Khwab main kashti کشتی (نائو) dykhny ki tabeer
hazrat daniyal (rahmatullah alaih) ne farmaya hai ke kashti ko khwab mein dekhna gham o andoh ya qaid khana hai ya aisa kaam hai ke us ke karnay se us ko ranj aur takleef pohanchay gi, khaaskar agar darya se kashti bahar nikli ho ya kashti darya mein baith gayi ho. hazrat ibn sirin (rahmatullah alaih) ne farmaya hai ke agar koi khwab mein dekhe ke kashti mein hai aur wahan se salamati ke saath bahar nikla hai to dalil hai ke ranj se najat payega. farman haq ta'ala hai: {fa'an-jai-nahu wa-man ma'ahu fil-fulk al-mash-hoon} (ash-shu'ara 26:119) 'hum ne us ko aur us ke sath walon ko bhare bere se najat inayat ki.' aur agar dekhe ke darya mein kashti tabah hui hai to dalil hai ke kisi qaum ke hath se halak ho ga, ranj aur bala mein girftar ho ga aur der se najat payega. aur agar dekhe ke kashti garq hui aur wo salamat raha hai to dalil hai ke us ka maal zaya ho ga aur khud bach jayega. aur agar dekhe ke kashti tooti aur sab kuch garq hua hai to dalil hai ke us par badi museebat aaye gi. aur agar dekhe ke kashti mein oonchi jagah par baitha hai aur kashti pani mein chal rahi hai to dalil hai ke us ko badshah aur sardaron ke pass qurb aur rutba hasil ho ga. aur agar dekhe ke kashtiyan khari hain aur bera chal rahe hain to dalil hai ke safar ko jaye ga. farman haq ta'ala hai: {wa-lahu al-jawar il-munsha'at fil-bahr kal-a'lam} (ar-rahman 55:24) 'aur ussi ke liye darya mein bhari kashtiyan jhandon ki tarah qaim hain.' aur agar dekhe ke kashtiyan khari hain to dalil hai ke safar ko jaye gaar aur der tak rahe ga balki us safar mein muqeem ho ga, aur agar dekhe ke kashti mein baitha hai aur umda hawa aayi hai aur kashti ko achhi tarah chala rahi hai to dalil hai ke gham o andoh se najat payega, aur agar dekhe ke kashti khari hai aur har taraf se moj aa rahi hai to dalil hai ke us ko sakhti paish aye gi aur halakat ka khauf ho ga. farman haq ta'ala hai: {wa ja'ahum al-moj min kulli makan} (yunus 10:22) 'aur un par har jagah se moj aayi.' aur agar dekhe ke kashti us ke agay ja rahi hai aur wo us tak pohnch nahi saka hai to dalil hai ke mushkil kaam mein pare ga aur aakhir kar khalasi payega. {fa'an-jai-nahu wa-ashabah-as-safinah} (al-ankabut 29:15) 'hum ne hi us ko aur kashti walon ko najat di.' aur agar dekhe ke kashti ke pehlu mein darya ja raha hai. dalil hai ke safar ko jaye ga aur bohot sa faida hasil kare ga. farman haq ta'ala hai. {yuzji lakumul-fulk fil-bahr litabtughu min fadlihi} (al-isra 17:66) 'tumharay liye kashti ko darya mein chalata hai taake tum us ka fadhl hasil karo.' aur agar dekhe ke kashtiyon mein koi cheez na thi aur khali ja rahi hain to dalil hai ke badshah safiron ko kahin bheje ga aur agar dekhe ke kashtiyan garq ho gayi hain to dalil hai ke un safiron ko rok lenge. hazrat jabir maghrebi (rahmatullah alaih) ne farmaya hai ke agar dekhe ke kashti darya mein garq hui hai aur janta hai ke wo kashti us ki malik na thi to dalil hai ke us ko halakat ka andesha nahi hai. aur agar dekhe ke kashti mein baitha hai aur badshah se darta hai to dalil hai ke badshah ka muqarrib ho ga aur kashti ki barrai ke mutabiq us ko manfat hasil ho gi aur agar kashti mein amin se baitha hai to dalil hai ke us ko badshah se khauf ho ga. aur agar dekhe ke darya mein kashtiyan rang birang ke kapron se arasta hain to dalil hai ke badshah ka muqarrib ho ga aur agar dekhe ke kashti darya ki teh mein gayi hai to dalil hai ke us ko badshah se bari quwwat ho gi aur agar dekhe ke kashti chalti nahi hai to us ki taveel khilaf hai. hazrat ismail ashath (rahmatullah alaih) ne farmaya hai ke agar dekhe ke choti kashti mein baitha hai aur wo darya mein chalti nahi hai to dalil hai ke us ko gham o andoh zyada ho ga aur agar dekhe ke kashti pani mein rawan hai to dalil hai ke safar ko jaye ga aur jaldi wapas aye ga aur agar apni kashti ko khushki mein khari dekhe to dalil hai ke kisi kaam mein aajiz ho ga. hazrat jafar sadiq (rahmatullah alaih) ne farmaya hai ke khwab mein kashti ka dekhna aath wajah par hai. (1) farzand (2) baap (3) aurat (4) sawari (5) khushi (6) aman (7) aish (8) tunagri aur dolat mandi.
حضرت دانیال رحمتہ اللہ علیہ نے فرمایا ہے کہ کشتی کو خواب میں دیکھنا غم و اندوہ یا قید خانہ ہے یا ایسا کام ہے کہ اس کے کرنے سے اس کو رنج اور تکلیف پہنچے گی۔ خاص کر اگر دریا سے کشتی باہر نکلی ہو یا کشتی دریا میں بیٹھ گئی ہو۔ حضرت ابن سیرین رحمتہ اللہ علیہ نے فرمایا ہے کہ اگر کوئی خواب میں دیکھے کہ کشتی میں ہے اور وہاں سے سلامتی کے ساتھ باہر نکلا ہے تو دلیل ہے کہ رنج سے نجات پائے گا۔ فرمان حق تعالیٰ ہے: {فَاَنْجَیْنَاہُ وَمَنْ مَّعَہٗ فِی الْفُلْکِ الْمَشْحُوْنِ} (الشعراء ۲۶:۱۱۹) ’’ہم نے اس کو اور اس کے ساتھ والوں کو بھرے بیڑے سے نجات عنایت کی۔‘‘ اور اگر دیکھے کہ دریا میں کشتی تباہ ہوئی ہے تو دلیل ہے کہ کسی قوم کے ہاتھ سے ہلاک ہو گا‘ رنج اور بلا میں گرفتار ہو گا اور دیر سے نجات پائے گا۔ اور اگر دیکھے کہ کشتی غرق ہوئی اور وہ سلامت رہا ہے تو دلیل ہے کہ اس کا مال ضائع ہو گا اور خود بچے گا۔اور اگر دیکھے کہ کشتی ٹوٹی اور سب کچھ غرق ہوا ہے تو دلیل ہے کہ اس پر بڑی مصیبت آئے گی۔ اور اگر دیکھے کہ کشتی میں اونچی جگہ پر بیٹھا ہے اور کشتی پانی میں چل رہی ہے تو دلیل ہے کہ اس کو بادشاہ اور سرداروں کے پاس قرب اور مرتبہ حاصل ہو گا۔ اور اگر دیکھے کہ کشتیاں کھڑی اور بیڑے چل رہے ہیں تو دلیل ہے کہ سفر کو جائے گا۔ فرمان حق تعالیٰ ہے : {وَلَہُ الْجَوَارِ الْمُنْشَئٰتُ فِی الْبَحْرِ کَالْاَعْلَامِ} (الرحمن ۵۵:۲۴) ’’اور اسی کے لیے دریا میں بھری کشتیاں جھنڈوں کی طرح قائم ہیں۔‘‘ اور اگر دیکھے کہ کشتیاں کھڑی ہیں تو دلیل ہے کہ سفر کو جائے گااور دیر تک رہے گا بلکہ اس سفر میں مقیم ہو گا اور اگر دیکھے کہ کشتی میں بیٹھا ہے اور عمدہ ہوا آئی ہے اور کشتی کو اچھی طرح چلا رہی ہے تو دلیل ہے کہ غم واندوہ سے نجات پائے گا اور اگر دیکھے کہ کشتی کھڑی ہے اور ہر طرف سے موج آرہی ہے تو دلیل ہے کہ اس کو سختی پیش آئے گی اور ہلاکت کا خوف ہو گا۔فرمان حق تعالیٰ ہے: {وَّ جَآئَہُمُ الْمَوْجُ مِنْ کُلِّ مَکَانٍ} (یونس ۱۰:۲۲) ’’ اور ان پر ہر جگہ سے موج آئی۔‘‘ اور اگر دیکھے کہ کشتی اس کے آگے جا رہی ہے اور وہ اس تک پہنچ نہیں سکا ہے تو دلیل ہے کہ مشکل کام میں پڑے گااور آخر کار خلاصی پائے گا۔ {فَاَنْجَیْنٰہُ وَ اَصْحٰبَ السَّفِیْنَۃِ} (العنکبوت ۲۹:۱۵) ’’ہم نے ہی اس کو اور کشتی والوں کو نجات دی۔‘‘ اور اگر دیکھے کہ کشتی کے پہلو میں دریا جا رہا ہے۔ دلیل ہے کہ سفر کو جائے گا اور بہت سا فائدہ حاصل کرے گا۔ فرمان حق تعالیٰ ہے۔ {یُزْجِیْ لَکُمُ الْفُلْکَ فِی الْبَحْرِ لِتَبْتَغُوْا مِنْ فَضْلِہٖ} (الاسراء۱۷:۶۶) ’’تمہارے لیے کشتی کو دریا میں چلاتا ہے تاکہ تم اس کا فضل حاصل کرو۔‘‘ اور اگر دیکھے کہ کشتیوں میں کوئی چیز نہ تھی اور خالی جارہی ہیں تو دلیل ہے کہ بادشاہ سفیروں کو کہیں بھیجے گا اور اگر دیکھے کہ کشتیاں غرق ہو گئی ہیں تو دلیل ہے کہ ان سفیروں کو روک لیں گے۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ کشتی دریا میں غرق ہوئی ہے اور جانتا ہے کہ وہ کشتی اس کی ملک نہ تھی تو دلیل ہے کہ اس کو ہلاکت کا اندیشہ نہیں ہے۔ اور اگر دیکھے کہ کشتی میں بیٹھا ہے اور بادشاہ سے ڈرتا ہے تو دلیل ہے کہ بادشاہ کا مقرب ہو گا اور کشتی کی بڑائی کے مطابق اس کو منفعت حاصل ہو گی اور اگر کشتی میں امن سے بیٹھا ہے تو دلیل ہے کہ اس کو بادشاہ سے خوف ہو گا۔ اور اگر دیکھے کہ دریا میں کشتیاں رنگ برنگ کے کپڑوں سے آراستہ ہیں تو دلیل ہے کہ بادشاہ کا مقرب ہو گا اور اگر دیکھے کہ کشتی دریا کی تہہ میں گئی ہے تو دلیل ہے کہ اس کو بادشاہ سے بڑی قوت ہو گی اور اگر دیکھے کہ کشتی چلتی نہیں ہے تو اس کی تاویل خلاف ہے ۔ حضرت اسماعیل اشعث رحمتہ اللہ علیہ نے فرمایا ہے کہ اگر دیکھے کہ چھوٹی کشتی میں بیٹھا ہے اور وہ دریا میں چلتی نہیں ہے تو دلیل ہے کہ اس کو غم واندوہ زیادہ ہو گا اور اگر دیکھے کہ کشتی پانی میں رواں ہے تو دلیل ہے کہ سفر کو جائے گا اور جلدی واپس آئے گا اور اگر اپنی کشتی کو خشکی میں کھڑی دیکھے تو دلیل ہے کہ کسی کام میں عاجز ہو گا۔ حضرت جعفر صادق رحمتہ اللہ علیہ نے فرمایا ہے کہ خواب میں کشتی کا دیکھنا آٹھ وجہ پر ہے۔ (۱) فرزند (۲) باپ (۳) عورت (۴) سواری (۵) خوشی (۶) امن (۷) عیش (۸) تونگری اور دولت مندی۔