Khwab main jhanda علم (جھنڈا) dykhny ki tabeer
jhanda khwab mein dana mard ya imam zahid ya aisa shakhs hai ke jis ki log tabedari karte hain. agar dekhe ke us ke haath mein jhanda hai to daleel hai ke isi qisam ke aadmi se ke jis ki ooper tareef hui hai aashna ho ga aur is se rahat paye ga aur agar dekhe ke jhanda us ke haath se gira hai ya khoya gaya hai to is ki taweel awal ke khilaf hai. hazrat ibrahim kirmani, rahmatullah alayh ne farmaya hai ke jhanday ka khwab mein dekhna safar par daleel hai. agar dekhe ke is ko logon ne jhanda diya hai ya is ke paas lashkar jama hua hai to daleel hai ke izzat aur buzurgi paye ga khas kar jhanda agar safed ya sabz hai. hazrat jaber maghribi, rahmatullah alayh ne farmaya hai ke agar dekhe ke us ke haath mein bara safed jhanda hai to daleel hai ke is ki sohbat kisi buzurg maldar shakhs se ho gi aur is se khair o manfa'at paye ga aur agar dekhe ke us ke paas sabz jhanda hai to daleel hai ke zahid aur deendar ho ga aur agar dekhe ke us ke paas siyah jhanda hai to daleel hai ke qazi ya khateeb ho ga. hazrat jafar sadiq, rahmatullah alayh ne farmaya hai ke khwab mein jhanda dekhna chaar wajah par hai: awwal: sardar. doyam: safar. soyam: martaba. chaturtham: achay halaat.
جھنڈا خواب میں دانا مرد یا امام زاہد یا ایسا شخص ہے کہ جس کی لوگ تابعداری کرتے ہیں۔ اگر دیکھے کہ اس کے ہاتھ میں جھنڈا ہے تو دلیل ہے کہ اسی قسم کے آدمی سے کہ جس کی اوپر تعریف ہوئی ہے آشنا ہو گا اور اس سے راحت پائے گا اور اگر دیکھے کہ جھنڈا اس کے ہاتھ سے گرا ہے یا کھویا گیا ہے تو اس کی تاویل اول کے خلاف ہے۔ حضرت ابراہیم کرمانی رحمتہ اللہ علیہ نے فرمایا ہے کہ جھنڈے کا خواب میں دیکھنا سفر پر دلیل ہے۔ اگر دیکھے کہ اس کو لوگوں نے جھنڈا دیا ہے یا اس کے پاس لشکر جمع ہوا ہے تو دلیل ہے کہ عزت اور بزرگی پائے گا خاص کر جھنڈا اگر سفید یا سبز ہے۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ اس کے ہاتھ میں بڑا سفید جھنڈا ہے تو دلیل ہے کہ اس کی صحبت کسی بزرگ مالدار شخص سے ہو گی اور اس سے خیر و منفعت پائے گا اور اگر دیکھے کہ اس کے پاس سبز جھنڈا ہے تو دلیل ہے کہ زاہد اور دیندار ہو گا اور اگر دیکھے کہ اس کے پاس سیاہ جھنڈا ہے تو دلیل ہے کہ قاضی یا خطیب ہو گا۔ حضرت جعفر صادق رحمتہ اللہ علیہ نے فرمایا ہے کہ خواب میں جھنڈے کا دیکھنا چار وجہ پر ہے: اول: سردار۔ دوم: سفر۔ سوم: مرتبہ۔ چہارم: اچھے حالات۔