Khwab main goher (moti) گوہر (موتی) dykhny ki tabeer
hazrat ibn-e-sireen rehmatullah alaih ne farmaaya hai ke khwab mein moti dekhna khoobsurat doulatmand aurat ko dekhna hai. agar dekhe ke us ke paas moti hai to daleel hai ke aurat ko talaaq dega aur agar dekhe ke us ke paas bohot se moti hain to daleel hai ke bohot sa maal hasil karega. hazrat ibrahim karmani rehmatullah alaih ne farmaaya hai ke agar dekhe ke moti bechta hai to daleel hai ke aurton ke shughul mein masroof hoga aur dalali karega aur agar dekhe ke baaz motiyon mein suraakh hain aur baaz ke baare mein ilm nahi hai to daleel hai ke kanwari aur bewa auraton ki dalali karega. hazrat jaber maghribi rehmatullah alaih ne farmaaya hai ke khwab mein safed moti farzand hai aur agar dekhe ke us ke paas safed moti hai to daleel hai ke us ke yahan farzand paida hoga. hazrat jafar sadiq rehmatullah alaih ne farmaaya hai ke khwab mein moti dekhna aath wajah par hai: (1) maal (2) ilm (3) mashhoor farzand (4) besh qeemat cheez (5) khoobsurat auratein (6) faidemand baat (7) khair o barkat (8) nek kaam karna. aur agar sahib-e-khwab parsa nahi hai to is ke liye pashemani par daleel hai aur khwab mein gohar farosh yaani moti bechne wala sahib-e-ilm o hikmat hai.
حضرت ابن سیرین رحمتہ اللہ علیہ نے فرمایا ہے کہ خواب میں موتی دیکھنا خوبصورت دولت مند عورت کو دیکھنا ہے۔ اگر دیکھے کہ اس کے پاس موتی ہے تو دلیل ہے کہ عورت کو طلاق دے گا اور اگر دیکھے کہ اس کے پاس بہت سے موتی ہیں تو دلیل ہے کہ بہت سا مال حاصل کرے گا۔ حضرت ابراہیم کرمانی رحمتہ اللہ علیہ نے فرمایا ہے کہ اگر دیکھے کہ موتی بیچتا ہے تو دلیل ہے کہ عورتوں کے شغل میں مشغول ہو گا اور دلالی کرے گا اور اگر دیکھے کہ بعض موتیوں میں سوراخ ہیں اور بعض کی بابت علم نہیں ہے تو دلیل ہے کہ کنواری اور بیوہ عورتوں کی دلالی کرے گا۔ حضرت جابر مغربی رحمتہ اللہ علیہ نے فرمایا ہے کہ خواب میں سفید موتی فرزند ہے اور اگر دیکھے کہ اس کے پاس سفید موتی ہے تو دلیل ہے کہ اس کے ہاں فرزند پیدا ہو گا۔ حضرت جعفر صادق رحمتہ اللہ علیہ نے فرمایا ہے کہ خواب میں موتی دیکھنا آٹھ وجہ پر ہے : (۱) مال (۲) علم (۳) مشہورفرزند (۴) بیش قیمت چیز(۵) خوبصورت عورتیں (۶) فائدہ مند بات (۷) خیرو برکت(۸) نیک کام کرنا۔ اور اگر صاحب خواب پارسا نہیں ہے تو اس کے لیے پشیمانی پر دلیل ہے اور خواب میں گوہر فروش یعنی موتی بیچنے والا صاحب علم و حکمت ہے۔