aab jo harf "j" mein bayan karenge aur aab dariya harf "d" mein aur aab rood harf "r" mein aur aab karez harf "k" mein. isi tarteeb par doosray khwabon ko har aik cheez ki tarteeb par iske jagah par zikr karenge.
تمام چیزوں کی زندگی پانی سے ہے۔ فرمان حق تعالیٰ ہے:{وَجَعَلْنَا مِنَ الْمَآء کُلَّ شَیْ ٍء حَیٍّ} (الانبیاء ۲۱:۳۰) ’’ہم نے ہر چیز کو پانی سے زندہ کیا ہے۔‘‘ حضرت ابن سیرین رحمتہ اللہ علیہ نے فرمایا ہے کہ اگر کوئی خواب میں دیکھے کہ وہ سطح آب پر پانی کی طرح چلتا ہے جیسے دریا اور نہر کا پانی چلتا ہے تو یہ اس کے پاک اعتقاد اور قوت ایمان کی دلیل ہے اور اگر صاف اور خوش گوار پانی بہت پیاہے تو یہ دلیل ہے کہ اس کی عمر دراز اور خوش عیش ہوگا اور اگر گدلا یا شور پانی پیا ہے تو اس کی تعبیر پہلے کے خلاف ہے اور اگر دیکھے کہ دریا سے صاف اور اچھا پانی پیتا ہے تو دلیل ہے کہ تمام جہان کا بادشاہ ہوگا اور بعض کہتے ہیں کہ اس آب دریا کے پینے کے قدر پر بزرگی اور مال و نعمت حاصل کرے گا۔ اگر پانی مصفا اور صاف ہے اور اگر گدلا ہے تو اس کو رنج اور سختی اور خوف اور دہشت پہنچے گی۔ حضرت ابراہیم کرمانی رحمتہ اللہ علیہ نے فرمایا ہے اگر دیکھے کہ پانی گرم پیتا ہے تو بیماری اور رنج کی دلیل ہے اور اگر دیکھے کہ اس پر گرم پانی گرایا گیا ہے اور اس کو خبر نہیں ہے تو دلیل ہے کہ بیمار ہوگا یا اس کو سخت غم پہنچے گا اور اگر دیکھے کہ پانی میں گرا ہے تو دلیل ہے کہ رنج اور غم میں گرفتار ہوگا اور اگر پانی پیالے میں اٹھائے تو دلیل ہے کہ مال اور زندگی پر فریفتہ ہوگا اور اگر کانچ کے پیالے میں اپنی عورت کو پانی دیا ( اور کانچ کے پیالے کو عورتوں کے جوہر کے ساتھ نسبت دیتے ہیں اور پانی جو کانچ کے پیالے میں ہے اس کو فرزند کے ساتھ نسبت دیتے ہیں جو ماں کے پیٹ میں ہے) اگر پیالہ ٹوٹا ہوا ہے تو بیوی مرے گی اور بچہ رہے گا۔ اگر پانی گرا اور پیالہ خالی رہا تو دلیل ہے کہ بچہ مرے گا اور عورت بچ رہے گی اور اگر دیکھے کہ بے وجہ لوگوں کو پانی دیتا ہے تو دلیل ہے کہ دنیا اور آخرت میں لوگوں کو اس سے فائدہ پہنچے گا اور ویران جگہ کو آباد کرے گا۔ اور اگر خواب میں دیکھے کہ جس گھر میں پانی گرایا ہوا تھا اس کے اندر داخل ہوا ہے تو دلیل ہے کہ غمگین اور متفکر ہوگا اور اگر دیکھے کہ پیالے کے صاف پانی کو کتے کی طرح پیا ہے تو دلیل ہے کہ عیش اور عشرت سے زندگی گزارے گا۔ لیکن ایسا کام کرے گا کہ بلا اور فتنہ میں پڑے گا اور مال کو تھوڑا تھوڑا کر کے لوگوں کو بخشے گا اور خیرات میں خرچ کرے گا۔ حضرت جابر مغربی رحمتہ اللہ علیہ نے فرمایا ہے کہ اگر پانی کو وقت پر زیادہ ہوتے دیکھے تو دلیل ہے کہ اس سال میں نعمت کی فراخی ہوگی اور اگر پانی دیکھے اور زمین میں جذب ہو جائے تو دلیل ہے کہ عام لوگوں کو سلامتی اور عافیت حاصل ہوگی۔ فرمان حق تعالیٰ ہے: {وَقِیْلَ یٰٓــاَرْضُ ابْلَعِیْ مَآئَکِ وَ یٰسَمَآئُ اَقْلِعِیْ وَغِیْضَ الْمَآئُ} (ھود ۱۱: ۴۴) ( اور کہا گیا کہ اے زمین ! اپنے پانی کو نگل جا اور اے آسمان! بس کر اور پانی گہرائی میں گیا) اور اگر دیکھے کہ پانی لوگوں کے سروں پر چڑھا جاتا ہے۔ تو دلیل ہے کہ اس سال اس ملک میں نعمت اور فراخی ہوگی۔ فرمان حق تعالیٰ ہے: اَنَّا صَبَبْنَا الْمَآئَ صَبًّا (عبس ۸۰ :۲۵) ( ہم نے پانی کو خوب اچھی طرح گرایا) اگر دیکھے کہ اس کے گھر میں صاف پانی ہے تو دلیل ہے کہ نعمت اور خوش عیشی پائے گا اور اگر دیکھے کہ گھر میں گدلے پانی پر کھڑا ہے تو پھر اس کی تاویل پہلے کے خلاف ہے۔ حضرت دانیال رحمتہ اللہ علیہ نے فرمایا ہے کہ باغ اور زراعت کو دریائوں اور نہروں سے پانی دینا غم اور اندوہ سے خلاصی اور مال کی دلیل ہے اور لوگوں کو پانی دینا دین اور دیانت اور نیک کاموں کی دلیل ہے اور اگر دیکھے کہ پانی میں جاتا ہے اور اس وقت اس کا جسم مضبوط ہے تو دلیل ہے کہ حاکم کی طرف سے کسی سخت کام میں مشغول ہوگا اور اس کا قول اس کام میں اور دوسرے کاموں میں مقبول ہوگا اور اگر صاف پانی میں جائے اور اس کا جسم چھپ جائے تو قوت دین اور توکل برخدا اور استقامت کی دلیل ہے اور اگر دیکھے کہ پانی باغ میں جاتا ہے تو عورت یا کنیز ملنے کی دلیل ہے اور اگر اپنے اوپر صاف پانی کو گرتا دیکھے تو دلیل ہے کہ اس سے خیر و منفعت پہنچے گی اور اگر دیکھے کہ اس پر گدلا پانی گرایا ہے تو اس سے نقصان پانے کی دلیل ہے۔ حضرت جعفر صادق رحمتہ اللہ علیہ نے فرمایا ہے کہ خواب کے اندر پانی میں جانے کی تعبیر پانچ وجہ پر بتاتے ہیں۔ اول: یقین ۔ دوم: قوت۔ سوم: مشکل کام۔ چہارم: مصاحبت۔ پنجم: رئیس شہر کی طرف سے کوئی کام۔ یاد رکھو کہ تعبیر باراں حرف ’’ب‘‘ میں بیان کریں گے اور آب چشمہ ۔ آب چاہ اور آب جَو حرف ’’ج‘‘ میں بیان کریں گے اور آب دریا حرف ’’د‘‘ میں اور آب رود حرف ’’ر‘‘ میں اور آب کاریز حرف ’’ک‘‘ میں۔ اسی ترتیب پر دوسرے خوابوں کو ہر ایک چیز کی ترتیب پر اس کی جگہ پر ذکر کریں گے۔