Khwab main ka'ab (takhna) کعب(ٹخنہ) dykhny ki tabeer
hazrat ibn sirin rahmatullah alaih ne farmaya hai ke khwab mein takhne ko dekhna maqam par taweel hai. agar dekhe ke takhne se khelta hai to jang aur jhagray par daleel hai aur agar dekhe ke us ke bohat se takhne hain to daleel hai ke usi qadar gham o andoh uthaayega aur agar dekhe ke us ke paon ka takhna toota hai to daleel hai ke uska farzand marega ya us ko gham pohanchayega aur takhnon ki taweel larai jhagra makr aur heela hai. hazrat jabir maghribi rahmatullah alaih ne farmaya hai ke takhnon ke saath khelna haqir aur zaleel dushman aur jhagray par daleel hai. hazrat jafar sadiq sadiq rahmatullah alaih ne farmaya hai khwab mein takhna paanch wajah par hai: (1) maqam (2) aurat (3) farzand (4) maal (5) guftagu. farman-e-haq taala hai: {wa kawaa’iba atraaba wa kaasan dihaaqa} (an-naba 78:33-34) 'aur mityar anar pushtan auratein aur chhalkte huye pyale.' aur agar halal gosht walay janwar ka apne paas takhna dekhe to maal halal par daleel hai aur agar baraks dekhe to maal haram par daleel hai.
حضرت ابن سیرین رحمتہ اللہ علیہ نے فرمایا ہے کہ خواب میں ٹخنے کو دیکھنا مقام پر تاویل ہے۔ اگر دیکھے کہ ٹخنے سے کھیلتا ہے تو جنگ اور جھگڑے پر دلیل ہے اور اگر دیکھے کہ اس کے بہت سے ٹخنے ہیں تو دلیل ہے کہ اسی قدر غم واندوہ اٹھائے گا اور اگر دیکھے کہ اس کے پائوں کا ٹخنہ ٹوٹا ہے تو دلیل ہے کہ اس کا فرزند مرے گا یا اس کو غم پہنچے گا اور ٹخنوں کی تاویل لڑائی جھگڑا مکر اور حیلہ ہے۔ حضرت جابر مغربی رحمتہ اللہ علیہ نے فرمایا ہے کہ ٹخنوں کے ساتھ کھیلنا حقیر اور ذلیل دشمن اور جھگڑے پر دلیل ہے۔ حضرت جعفر صادق صادق رحمتہ اللہ علیہ نے فرمایا ہے خواب میں ٹخنہ پانچ وجہ پر ہے: (۱) مقام (۲) عورت (۳) فرزند (۴) مال (۵) گفتگو۔ فرمان حق تعالیٰ ہے : {وَکَوَاعِبَ اَتْرَابًا وَّکَاْسًا دِہَاقًا} (النباء ۷۸: ۳۳۔۳۴) ’’اور مٹیار انار پشتان عورتیں اور چھلکتے ہوئے پیالے۔‘‘ اور اگر حلال گوشت والے جانور کا اپنے پاس ٹخنہ دیکھے تو مال حلال پر دلیل ہے اور اگر برعکس دیکھے تو مال حرام پر دلیل ہے۔