Khwab main haddi اُستخوان (ہڈی) dykhny ki tabeer
hazrat ibn-e-sirin rahmatullah alaih ne farmaya hai ke khwab mein haddi maal aur dolat hai jis se log guzjar karte hain. agar khwab mein dekhe ke haddi mili hai aur is par gosht bhi hai to daleel hai ke is gosht ke andazay ke mutabiq khair aur maal paye ga aur agar dekhe ke baghair gosht ke haddi hai to daleel hai ke is ko thori bhalai pohonche gi aur agar dekhe ke is ne kisi ko haddi di hai to daleel hai ke is se kisi ka bhala ho ga. hazrat kirmani rahmatullah alaih ne farmaya hai ke agar khwab mein dekhe ke is ne kisi ki tooti hui haddi bandhi hai to daleel hai ke buzurgi aur tarah tarah ki naimatein hasil kare ga aur naik kaam kare ga. baaz ahal-e-ta'beer ne bayan kiya hai ke is ki tangi aur mohtaaji door ho gi. hazrat jafar sadiq rahmatullah alaih ne farmaya hai ke khwab mein haddi ka dekhna saat wajah par hai: pehla: umeed-e-maal; dusra: aqarib; teesra: farzandan; chotha: qiyam ka ghar; paanchwa: maal; chhatha: baradran; satwa: dost aur shareek.
حضرت ابن سیرین رحمتہ اللہ علیہ نے فرمایا ہے کہ خواب میں ہڈی مال و دولت ہے جس سے لوگ گزر کرتے ہیں۔ اگر خواب میں دیکھے کہ ہڈی ملی ہے اور اس پر گوشت بھی ہے تو دلیل ہے کہ اس گوشت کے اندازے کے مطابق خیر اور مال پائے گا اور اگر دیکھے کہ بغیر گوشت کے ہڈی ہے تو دلیل ہے کہ اس کو تھوڑی بھلائی پہنچے گی اور اگر دیکھے کہ اس نے کسی کو ہڈی دی ہے تو دلیل ہے کہ اس سے کسی کا بھلا ہو گا۔ حضرت کرمانی رحمتہ اللہ علیہ نے فرمایا ہے کہ اگر خواب میں دیکھے کہ اس نے کسی کی ٹوٹی ہوئی ہڈی باندھی ہے تو دلیل ہے کہ بزرگی اور طرح طرح کی نعمتیں حاصل کرے گا اور نیک کام کرے گا۔ بعض اہل تعبیر نے بیان کیا ہے کہ اس کی تنگی اور محتاجی دور ہو گی۔ حضرت جعفر صادق رحمتہ اللہ علیہ نے فرمایا ہے کہ خواب میں ہڈی کا دیکھنا سات وجہ پر ہے: اول: امید مال۔ دوم: اقرباء۔ سوم: فرزندان۔ چہارم: قیام کا گھر۔ پنجم: مال ششم: برادران۔ ہفتم: دوست اور شریک۔