Khwab main haud-e-kausar حوض کوثر dykhny ki tabeer
hazrat ibn-e-sirin rahmatullah alaih ne farmaya hai ke agar khawab mein dekhe ke qayamat qayam hai aur logon ko hauz-e-kausar par bula rahe hain to yeh is baat par daleel hai ke aisa badshah zahir hoga jo logon mein adal-o-inصاف karega. aur agar dekhe ke hauz-e-kausar se ek pyala piya hai to daleel hai ke uski maut islam par hogi. aur agar dekhe ke hauz-e-kausar ke aas paas phir kar pani maangta hai aur usay nahin mila hai to daleel hai ke an-hazrat sallallahu alaihi wasallam ke doston ka dushman hoga aur agar dekhe ke an-hazrat sallallahu alaihi wasallam ne usko hauz-e-kausar ka pani diya hai aur usne piya hai to daleel hai ke an-hazrat sallallahu alaihi wasallam ki shafa'at paega. hazrat ibrahim kirmani rahmatullah alaih ne farmaya hai agar dekhe ke iska naam hauz-e-kausar par likha hua hai aur usne pyala utha kar pani piya hai to daleel hai ke iski kisi aalim se sohbat hogi aur dono jahan ki murad paega. hazrat jabir maghribi rahmatullah alaih ne farmaya hai ke agar dekhe ke usne hauz-e-kausar se pani piya hai aur pani gundhala hai to daleel hai ke khawab mein dekhne wala munafiq hai aur usko quran aur hadith se ilm naseeb na hoga aur agar khwab mein dekhe ke hauz-e-kausar isi tarah ka hai ke jis tarah hadith shareef mein aaya hai aur usne aab-e-kausar piya hai to daleel hai ke is shakhs ka haq ta'ala ke nazdeek bara maqam aur rutba hai aur woh buzurgan-e-deen mein se hoga.
حضرت ابن سیرین رحمتہ اللہ علیہ نے فرمایا ہے اگر خواب میں دیکھے کہ قیامت قائم ہے اور لوگوں کو حوض کوثر پر بلاتے ہیں تو یہ اس بات پر دلیل ہے کہ ایسا بادشاہ ظاہر ہو گا جو لوگوں میں عدل و انصاف کرے گا۔ اور اگر دیکھے کہ حوض کوثر سے ایک پیالہ پیا ہے تو دلیل ہے کہ اس کی موت اسلام پر ہوگی۔ اور اگر دیکھے کہ حضو کوثر کے آس پاس پھر کر پانی مانگتا ہے اور اس کو نہیں ملا ہے تو دلیل ہے کہ آنحضرت صلی اللہ علیہ وسلم کے دوستوں کا دشمن ہو گا اور اگر دیکھے کہ آنحضرت صلی اللہ علیہ وسلم نے اس کو حوض کوثر کا پانی دیا ہے اور اس نے پیا ہے دلیل ہے کہ آنحضور صلی اللہ علیہ وسلم کی شفاعت پائے گا۔ حضرت ابراہیم کرمانی رحمتہ اللہ علیہ نے فرمایا ہے اگر دیکھے کہ اس کا نام حوض کوثر پر لکھا ہوا ہے اور اس نے پیالہ اٹھا کر پانی پیا ہے تو دلیل ہے کہ اس کی کسی عالم سے صحبت ہو گی اور دونوں جہان کی مراد پائے گا۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ اس نے حوض کوثر سے پانی پیا ہے اور پانی گندھلا ہے تو دلیل ہے کہ خواب میں دیکھنے والا منافق ہے اور اس کو قرآن و حدیث سے علم نصیب نہ ہو گا اور اگر خواب میں دیکھے کہ حوض کوثر اسی طرح کا ہے کہ جس طرح حدیث شریف میں آیا ہے اور اس نے آب کوثر پیا ہے تو دلیل ہے کہ اس شخص کا حق تعالیٰ کے نزدیک بڑا مقام اور مرتبہ ہے اور وہ بزرگان دین میں سے ہو گا۔