Khwab main dev دیو (شیطان) dykhny ki tabeer
hazrat ibn-e-sirin, rehmatullah alaih, ne farmaya hai ke deo khwab mein bada dushman aur makaar aur farebi shakhs hai. aur agar dekhe ke deo isko waswase dalta hai to daleel hai ke nalaaiq baton se tauba kare ta ke dushman uspe kamiyab na ho sake. farman haq taala hai: 'inna-alladhina attaqaw, idha massahum ta'ifun minash-shaytani tathakkaroo fa-idha hum mubsiroon.' (al-a'raf 7:201) 'tahqeeq jo log parhezgaar hain, jab unko shaitani giroh chher chhar karta hai to wo nasihaat qubool karte hain aur wo basarat par hote hain.' aur agar dekhe ke shaytan ke saath lara hai aur maghloob kar liya hai to daleel hai ke uska deen durust hoga aur agar is ke khilaf hai to zu'afe deen ki daleel hai. hazrat ibrahim kermani rehmatullah alaih ne farmaya hai ke agar shaytan ko khwab mein khush dekhe to daleel hai ke sahib-e-khwab hiras aur shahwat mein masroof hoga. aur agar shaytan ko ghamnak dekhe to daleel hai ke ibadat aur deen ki durusti mein masroof hoga aur agar dekhe ke shaytan ne uske jism se kapda utara hai to agar sahib-e-khwab hakim hai to hukumat se mazool hoga aur agar yeh khwab koi dehati dekhe to daleel hai ke usko nuqsan pahuche ga. hazrat jaber maghribi rehmatullah alaih ne farmaya hai ke agar dekhe ke deo is ke peechhe charha hai to daleel hai ke deo uspe fatah payega aur agar dekhe ke wo deo ke haath mein qaid hua hai aur isko le gaya hai to daleel hai ke ruswai mein mashhoor hoga aur agar dekhe ke shaytan ke saath sohbat ki hai to daleel hai ke bohot bara gunah karega. aur agar dekhe ke deo ke saath baat cheet ki hai to daleel hai ke dushman se hum-salah hoga aur haq taala inki muraad poori karega. farman haq taala hai: 'innama an-najwa minash-shaytani liyahzuna alladhina amanu wa laisa bidarihimi shay'an illa bi'idhinillah' (mujadila 58:10) 'ke sargoshi shaytan se hai ta ke ahle iman ko ghamnak kare, aur allah ke izn ke siwa unko zarar nahi de sakta hai.' hazrat ismail ash'ath rehmatullah alaih ne farmaya hai ke agar khwab mein dekhe ke usne shaytan ke saath khana khaya aur pani piya hai. daleel hai ke badkari aur fasaad ke raste par aye ga aur shaytan ki tabedari karega. aur agar iske khilaf dekhe daleel hai ke khair o salah ke kaam par hoga aur deen ki raah par qana'at karega. aur agar dekhe ke usne shaytan ko pakda hai ya uske pait mein chala gaya hai. daleel hai ke raah e fasaad se door hoga aur tauba karke ibadat mein masroof hoga. hazrat jafar sadiq rehmatullah alaih ne farmaya hai ke khawab mein shaytan ko dekhna chhe wajah par hai: (1) dushman ko dekhna. (2) fasaad (3) shahwat aur museebat aur khwahish nafs (4) ta'at se door hona (5) ahle khair aur salah se doori talash karni (6) haram cheezen.
حضرت ابن سیرین رحمتہ اللہ علیہ نے فرمایا ہے کہ دیو خواب میں بڑا دشمن اور مکار اور فریبی شخص ہے۔ اور اگر دیکھے کہ دیو اس کو وسوسے ڈالتا ہے تو دلیل ہے کہ نالائق باتوں سے توبہ کرے تا کہ دشمن اس پر کامیاب نہ ہو سکے۔ فرمان حق تعالیٰ ہے : {اِنَّ الَّذِیْنَ اتَّقَوْا اِذَا مَسَّہُمْ طَآئِفٌ مِّنَ الشَّیْطٰنِ تَذَکَّرُوْا فَاِذَا ہُمْ مُّبْصِرُوْنَ} (الاعراف ۷:۲۰۱) ’’تحقیق جو لوگ پرہیز گار ہیں، جب ان کو شیطانی گروہ چھیڑ چھاڑ کرتا ہے تو وہ نصیحت قبول کرتے ہیں اور وہ بصارت پر ہوتے ہیں۔‘‘ اور اگر دیکھے کہ شیطان کے ساتھ لڑا ہے اور مغلوب کر لیا ہے تو دلیل ہے کہ اس کا دین درست ہو گا اور اگر اس کے خلاف ہے تو ضعفِ دین کی دلیل ہے۔ حضرت ابراہیم کرمانی رحمتہ اللہ علیہ نے فرمایا ہے کہ اگر شیطان کو خواب میں خوش دیکھے تو دلیل ہے کہ صاحب خواب حرص اور شہوت میں مشغول ہو گا۔اور اگر شیطان کو غمناک دیکھے تو دلیل ہے کہ عبادت اور دین کی درستی میں مشغول ہو گا اور اگر دیکھے کہ شیطان نے اس کے جسم سے کپڑا اتارا ہے تو اگر صاحب خواب حاکم ہے تو حکومت سے معزول ہو گا اور اگر یہ خواب کوئی دیہاتی دیکھے تو دلیل ہے کہ اس کو نقصان پہنچے گا۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ دیو اس کے پیچھے چڑھا ہے تو دلیل ہے کہ دیو اس پر فتح پائے گا اور اگر دیکھے کہ وہ دیو کے ہاتھ میں قید ہوا ہے اور اس کو لے گیا ہے تو دلیل ہے کہ رسوائی میں مشہور ہو گا اور اگر دیکھے کہ شیطان کے ساتھ صحبت کی ہے تو دلیل ہے کہ بہت بڑا گناہ کرے گا۔اور اگر دیکھے کہ دیو کے ساتھ بات چیت کی ہے تو دلیل ہے کہ دشمن سے ہم صلاح ہو گا اور حق تعالیٰ ان کی مراد پوری کرے گا۔ فرمان حق تعالیٰ ہے : {اِِنَّمَا النَّجْوٰی مِنَ الشَّیْطَانِ لِیَحْزُنَ الَّذِیْنَ اٰمَنُوْا وَلَیْسَ بِضَارِّہِمْ شَیْئًا اِِلَّا بِاِِذْنِ اللّٰہِ} (مجادلہ ۵۸:۱۰) ’’کہ سرگوشی شیطان سے ہے تا کہ اہل ایمان کو غمناک کرے اور اللہ کے اذن کے سوا ان کو ضرر نہیں دے سکتا ہے۔‘‘ حضرت اسماعیل اشعث رحمتہ اللہ علیہ نے فرمایا ہے کہ اگر خواب میں دیکھے کہ اس نے شیطان کے ساتھ کھانا کھایا اور پانی پیا ہے۔ دلیل ہے کہ بدکاری اور فساد کے راستے پر آئے گااور شیطان کی تابعداری کرے گا۔ اوراگراس کے خلاف دیکھے دلیل ہے کہ خیر و صلاح کے کام پر ہو گا اور دین کی راہ پر قناعت کرے گا۔اور اگر دیکھے کہ اس نے شیطان کوپکڑا ہے یا اس کے پیٹ میں چلا گیا ہے۔ دلیل ہے کہ راہ فساد سے دور ہو گااور توبہ کر کے عبادت میں مشغول ہو گا۔ حضرت جعفر صادق رحمتہ اللہ علیہ نے فرمایا ہے کہ خواب میں شیطان کو دیکھنا چھ وجہ پر ہے:۔ (۱) دشمن کو دیکھنا۔ (۲) فساد (۳) شہوت اور مصیبت اور خواہش نفس (۴) طاعت سے دور ہونا (۵) اہل خیر اور صلاح سے دوری تلاش کرنی (۶) حرام چیزیں۔