Khwab main gardan گردن dykhny ki tabeer
hazrat daniyal (rehmatullah alaih) ne farmaya hai ke khwab mein gardan ka dekhna amanat aur deen ki jagah hai. aur agar dekhe ke iski gardan moti ho gayi hai to daleel hai ke isko amanat ada karne mein qudrat aur deen ki hifazat mein deenat hogi. aur agar dekhe ke iski gardan kutah aur zaeef hai to daleel hai ke amanat guzaarne mein aajiz hoga. aur agar dekhe ke saanp ne iski gardan mein halqa maara hua hai to daleel hai ke maal ki zakat nahi deta hai. farman-e-haq taala hai: {sayutauqoona ma bakhiloo bihi yaum al-qiyamah} (al-imran 3:180) ''bakhil ke bais un ki gardanon mein qayamat ke din tauq dala jayega.'' aur agar apni gardan par girani dekhe halanke uski gardan par koi cheez nahi hai to daleel hai ke bemar hoga aur agar dekhe ke uski gardan par bojh hai aur usko girani maloom nahi hoti hai to durusti deen aur duraazi umr par daleel hai. hazrat ibrahim kirmani (rehmatullah alaih) ne farmaya hai ke agar dekhe ke iski gardan qawi aur moti ho gayi hai to daleel hai ke amanat achi tarah guzaarega aur iska kaam qawi hoga aur agar apni gardan daraaz dekhe to daleel hai ke iske zimmay amanat der tak rahegi aur apni gawaahi denay se ruke ga. aur agar apni gardan kutah dekhe to daleel hai ke apne zimmay se amanatain jaldi door karega aur agar apni gardan siyaah dekhe to amanat mein khayanat karega aur agar apni gardan tooti hui dekhe to daleel hai ke apni muraad se rukae ga aur iske deen mein khalal parega kyun ke koi amanat deen se badi nahi hai aur agar apni gardan kutah dekhe to daleel hai ke amanat mein khayanat karega aur agar apni gardan par baal dekhe to daleel hai ke amanat ada karne ke bais qarzdar hoga aur agar apni gardan se baalon ko monde to daleel hai ke qarz utare ga aur agar gardan se gosht ko kata hua dekhe to daleel hai ke kisi ka maal iske paas hoga aur woh zaya hoga aur agar gardan ko kutah dekhe to daleel hai ke amanat mein khayanat karega. hazrat jabir maghribi (rehmatullah alaih) ne farmaya hai ke agar dekhe ke apni gardan ka gosht khata hai to is ki taweel khelaf hai aur agar dekhe ke kisi ki gardan par baitha hai to daleel hai ke dushman par fatah paaye ga. hazrat jafar sadiq (rehmatullah alaih) ne farmaya hai ke khwab mein gardan ka dekhna paanch wajah par hai: (1) amanat (2) tawanai (3) khayanat (4) qarz (5) bemari.
حضرت دانیال رحمتہ اللہ علیہ نے فرمایا ہے کہ خواب میں گردن کا دیکھنا امانت اور دین کی جگہ ہے اور اگر دیکھے کہ اس کی گردن موٹی ہوئی ہے تو دلیل ہے کہ اس کو امانت ادا کرنے میں قوت اور دین کی حفاظت میں دیانت ہوگی اور اگر دیکھے کہ اس کی گردن کوتاہ اور ضعیف ہے تو دلیل ہے کہ امانت گزارنے میں عاجز ہوگا۔ اور اگر دیکھے کہ سانپ نے اس کی گردن میں حلقہ مارا ہوا ہے تو دلیل ہے کہ مال کی زکوٰۃ نہیں دیتا ہے۔ فرمان حق تعالیٰ ہے: {سَیُطَوَّقُوْنَ مَا بَخِلُوْا بِہٖ یَوْمَ الْقِیٰمَۃِ} (آل عمرن ۳:۱۸۰)’’بخل کے باعث ان کی گردنوں میں قیامت کے دن طوق ڈالا جائے گا۔‘‘ اور اگر اپنی گردن پر گرانی دیکھے حالانکہ اس کی گردن پر کوئی چیز نہیں ہے تو دلیل ہے کہ بیمار ہوگا اور اگر دیکھے کہ اس کی گردن پر بوجھ ہے اور اس کو گرانی معلوم نہیں ہوتی ہے تو درستی دین اور درازیِ عمر پر دلیل ہے۔ حضرت ابراہیم کرمانی رحمتہ اللہ علیہ نے فرمایا ہے کہ اگر دیکھے کہ اس کی گردن قوی اور موٹی ہو گئی ہے تو دلیل ہے کہ امانت اچھی طرح گزارے گا اور اس کاکام قوی ہوگا اور اگر اپنی گردن دراز دیکھے تو دلیل ہے کہ اس کے ذمے امانت دیر تک رہے گی اور اپنی گواہی دینے سے رکے گا۔ اور اگر اپنی گردن کوتاہ دیکھے تو دلیل ہے کہ اپنے ذمے سے امانتیں جلدی دور کرے گا اور اگر اپنی گردن سیاہ دیکھے تو امانت میں خیانت کرے گا اور اگر اپنی گردن ٹوٹی ہوئی دیکھے تو دلیل ہے کہ اپنی مراد سے رکے گا اور اس کے دین میں خلل پڑے گا کیونکہ کوئی امانت دین سے بڑی نہیں ہے اور اگر اپنی گردن کوتاہ دیکھے تو دلیل ہے کہ امانت میں خیانت کرے گا اور اگر اپنی گردن پر بال دیکھے تو دلیل ہے کہ امانت ادا کرنے کے باعث قرضدار ہوگا اور اگر اپنی گردن سے بالوں کو مونڈے تو دلیل ہے کہ قرض اترے گا اور اگر گردن سے گوشت کو کٹا ہوا دیکھے تو دلیل ہے کہ کسی کا مال اس کے پاس ہوگا اور وہ ضائع ہوگا اور اگر گردن کو کوتاہ دیکھے تو دلیل ہے کہ امانت میں خیانت کرے گا۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ اپنی گردن کا گوشت کھاتا ہے تو اس کی تاویل خلاف ہے اور اگر دیکھے کہ کسی کی گردن پر بیٹھا ہے تو دلیل ہے کہ دشمن پر فتح پائے گا۔ حضرت جعفر صادق رحمتہ اللہ علیہ نے فرمایا ہے کہ خواب میں گردن کا دیکھنا پانچ وجہ پر ہے :(۱)امانت (۲) توانائی (۳)خیانت (۴)قرض (۵) بیماری ۔