Khwab main dozakh دوزخ dykhny ki tabeer
hazrat ibn sirin (rahmat ullah alaih) ne farmaya ke agar dekhe ke dozakh mein hai aur bahir nahi nikla hai to daleel hai ke gunahgar aur bad amal hai. is ko tauba karni chahiye aur agar dozakh ko dekhe aur is ko is se koi takleef nahi pohanchi hai to daleel hai ke ranj aur gham mein giraftar hoga aur aakhir kaar salamat paayega. aur agar dekhe ke dozakh mein muqeem hai aur nahi jaanta hai ke kab is mein gaya hai to daleel hai ke duniya mein hamesha rozi ke darpe rahega. aur agar dekhe ke ahl-e-dozakh ka khana peena khata hai aur aag mein jal raha hai to daleel hai ke duniya mein bura amal karega aur aakhirat mein is par wabal hoga. aur agar dekhe ke is ko farishton ne peshani ke baalon se pakad kar dozakh mein dala hai to ye sahib khwab ki badbakhti ki alamat hai. hazrat ibrahim karmani (rahmat ullah alaih) ne farmaya ke agar apne aap ko dozakh mein dekhe to daleel hai ke gunah karne par daler hoga aur agar dekhe ke thohar aur kholta hua pani peeta hai to daleel hai ke ilm batil aur majhul mein mashgool hoga. aur agar dekhe ke talwar kheenchhi hai aur dozakh mein gaya hai to daleel hai ke fahsh aur buri baat kahega aur agar dekhe ke koi cheez khai hai to daleel hai ke kisi yateem ka maal khayega. agar dekhe ke is ne dozakh ke paas aag roshan ki hai to daleel hai ke koi mushkil kaam is ko pesh aayega. hazrat jabir maghrebi (rahmat ullah alaih) ne farmaya ke agar khwab mein dekhe ke is ko dozakh mein khench kar le gaye hain to daleel hai ke aakhir kaar kafir hoga. farman haq ta'ala hai: 'yawm yushabul fi al-nar ala wujoohihim zooqo mass saqar' (al-qamar 54:48) 'jis din chehron ke bal dozakh mein ghaseet kar dale jayeinge. dozakh ki giraft ka azaab chakho.' aur agar dekhe ke dozakh mein gaya hai aur bahir aaya hai. daleel hai ke jo gunah is ne kiya hai. is se tauba karega aur agar dekhe ke is ko dozakh mein le gaye hain aur woh faryad tak nahi kar saka hai to ye is ke kufr ki daleel hai. farman haq ta'ala hai: 'qala ikhsu'oo feeha wa la tukallimoon' (al-mu’minun 23:108) 'hukam hoga ke is mein dafa ho jao aur bolo mat.' aur agar dekhe ke is ne dozakh ki aawaz suni hai to daleel hai ke is ko badshah ki haibat aur siyasat yani saza pohchegi aur agar dekhe ke is ne dozakh ke paas qarar liya hai to daleel hai ke duniya is par tang hogi. hazrat jafar sadiq (rahmat ullah alaih) ne farmaya hai ke khwab mein dozakh ka dekhna chay waja par hai: (1) allah ta'ala ka ghazab (2) gunah mein mubtala hona (3) badshah ka zulm (4) duniya ki tangee (5) ranj o museebat (6) is ka dozakhi hona.
حضرت ابن سیرین رحمتہ اللہ علیہ نے فرمایا ہے کہ اگر دیکھے کہ دوزخ میں ہے اور باہر نہیں نکلا ہے تو دلیل ہے کہ گنہگار اور بد عمل ہے۔ اس کو توبہ کرنی چاہیے اور اگر دوزخ کو دیکھے اور اس کو اس سے کوئی تکلیف نہیں پہنچی ہے تو دلیل ہے کہ رنج اور غم میں گرفتار ہو گا اور آخر کار سلامتی پائے گا۔ اور اگر دیکھے کہ دوزخ میں مقیم ہے اور نہیں جانتا ہے کہ کب اس میں گیا ہے تو دلیل ہے کہ دنیا میں ہمیشہ روزی کے درپے رہے گا۔ اور اگر دیکھے کہ اہل دوزخ کا کھانا پینا کھاتا ہے اور آگ میں جل رہا ہے تو دلیل ہے کہ دنیا میں برا عمل کرے گا اور آخرت میں اس پر و بال ہو گا۔ اور اگر دیکھے کہ اس کو فرشتوں نے پیشانی کے بالوں سے پکڑ کر دوزخ میں ڈالا ہے تو یہ صاحب خواب کی بدبختی کی علامت ہے۔ حضرت ابراہیم کرمانی رحمتہ اللہ علیہ نے فرمایا ہے کہ اگر اپنے آپ کو دوزخ میں دیکھے تو دلیل ہے کہ گناہ کرنے پر دلیر ہو گا اور اگر دیکھے کہ تھوہر اور کھولتا ہوا پانی پیتا ہے تو دلیل ہے کہ علم باطل اور مجہول میں مشغول ہو گا۔ اور اگر دیکھے کہ تلوار کھینچی ہے اور دوزخ میں گیا ہے تو دلیل ہے کہ فحش اور بری بات کہے گا اور اگر دیکھے کہ کوئی چیز کھائی ہے تو دلیل ہے کہ کسی یتیم کا مال کھائے گا۔ اگر دیکھے کہ اس نے دوزخ کے پاس آگ روشن کی ہے تو دلیل ہے کہ کوئی مشکل کام اس کو پیش آئے گا۔ حضرت جابر مغربی رحمتہ اللہ علیہ نے فرمایا ہے کہ اگر خواب میں دیکھے کہ اس کو دوزخ میں کھینچ کر لے گئے ہیں تو دلیل ہے کہ آخر کار کافر ہو گا۔ فرمان حق تعالیٰ ہے: {یَوْمَ یُسْحَبُوْنَ فِی النَّارِ عَلٰی وُجُوْہِہِمْ ذُوْقُوْا مَسَّ سَقَرَ} (القمر۵۴:۴۸) ’’جس دن چہروں کے بل دوزخ میں گھسیٹ کر ڈالے جائیں گے۔ دوزخ کی گرفت کا عذاب چکھو۔‘‘ اور اگر دیکھے کہ دوزخ میں گیا ہے اور باہر آیا ہے۔ دلیل ہے کہ جو گناہ اس نے کیا ہے۔ اس سے توبہ کرے گا اور اگر دیکھے کہ اس کو دوزخ میں لے گئے ہیں اور وہ فریاد تک نہیں کر سکا ہے تو یہ اس کے کفر کی دلیل ہے۔ فرمان حق تعالیٰ ہے: {قَالَ اخْسَئُوْا فِیْہَا وَلَا تُکَلِّمُوْنِ} (المؤمنون ۲۳:۱۰۸) ’’حکم ہوگا کہ اس میں دفع ہو جائو اور بولو مت۔‘‘ اور اگر دیکھے کہ اس نے دوزخ کی آواز سنی ہے تو دلیل ہے کہ اس کو بادشاہ کی ہیبت اور سیاست یعنی سزا پہنچے گی اور اگر دیکھے کہ اس نے دوزخ کے پاس قرار لیا ہے تو دلیل ہے کہ دنیا اس پر تنگ ہو گی۔ حضرت جعفر صادق رحمتہ اللہ علیہ نے فرمایا ہے کہ خواب میں دوزخ کا دیکھنا چھ وجہ پر ہے : (۱) اللہ تعالیٰ کا غضب (۲) گناہ میں مبتلا ہونا (۳) بادشاہ کا ظلم (۴) دنیا کی تنگی (۵) رنج و مصیبت (۶) اس کا دوزخی ہونا۔