Khwab main ghar خانہ (گھر) dykhny ki tabeer
hazrat ibn sirin rehmatullah alaih ne farmaaya hai ke khawab mein ghar mard ke liye aurat hai. agar khawab mein dekhe ke ghar ko sutoono shehare uthaliya hai, to yeh is baat ki taraf ishara hai ke wo ba-murawat aur meherban aurat se shadi karega. aur agar dekhe ke ghar ka darwaza naya bana hai, daleel hai ke maldar aurat karega aur maldar hoga. aur agar dekhe ke tanha ghar ko choona laga hua hai aur yeh maloom nahi hai ke ghar kiski milk hai, to daleel hai ke ghar wala duniya se jayega. aur agar dekhe ke ghar ka darwaza boseeda hai aur wo ghar mein band hai aur wo ghar doosre gharon se mila hua hai to yeh us baat ki daleel hai ke ranj aur sakhti se najat payega aur agar bimaar hai to shifa payega. aur agar dekhe ke apne ghar ka darwaza khud tora hai to daleel hai ke mal jama karega. aur agar dekhe ke uska ghar bohot bara ho gaya hai to daleel hai ke mal o naimat farakh hogi aur agar iske khilaf dekhe to daleel hai ke mal o naimat se is par tngi hogi. hazrat ibrahim karmani rehmatullah alaih ne farmaaya hai ke agar dekhe ke uske ghar ki deewar ya ghar gir gaya hai to daleel hai ke usko bohot sa mal puhanchega aur agar dekhe ke uska ghar be-wajeh kharab ho gaya hai to daleel hai ke usko maal aur dirham milenge aur agar dekhe ke lohay ka ghar hai to daleel hai ke maldar hoga. aur agar dekhe ke uske ghar ka darwaza chaandi ka hai to daleel hai ke usko touba karni chahiye. farmaan haq ta'ala hai: 'jo log rehman ke saath kufr karte hain un ke gharon ki chhatain chandi ki hain.' agar wo maldar hai to naimat aur ziyada hogi. aur agar dekhe ke uske ghar ke as-paas koi ghar nahi hai to daleel hai ke uska haal tabah hoga.
حضرت ابن سیرین رحمتہ اللہ علیہ نے فرمایا ہے کہ خواب میں گھر مرد کے لیے عورت ہے۔اگر خواب میں دیکھے کہ گھر کو ستونوں سمیت جگہ سے اٹھا لیا ہے تو اس بات کی طرف اشارہ ہے کہ بامروت اور مہربان عورت سے شادی کرے گا۔ اور اگر دیکھے کہ گھر کا دروازہ نیا بنا ہے۔دلیل ہے کہ مالدار عورت کرے گا اور مالدار ہو گا۔اور اگر دیکھے کہ تنہا گھر کو چونا لگا ہوا ہے اور یہ معلوم نہیں ہے کہ گھر کس کی ملک ہے، تو دلیل ہے کہ گھر والا دنیا سے جائے گا۔ اور اگر دیکھے کہ گھر کا دروازہ بوسیدہ ہے اور وہ گھر میں بند ہے اور وہ گھر دوسرے گھروں سے ملا ہوا ہے تو یہ اس بات کی دلیل ہے کہ رنج اور سختی سے نجات پائے گا اور اگر بیمار ہے تو شفاء پائے گا۔اور اگر دیکھے کہ اپنے گھر کا دروازہ خود توڑا ہے تو دلیل ہے کہ مال جمع کرے گا۔ اور اگر دیکھے کہ اس کا گھر بہت بڑا ہو گیا ہے تو دلیل ہے کہ مال و نعمت فراخ ہو گی اور اگر اس کے خلاف دیکھے تو دلیل ہے کہ مال و نعمت سے اس پر تنگی ہو گی۔ حضرت ابراہیم کرمانی رحمتہ اللہ علیہ نے فرمایا ہے کہ اگر دیکھے کہ اس کے گھر کی دیوار یا گھر گر گیا ہے تو دلیل ہے کہ اس کو بہت سا مال پہنچے گا اور اگر دیکھے کہ اس کا گھر بے وجہ خراب ہو گیا ہے تو دلیل ہے کہ اس کو مال اور درہم ملیں گے اور اگر دیکھے کہ لوہے کا گھر ہے تو دلیل ہے کہ مالدار ہو گا۔ اور اگر دیکھے کہ اس کے گھر کا دروازہ چاندی کا ہے تو دلیل ہے کہ اس کو توبہ کرنی چاہیے۔ فرمان حق تعالیٰ ہے: {لِمَنْ یَّکْفُرُ بِالرَّحْمٰنِ لِبُیُوتِہِمْ سُقُفًا مِّنْ فَضَّۃٍ} (الزخرف ۴۳:۳۳) ’’جو لوگ رحمن کے ساتھ کفر کرتے ہیں ان کے گھروں کی چھت چاندی کی ہے۔‘‘ اور اگر مالدار ہے تو نعمت اور زیادہ ہو گی۔اور اگر دیکھے کہ اس کے گھر کے آس پاس کوئی گھر نہیں ہے تو دلیل ہے کہ اس کا حال تباہ ہو گا۔