Khwab main khajoor خرما (کھجور) dykhny ki tabeer
hazrat ibn sirin, rahmatullah alaihe, ne farmaya hai ke khwab mein khajoor maal aur murad hai. aur agar dekhe ke khajoor khaya hai to agar ahl-e-ilm se hai daleel hai ke uska ilm zyada hoga aur agar sadaagar hai to daleel hai ke uska maal zyada hoga. aur agar dekhe ke khajoor khaya hai aur uski guthli nikal kar bahar phenk di hai to daleel hai ke shariat ke hukum baja layega. aur baaz ahl-e-tabeer ne bayan kiya hai ke agar dekhe ke usne khajoor khaya hai to daleel hai ke wirasat payega aur agar dekhe ke kacha khajoor khaya hai to daleel hai ke apne farzand ki wirasat khayega. aur agar dekhe ke us ke ghar mein khajoor ka darakht hai aur bohot phal laga hua hai to daleel hai ke kisi bure aadmi ko milega aur us se nafa paega. aur agar dekhe ke khajoor ka darakht jad se khushk ho gaya hai to daleel hai ke unke darmiyan judaai padegi. aur agar dekhe ke us ke ghar mein khajoor khushk thi aur wo sabz ho gayi hai to agar bemaar hai to shifa paega aur agar dekhe ke khajoor ki jad kat gayi hai to is baat ki daleel hai ke koi uske khandan se bemaar hoga. hazrat ibrahim karmani, rahmatullah alaihe, ne farmaya hai agar dekhe ke us ke paas tazah khajoor hai to daleel hai ke sakhti se maal hasil karega. aur ahl-e-tabeer ne bayan kiya hai ke khajoor khwab mein manfa'at hai jo usko kisi ameer se hasil hogi. aur agar dekhe ke us ke ghar aur makaan mein bohot si khajooren hain to daleel hai ke khajoor ke andaze par maal aur mataa hasil karega. aur agar dekhe ke khajoor tazah ya khushk khaya hai to daleel hai ke imaan ki lazzat paega aur uska kaam poore intezaam se hoga. aur agar dekhe ke khajoor ki jad kati hai to daleel hai ke jo kaam haath mein rakhta hai wo na hoga. hazrat jabir maghribi, rahmatullah alaihe, ne farmaya hai ke agar dekhe ke us ke paas khajoor hai to daleel hai ke maldar aurat karega aur dosre qoul ke mutabiq maal payega. aur agar dekhe ke khajoor ko bohot se angoor lage hain aur usne liye hain to daleel hai ke uski siyaah kaneez farzand janegi. aur agar dekhe ke khushk khajoor se tazah khajoorein li hain to daleel hai ke pakeeza baat munafiq aadmi se sunega. aur baaz ahl-e-tabeer ne bayan kiya hai ke jahil aadmi se faiyde ki baat sunega aur agar sahibi khwab ghamnaak hai to gham se nijat paega. farman-e-haq ta’ala hai: {wa huzzi ilayki bijiz'in nakhlati tusaqit alaiki rutaban janiyya} (maryam 19:25) 'aur khajoor ke tane ko pakar ke apni taraf hilaao tum par taza taza khajooren jhar padein gi.' hazrat jafar sadiq, rahmatullah alaihe, ne farmaya hai ke khwab mein khajoor ka dekhna kisi raees ki taraf se maal halal hai aur khwab mein khushk khajoor pakeeze deen aur maal halal ki daleel hai aur tazah khajoor aankh ki roshni aur maal halal aur naik farzand ki daleel hai. hikaayat: ek shakhs hazrat ibn sirin, rahmatullah alaihe, ki khidmat mein haazir hua aur arz kia ke mein ne khwab mein dekha hai ke mein ne badshah ke mahal ke darwaze par chalis khajoor payi hain. aap ne taabeer mein farmaya ke kal ko tujhe isi jagah par chalis beed lagain gay aur isi tarah hua. phir agle saal wahi shakhs hazrat ibn sirin, rahmatullah alaihe, ki khidmat mein haazir hua aur arz kia ke mein ne shahi mahal ke darwaze par chalis khajoor payi hain. aap ne farmaya ke tu chalis hazar dirham paega aur usne arz kia ke guzishta saal is khwab ki taabeer doosri tarah ki thi aur is saal kaisi hai? aap ne farmaya ke guzishta saal darakht khajoor par khajoor na the. lihaza iski taabeer yehi hai. phir ek hafta ke baad us shakhs ne chalis hazar dirham paye.
حضرت ابن سیرین رحمتہ اللہ علیہ نے فرمایا ہے کہ خرما خواب میں مال اور مراد ہے اور اگر دیکھے کہ خرما کھایا ہے تو اگر اہل علم سے ہے دلیل ہے کہ اس کا علم زیادہ ہوگا اور اگر سوداگر ہے تو دلیل ہے کہ اس کا مال زیادہ ہوگا اور اگر دیکھے کہ خرما کھایا ہے اور اس کی گٹھلی نکال کر باہر پھینکی ہے تو دلیل ہے کہ شریعت کے حکم بجا لائے گا اور بعض اہل تعبیر نے بیان کیا ہے کہ اگر دیکھے کہ اس نے خرما کھایا ہے تو دلیل ہے کہ وراثت پائے گا اور اگر دیکھے کہ کچا خرما کھایا ہے تو دلیل ہے کہ اپنے فرزند کی میراث کھائے گا۔ اور اگر دیکھے کہ اس کے گھر میں کھجور کا درخت ہے اور بہت پھل لگا ہوا ہے تو دلیل ہے کہ کسی برے آدمی کو ملے گا اور اس سے نفع پائے گا۔ اور اگر دیکھے کہ خرما کا درخت جڑ سے خشک ہو گیا ہے تو دلیل ہے کہ ان کے درمیان جدائی پڑے گی۔ اور اگر دیکھے کہ اس کے گھر میں کھجور خشک تھی اور وہ سبز ہوگئی ہے تو اگر بیمار ہے تو شفاء پائے گا اور اگر دیکھے کہ کھجور کی جڑ کٹ گئی ہے تو اس بات کی دلیل ہے کہ کوئی اس کے کنبے سے بیمار ہوگا۔ حضرت ابراہیم کرمانی رحمتہ اللہ علیہ نے فرمایا ہے اگر دیکھے کہ اس کے پاس تازہ کھجور ہے تو دلیل ہے کہ سختی سے مال حاصل کرے گا اور اہل تعبیر نے بیان کیا ہے کہ خرما خواب میں منفعت ہے جو اس کو کسی امیر سے حاصل ہوگی اور اگر دیکھے کہ اس کے گھر اور مکان میں بہت سی کھجوریں ہیں تو دلیل ہے کہ خرما کے اندازے پر مال اور متاع حاصل کرے گا اور اگر دیکھے کہ خرما تازہ یا خشک کھایا ہے تو دلیل ہے کہ ایمان کی لذت پائے گا اور اس کا کام پورے انتظام سے ہوگا اور اگر دیکھے کہ کھجور کی جڑ کاٹی ہے تو دلیل ہے کہ جو کام ہاتھ میں رکھتا ہے وہ نہ ہوگا۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ اس کے پاس خرما ہے تو دلیل ہے کہ مالدار عورت کرے گا اور دوسرے قول کے مطابق مال پائے گا اور اگر دیکھے کہ کھجور کو بہت سے انگور لگے ہیں اور اس نے لیے ہیں تو دلیل ہے کہ اس کی سیاہ کنیز فرزند جنے گی اور اگر دیکھے کہ خشک کھجور سے تازہ کھجوریں لی ہیں تو دلیل ہے کہ پاکیزہ بات منافق آدمی سے سنے گا۔ اور بعض اہل تعبیر نے بیان کیا ہے کہ جاہل آدمی سے فائدے کی بات سنے گا اور اگر صاحب خواب غمناک ہے تو غم سے نجات پائے گا۔ فرمان حق تعالیٰ ہے: {وَھُزِّیْٓ اِلَیْکِ بِجِذْعِ النَّخْلَۃِ تُسٰقِطْ عَلَیْکِ رُطَبًا جَنِیًّا} (مریم ۱۹:۲۵) ’’اور کھجور کے تنے کو پکڑ کر اپنی طرف ہلائو تم پر تازہ تازہ کھجوریں جھڑ پڑیں گی۔‘‘ حضرت جعفر صادق رحمتہ اللہ علیہ نے فرمایا ہے کہ خواب میں خرما کا دیکھنا کسی رئیس کی طرف سے مال حلال ہے اور خواب میں خشک خرما پاک دین اور مال حلال کی دلیل ہے اور تازہ خرما آنکھ کی روشنی اور مال حلال اور نیک فرزند کی دلیل ہے۔ حکایت: ایک شخص حضرت ابن سیرین رحمتہ اللہ علیہ کی خدمت میں حاضر ہوا اور عرض کیا کہ میں نے خواب میں دیکھا ہے کہ میں نے بادشاہ کے محل کے دروازے پر چالیس خرما پائے ہیں۔ آپ نے تاویل میں فرمایا کہ کل کو تجھے اسی جگہ پر چالیس بید لگیں گے اور اسی طرح ہوا۔ پھر اگلے سال وہی شخص حضرت ابن سیرین رحمتہ اللہ علیہ کی خدمت میں حاضر ہوا اور عرض کیا کہ میں نے شاہی محل کے دروازے پر چالیس خرما پائے ہیں۔ آپ نے فرمایا کہ تو چالیس ہزار درہم پائے گا اور اس نے عرض کیا کہ گذشتہ سال اس خواب کی تعبیر دوسری طرح کی تھی اور اس سال کیسی ہے؟ آپ نے فرمایا کہ گذشتہ سال درخت خرما پر خرما نہ تھے۔ لہٰذا اس کی تاویل یہی ہے۔ پھر ایک ہفتہ کے بعد اس شخص نے چالیس ہزار درہم پائے۔