Khwab main iblees (shaitaan) ابلیس (شیطان) dykhny ki tabeer
hazrat daniyal (rahmatullah alayh) ne farmaya hai khwab mein iblees ka dekhna dushmani, bad-deeni, jhoot, fareb, beh-sharmi, neki se na umeedi aur logon ko badi sikhane aur shar o fasaad ki daleel hai. agar khwab mein dekhe ke iblees ko larai aur jung mein maghloob kar liya hai to daleel hai ke iska mailan salah aur khair ki taraf hai, aur agar dekhe ke iblees uspe ghalib aa gaya hai to daleel hai ke shar aur fasaad ki raah ki taraf mail hoga. aur agar khwab mein dekhe ke shaitaan usse baatein kar raha hai to daleel hai ke usko raste se pheraega aur itaat se rokega. aur agar dekhe ke iblees usko naseehat karta hai aur usko bhali maaloom hoti hai to daleel hai ke uske maal aur jism ko nuqsaan pohnchega. agar dekhe ke iblees ne iska haath pakda aur usko kisi jagah le gaya aur usne: 'la hawla wa la quwwata illa billahil aliyyil azeem' (nahi hai rukne ki taqat na gunah se aur na taqat neki ki, magar allah buland barzarg ke saath hai) padha to daleel hai ke kisi barey gunah mein padega aur phir kisi ki naseehat se is gunah se rukega. aur agar dekhe ke usne iblees ki gardan mein tauq daal diya hai to daleel hai ke ahl-e-deen o salah ko khushi pohnchegi aur agar dekhe ke iblees zaeef aur aajiz hai to daleel hai ke muslih aalmon aur naik logon ko taqat hogi. hazrat kirmani (rahmatullah alayh) ne farmaya hai ke agar koi shakhs khwab mein dekhe ke iblees ka muti ho gaya hai to daleel hai ke khwahish nafsani mein mubtala hoga aur agar dekhe ke iblees ne usko kuch diya hai to agar woh achi cheez hai to maal haram payega aur agar woh buri cheez hai to daleel hai ke uske deen mein fasaad hoga. aur agar koi shakhs dekhe ke iblees khush o khurram hai to daleel hai ke logon ke kaam mein qawi fasaad hoga aur agar dekhe ke iblees ko talwar maar kar halaak karna chahta hai aur woh bhaag gaya hai to daleel hai ke usko aik mulk milega aur woh adl o insaf karega aur agar dekhe ke iblees ko maara hai to daleel hai ke apne nafs ko maghloob karega aur naik raste par chalega.
حضرت دانیال رحمتہ اللہ علیہ نے فرمایا ہے خواب میں ابلیس کا دیکھنا۔ دشمنی‘ بددینی‘ جھوٹ‘ فریب‘ بے شرمی‘ نیکی سے نا امیدی اور لوگوں کو بدی سکھانے اور شر و فساد کی دلیل ہے۔ اگر خواب میں دیکھے کہ ابلیس کو لڑائی اور جنگ میں مغلوب کر لیا ہے تو دلیل ہے کہ اس کا میلان صلاح اور خیر کی طرف ہے اور اگر دیکھے کہ ابلیس اس پر غالب آ گیا ہے تو دلیل ہے کہ شر اور فساد کی راہ کی طرف مائل ہوگا اور اگر خواب میں دیکھے کہ شیطان اس سے باتیں کرتا ہے تو دلیل ہے کہ اس کو راستہ سے پھیرے گا اور اطاعت سے روکے گا۔ اور اگر دیکھے کہ ابلیس اس کو نصیحت کرتا ہے اور اس کو بھلی معلوم ہوتی ہے تو دلیل ہے کہ اس کے مال اور جسم کو نقصان پہنچے گا اور اگر دیکھے کہ ابلیس نے اس کا ہاتھ پکڑا اور اس کو کسی جگہ لے گیا اور اس نے : ’’لَاحَوْلَ وَلَا قُوَّۃَ اِلَّا بِاللّٰہِ الْعَلِیِّ الْعَظِیْمِ‘‘ (نہیں ہے رکنے کی طاقت ناگناہ سے اور نہ طاقت نیکی کی، مگر اللہ بلند بزرگ کے ساتھ ہے۔) پڑھا تو دلیل ہے کہ کسی بڑے گناہ میں پڑے گا اور پھر کسی کی نصیحت سے اس گناہ سے رکے گا اور اگر دیکھے کہ اس نے ابلیس کی گردن میں طوق ڈال دیا ہے تو دلیل ہے کہ اہل دین و صلاح کو خوشی پہنچے گی اور اگر دیکھے کہ ابلیس ضعیف اور عاجز ہے تو دلیل ہے کہ مصلح عالموں اور نیک لوگو ں کو طاقت ہوگی۔ حضرت کرمانی رحمتہ اللہ علیہ نے فرمایا ہے کہ اگر کوئی شخص خواب میں دیکھے کہ ابلیس کا مطیع ہو گیا ہے تو دلیل ہے کہ خواہش نفسانی میں مبتلا ہو گا اور اگر دیکھے کہ ابلیس نے اس کو کچھ دیا ہے تو اگر وہ اچھی چیز ہے تو مال حرام پائے گا اور اگر وہ بری چیز ہے تو دلیل ہے کہ اس کے دین میں فساد ہو گا۔ اور اگر کوئی شخص دیکھے کہ ابلیس خوش و خرم ہے تو دلیل ہے کہ لوگوں کے کام میں قوی فساد ہو گا اور اگر دیکھے کہ ابلیس کو تلوار مار کر ہلاک کرنا چاہتا ہے اور وہ بھاگ گیا ہے تو دلیل ہے کہ اس کو ایک ملک ملے گا اور وہ عدل و انصاف کرے گا اور اگر دیکھے کہ ابلیس کو مارا ہے تو دلیل ہے کہ اپنے نفس کو مغلوب کرے گا اور نیک راستے پر چلے گا۔