Khwab main hammaal (quli) حمّال (قُلی) dykhny ki tabeer
hazrat ibn sirin rahmatullah alaiyun ne farmaya hai ke khwab mein qale sahib martaba aur khatarnaak shakhs hai. aur agar dekhe ke is ki pusht par halki bojh hai aur woh bojh is ki milk hai toh is baat ki daleel hai ke is bojh ke mutabiq us ko rahat aur khair-o-munafa'at pohnchay gi. aur agar dekhe ke woh bojh is qadar ziada hai ke us se is ki pusht ko takleef pohnch rahi hai toh daleel hai ke gunahgar aur nafarman hai. farman haq ta'ala hai: {liyahmiloo owzaarahum kamilatan yawmas qiyamah} (an-nahl 16:25) 'taake woh poore tor par qayamat ke din apne bojh uthayen.' hazrat jabir maghribi rahmatullah alaiyun ne farmaya hai ke agar dekhe ke doosron ka bojh baghair ajrat ke uthata hai toh daleel hai ke khalq-e-khuda se khair aur ehsan ke sath paish aata hai aur agar dekhe ke ajrat le kar bojh uthata hai toh is ki taweel gham o andoh hai.
حضرت ابن سیرین رحمتہ اللہ علیہ نے فرمایا ہے کہ خواب میں قلی صاحب مرتبہ اور خطر ناک شخص ہے اور اگر دیکھے کہ اس کی پشت پر ہلکا بوجھ ہے اور وہ بوجھ اس کی مِلک ہے تو اس بات کی دلیل ہے کہ اس بوجھ کے مطابق اس کو راحت اور خیرومنفعت پہنچے گی اور اگر دیکھے کہ وہ بوجھ اس قدر زیادہ ہے کہ اس سے اس کی پشت کو تکلیف پہنچ رہی ہے تو دلیل ہے کہ گنہگار اور نافرمان ہے۔ فرمان حق تعالیٰ ہے: {لِیَحْمِلُوْٓا اَوْزَارَہُمْ کَامِلَۃً یَّوْمَ الْقَیٰمَۃِ} (النحل ۱۶:۲۵) ’’تاکہ وہ پورے طور پر قیامت کے دن اپنے بوجھ اٹھائیں۔‘‘ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ دوسروں کا بوجھ بغیر اجرت کے اٹھاتا ہے تو دلیل ہے کہ خلقتِ خدا سے خیر اور احسان کے ساتھ پیش آتا ہے اور اگر دیکھے کہ اجرت لے کر بوجھ اٹھاتا ہے تو اس کی تاویل غم و اندوہ ہے۔