Khwab main naak بینی (ناک) dykhny ki tabeer
hazrat daniyal (rehmatullah alaih) nay farmaya hai ke khawab mein naak ko dekhna izzat aur martabay ki daleel hai aur jitni is mein woh zayadati aur nuksan dekhe ga utni hi dekhne walay ki qadr aur martabay par daleel hai. agar koi khawab mein dekhe ke us ka naak chhota ho gaya hai toh usi kadar is ki qadr aur martaba ki kami ki daleel hai. aur agar dekhe ke is ki naak giri hui hai toh daleel hai ke qadr aur martabay se gire ga aur agar dekhe ke is ke naak ka sorakh ho gaya hai toh daleel hai ke is par maeeshat faragh ho gi aur agar sorakh tang ho gaya hai toh daleel hai ke us ki maeeshat tang ho gi. hazrat ibn-e-sirin (rehmatullah alaih) nay farmaya hai ke agar koi shakhs dekhe ke us ki naak se maghz nikala hai toh daleel hai ke kisi sardar se faida paye ga. agar dekhe ke us ki naak se keera ya makhi waghera koi janwar nikala hai toh daleel hai ke us ke haan larka aye ga aur agar dekhe ke is ki naak mein sorakh hai aur is mein mahar pari hui hai toh daleel hai ke logon ki tawazah kare ga ya kisi buzurg aurat se mulaap ho ga aur us se maal o nemat paye ga. agar koi khawab mein dekhe ke is ki naak ka sirab bandha hua hai chunancha woh dam nahi le sakta hai toh daleel hai ke is ka kaam ruk jaaye ga aur agar dekhe ke naak mein baat kehta hai toh daleel hai ke us ki dolat zaeel ho gi aur agar dekhe ke is ki naak ke kunpal ka chamra ukhda hua hai toh daleel hai ke us ko nuksan hasil ho ga. hazrat jabir maghrebi (rehmatullah alaih) nay farmaya hai ke agar koi khwab mein dekhe ke is ki naak se khoon nikla hai aur tabeer dene walay ko bataaye ke meri naak se khoon nikla hai toh daleel hai ke bohat sa maal paye ga. aur agar dekhe aur bataaye ke khoon meri naak ke andar jaata hai toh daleel hai ke us ka maal jaaye ga. tabeer bayan karne walay ko chahiye ke saail ke lafz par tabeer bayan kare aur us ki baat ko fal mein nigah mein rakhe. agar koi shakhs dekhe ke is ki naak ke dono sorakh aik ho gaye hain toh daleel hai ke aqalmand aurat se mulaap kare ga aur agar dekhe ke is ki naak ki kunpal kati gayi hai toh daleel hai ke us ke farzand ke khatnay honge aur baaz log kehte hain ke is ki izzat aur martabay mein nuksan ho ga. hazrat jabir maghrebi (rehmatullah alaih) nay farmaya hai ke agar koi shakhs dekhe ke koi cheez zabardasti is ki naak mein guss gayi hai toh ghusse aur neki ki daleel hai aur agar dekhe ke naak se khoon nikla hai aur is ka saara jism khoon alood ho gaya hai toh daleel hai ke us ko maal-e-haram mile ga. agar dekhe ke thoda aur sabz khoon is ki naak se nikla hai toh daleel hai ke is ki aurat ka hamal saaqit ho ga aur baaz ahl-e-tabeer nay bayan farmaya hai ke woh shakhs darwesh ho jaaye ga. agar dekhe ke khoon is ki naak se nikla hai aur woh khud khoon alood nahi hua hai toh daleel hai ke farzand ya aurat ko ghar se nikaale ga ya un ko takleef de ga aur agar dekhe ke is ki naak zameen par giri hai toh daleel hai ke us ke haan larki paida ho gi. agar dekhe ke woh naak ko dhota hai toh daleel hai ke koi shakhs is ki aurat ko fareb de ga. agar dekhe ke is ki naak se murgh nikla hai toh daleel hai ke us ka chopaye bacha jine ga aur baaz ahl-e-tabeer kehte hain ke naak se khoon ka ana maal hai, jo is mulk ke badshah se hasil ho ga. hazrat ismail ashath (rehmatullah alaih) nay farmaya hai ke agar koi dekhe ke is ki naak haathi ki soond jitni ya is se kuchh kam barhi hai toh daleel hai ke usi kadar izzat aur martaba barhe ga aur us ke khwaish bhi izzat paayenge. agar koi dekhe ke us ki naak mein khushbu gayi hai toh daleel hai ke us ke haan farzand-e-saleh paida hoga aur agar dekhe ke us ki naak mein badbu gayi hai toh us ki taweel is ke khilaf hai. hazrat jahiz (rehmatullah alaih) nay farmaya hai ke agar koi shakhs dekhe ke us ki naak nadarad yaani apni jagah par maujood nahi hai toh daleel hai ke koi is ke khwaishon aur rishtedaron se mare ga aur agar apni do naak dekhe toh daleel hai ke is ke aur is ke iyoal ke darmiyan ikhtilaf pade ga aur agar dekhe ke kisi ne is ko khushbu singhayi hai toh daleel hai ke is ko us se faida hasil hoga aur agar yeh khawab dekhne wali aurat hai toh daleel hai ke us ke haan farzand-e-saleh paida hoga agar dekhe ke kisi ne badbu is ki naak ke niche rakhi hai toh daleel hai ke is ko is shakhs par gussa aayega. hazrat jafar sadiq (rehmatullah alaih) nay farmaya hai ke khwab mein naak ka dekhna paanch wajah par hai: awwal: izzat. doem: maal. soem: buzurgi. chaharam: farzand. paneem: aish khush.
حضرت دانیال رحمتہ اللہ علیہ نے فرمایا ہے کہ خواب میں ناک کو دیکھنا عزت اور مرتبے کی دلیل ہے اور جس قدر اس میں وہ زیادتی اور نقصان دیکھے گا اتنا ہی دیکھنے والے کی قدراور مرتبے پر دلیل ہے۔ اگر کوئی خواب میں دیکھے کہ اس کا ناک چھوٹا ہو گیا ہے تو اسی قدر اس کی قدر اور مرتبے کی کمی کی دلیل ہے۔ اور اگر دیکھے کہ اس کی ناک گری ہوئی ہے تو دلیل ہے کہ قدر اور مرتبے سے گرے گا اور اگر دیکھے کہ اس کے ناک کا سوراخ ہو گیا ہے تو دلیل ہے کہ اس پر معیشت فراخ ہو گی اور اگر سوراخ تنگ ہو گیا ہے تو دلیل ہے کہ اس کی معیشت تنگ ہو گی۔ حضرت ابن سیرین رحمتہ اللہ علیہ نے فرمایا ہے کہ اگر کوئی شخص دیکھے کہ اس کی ناک سے مغز نکلا ہے تو دلیل ہے کہ کسی سردار سے نفع پائے گا۔ اور اگر دیکھے کہ اس کی ناک سے کیڑا یا مکھی وغیرہ کوئی جانور نکلا ہے تو دلیل ہے کہ اس کے ہاں لڑکا آئے گا اور اگر دیکھے کہ اس کی ناک میں سوراخ ہے اور اس میں مہار پڑی ہوئی ہے تو دلیل ہے کہ لوگوں کی تواضع کرے گا یا کسی بزرگ عورت سے ملاپ ہو گا اور اس سے مال و نعمت پائے گا۔ اور اگر کوئی خواب میں دیکھے کہ اس کی ناک کا سرا بندھا ہوا ہے۔ چنانچہ وہ دم نہیں لے سکتا ہے تو دلیل ہے کہ اس کا کام رک جائے گا اور اگر دیکھے کہ ناک میں بات کہتا ہے تو دلیل ہے کہ اس کی دولت زائل ہو گی اور اگر دیکھے کہ اس کی ناک کی کونپل کا چمڑا اکھڑا ہوا ہے تو دلیل ہے کہ اس کو نقصان حاصل ہو گا۔ حضرت جابر مغربی رحمتہ اللہ علیہ نے فرمایا ہے کہ اگر کوئی خواب میں دیکھے کہ اس کی ناک سے خون نکلا ہے اور تعبیر دینے والے کو بتائے کہ میری ناک سے خون نکلا ہے تو دلیل ہے کہ بہت سا مال پائے گا۔ اور اگر دیکھے اور بتائے کہ خون میری ناک کے اندر جاتا ہے تو دلیل ہے کہ اس کا مال جائے گا۔ تعبیر بیان کرنے والے کو چاہیے کہ سائل کے لفظ پر تعبیر بیان کرے اور اس کی بات کو فال میں نگاہ میں رکھے۔ اور اگر کوئی شخص دیکھے کہ اس کی ناک کے دونوں سوراخ ایک ہو گئے ہیں تو دلیل ہے کہ عقلمند عورت سے ملاپ کرے گا اور اگر دیکھے کہ اس کی ناک کی کونپل کاٹی گئی ہے تو دلیل ہے کہ اس کے فرزند کے ختنے ہوں گے اور بعض لوگ کہتے ہیں کہ اس کی عزت اور مرتبے میں نقصان ہو گا۔ حضرت جابر مغربی رحمتہ اللہ علیہ نے فرمایا ہے کہ اگر کوئی شخص دیکھے کہ کوئی چیز زبردستی اس کی ناک میں گھس گئی ہے تو غصے اور نیکی کی دلیل ہے اور اگر دیکھے کہ ناک سے خون نکلا ہے اور اس کا سارا جسم خون آلود ہو گیا ہے تو دلیل ہے کہ اس کو مال حرام ملے گا۔ اور اگر دیکھے کہ تھوڑا اور سبز خون اس کی ناک سے نکلا ہے تو دلیل ہے کہ اس کی عورت کا حمل ساقط ہو گا اور بعض اہل تعبیر نے بیان فرمایا ہے کہ وہ شخص درویش ہو جائے گا۔ اور اگر دیکھے کہ خون اس کی ناک سے نکلا ہے اور وہ خود خون آلود نہیں ہوا ہے تو دلیل ہے کہ فرزند یا عورت کو گھر سے نکالے گا یا ان کو تکلیف دے گا اور اگر دیکھے کہ اس کی ناک زمین پر گری ہے تو دلیل ہے کہ اس کے ہاں لڑکی پیدا ہو گی۔ اور اگر دیکھے کہ وہ ناک کو دھوتا ہے تو دلیل ہے کہ کوئی شخص اس کی عورت کو فریب دے گا۔ اور اگر دیکھے کہ اس کی ناک سے مرغ نکلا ہے تو دلیل ہے کہ اس کا چوپایہ بچہ جنے گا اور بعض اہل تعبیر کہتے ہیں کہ ناک سے خون کا آنا مال ہے، جو اس ملک کے بادشاہ سے حاصل ہو گا۔ حضرت اسماعیل اشعث رحمتہ اللہ علیہ نے فرمایا ہے کہ اگر کوئی دیکھے کہ اس کی ناک ہاتھی کی سونڈ جتنی یا اس سے کچھ کم بڑھی ہے تو دلیل ہے کہ اسی قدر عزت اور مرتبہ بڑھے گا اور اس کے خویش بھی عزت پائیں گے۔ اور اگر کوئی دیکھے کہ اس کی ناک میں خوشبو گئی ہے تو دلیل ہے کہ اس کے ہاں فرزند صالح پیدا ہوگا اور اگر دیکھے کہ اس کی ناک میں بدبو گئی ہے تو اس کی تاویل اس کے خلاف ہے۔ حضرت جاحظ رحمتہ اللہ علیہ نے فرمایا ہے کہ اگر کوئی شخص دیکھے کہ اس کی ناک ندارد یعنی اپنی جگہ پر موجود نہیں ہے تو دلیل ہے کہ کوئی اس کے خویشوں اور رشتے داروں سے مرے گا اور اگر اپنی دو ناک دیکھے تو دلیل ہے کہ اس کے اور اس کے عیال کے درمیان اختلاف پڑے گا اور اگر دیکھے کہ کسی نے اس کو خوشبو سنگھائی ہے تو دلیل ہے کہ اس کو اس سے نفع حاصل ہوگا اور اگر یہ خواب دیکھنے والی عورت ہے تو دلیل ہے کہ اس کے ہاں فرزند صالح پیدا ہوگا اور اگر دیکھے کہ کسی نے بدبو اس کی ناک کے نیچے رکھی ہے تو دلیل ہے کہ اس کو اس شخص پر غصہ آئے گا۔ حضرت جعفر صادق رحمتہ اللہ علیہ نے فرمایا ہے کہ خواب میں ناک کا دیکھنا پانچ وجہ پر ہے: اول: عزت۔ دوم: مال۔ سوم: بزرگی۔ چہارم: فرزند۔ پنجم: عیش خوش۔