Khwab main darinda درندہ dykhny ki tabeer
hazrat ibn sirin, rehmatullah alaih, ne farmaya hai ke agar dekhe ke is ke paas ke darinday sab gadhay ban gaye hain ya ek gadha aur doosra bail ya bakri ban gaya hai to daleel hai ke is ki rozi farakh ho gi. lekin is ke liye nuksan bhi hai aur agar dekhe ke is ke chopaye darinday ban gaye hain to is ki taveel awwal ke khilaf hai. hazrat jafar sadiq, rehmatullah alaih, ne farmaya hai ke darindo ka khwab mein dekhna chaar wajah par hai: (1) dushman (2) badshah zalim (3) be fikar auratein (4) humsaya. hazrat jabir maghribi, rehmatullah alaih, ne farmaya hai ke agar dekhe ke darindon ka gosht khaya hai to daleel hai ke logon ka maal heele ke sath hasil karega. hazrat ibrahim kermani, rehmatullah alaih, ne farmaya hai ke agar dekhe ke woh darinde ki surat par ho gaya hai to daleel hai ke us ki aql zail ho gi aur agar dekhe ke darinde is se baatein karte hain to daleel hai ke badshahi paega aur agar dekhe ke darindo ko marta hai to daleel hai ke dushman par fatah paega.
حضرت ابن سیرین رحمتہ اللہ علیہ نے فرمایا ہے کہ اگر دیکھے کہ اس کے پاس کے درندے سب گدھے ہو گئے ہیں یا ایک گدھا اور دوسرا بیل یا بکری ہو گیا ہے تو دلیل ہے کہ اس کی روزی فراخ ہو گی۔ لیکن اس کے لیے نقصان بھی ہے اور اگر دیکھے کہ اس کے چوپائے درندے ہو گئے ہیں تو اس کی تاویل اول کے خلاف ہے۔ حضرت جعفر صادق رحمتہ اللہ علیہ نے فرمایا ہے کہ درندوں کا خواب میں دیکھنا چار وجہ پر ہے : (۱) دشمن (۲) بادشاہ ظالم (۳) بے فکر عورتیں (۴) ہمسایہ۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ درندوں کا گوشت کھایا ہے تو دلیل ہے کہ لوگوں کا مال حیلے کے ساتھ حاصل کرے گا۔ حضرت ابراہیم کرمانی رحمتہ اللہ علیہ نے فرمایا ہے کہ اگر دیکھے کہ وہ درندے کی صورت پر ہو گیا ہے تو دلیل ہے کہ اس کی عقل زائل ہو گی اور اگر دیکھے کہ درندے اس سے باتیں کرتے ہیں تو دلیل ہے کہ بادشاہی پائے گا اور اگر دیکھے کہ درندوں کو مارتا ہے تو دلیل ہے کہ دشمن پر فتح پائے گا۔