Khwab main gardan band گردن بند(گلوبند) dykhny ki tabeer
hazrat ibn-e-sirin, rehmatullah alaih, ne farmaya hai ke agar dekhe ke us ke paas safed marwareed ka gulo band hai to daleel hai ke haq ta'ala us ko apna ilm ata farmayega aur jis qadr ke gulo band ke moti roshan tar honge usi qadar ilm o danish zyada honge. hazrat ibrahim karmani, rehmatullah alaih, ne farmaya hai agar dekhe ke us ka gulo band sone ya chaandi ka hai aur besh qeemat motiyon se jur'ha hua hai to daleel hai ke usi qadar sharf aur buzurgi payega aur mumkin hai us ke zimma amanat ho. aur agar us ka gulo band daraaz ho gaya hai to daleel hai ke amanat ada karega aur agar dekhe ke gulo band ko taah gaya hai to daleel hai ke amanat mein khayanat karega. hazrat jabir maghribi, rehmatullah alaih, ne farmaya hai ke agar dekhe ke us ne apna gulo band motiyon se jura'o kiya hai ya jura'o gulo band us ki gardan mein hai to daleel hai ke martaba aur wilayat payega. agar us ka gulo band daraaz hai to daleel hai ke martaba payega aur agar kotah ho gaya hai to us ki taweel awwal ke khilaf hai. aur agar dekhe ke us paas bohot se gulo band hain to daleel hai ke ilm mein bohot kamil hoga. hazrat ja'far sadiq, rehmatullah alaih, ne farmaya hai ke khwab mein sunehri gulo band ka dekhna chh wajh par hai: (1) hajj (2) wilayat (3) larai aur jhagra (4) amanat (5) mu'aleja (6) kaneez. aur sunehri gulo band hajj hai aur chandi ka gule band kaneez hai.
حضرت ابن سیرین رحمتہ اللہ علیہ نے فرمایاہے کہ اگر دیکھے کہ اس کے پاس سفید مروارید کا گلو بند ہے تو دلیل ہے کہ حق تعالیٰ اس کو اپنا علم عطافرمائے گا اور جس قدر کہ گلو بند کے موتی روشن ترہوں گے اسی قدر علم و دانش بھی زیادہ ہوں گے۔ حضرت ابراہیم کرمانی رحمتہ اللہ علیہ نے فرمایا ہے اگر دیکھے کہ اس کا گلوبند سونے یاچاندی کا ہے اور بیش قیمت موتیوں سے جڑائو ہے تو دلیل ہے کہ اسی قدر شرف اور بزرگی پائے گا اور ممکن ہے اس کے ذمہ امانت ہو۔ اور اگر اس کا گلوبند دراز ہو گیاہے تو دلیل ہے کہ امانت اداکرے گا اور اگر دیکھے کہ گلوبند کو تاہ ہو گیا ہے تو دلیل ہے کہ امانت میں خیانت کرے گا ۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ اس نے اپناگلوبند موتیوں سے جڑائو کیاہے یا جڑائو گلوبند اس کی گردن میں ہے تو دلیل ہے کہ مرتبہ اور ولایت پائے گا ۔ اگر اس کا گلوبند دراز ہے تو دلیل ہے کہ مرتبہ پائے گا اور اگر کوتاہ ہو گیاہے تو اس کی تاویل اول کے خلاف ہے ۔ اور اگر دیکھے کہ اس پاس بہت سے گلوبند ہیں تو دلیل ہے کہ علم میں بہت کامل ہو گا ۔حضرت جعفر صادق رحمتہ اللہ علیہ نے فرمایا ہے کہ خواب میں سنہری گلوبند کا دیکھناچھ وجہ پر ہے : (۱) حج (۲)ولایت (۳) لڑائی اور جھگڑا (۴) امانت (۵)معالجہ (۶)کنیز۔ اور سنہری گلوبند حج ہے اور چاندی کا گردن بند کنیز ہے۔