Khwab main darakhton ki digar tabeerat درختوں کی دیگر تعبیرات dykhny ki tabeer
aur jo darakht mewa daar hai us ke mewe ke qiyas par us ki taweel hai. agar dekhe ke mewa daar darakht se mewe khata hai to daleel hai ke is mewe ki qadr o qeemat par maal aur ne'mat paaega. aur ahl-e-tabeer ne byaan kiya hai ke khwab ke andar apne ghar mein darakht dekhna aurat hai aur jo darakht ke badshah ke ghar mein dekhe to daleel hai ke badshah ka khadim ho ga aur agar darakhton ko baghair tane ke dekhe to jaise khayar aur kharbooze ka ped hai. is ki taweel kam himmat log hain. hazrat ibrahim karmani rehmatullah alaih ne farmaaya hai ke agar darakht ki ragen quwwi dekhe to daleel hai ke maal ki zakat di hogi. warna is ke khilaf hai aur darakht ki chhal rozi par daleel hai ke darakht ke maalik ke liye hogi aur darakht ki shakhain baradar aur khuwesh aur farzand hain aur agar darakht par bohot se patte dekhe to daleel hai ke saahib-e-darakht khush tabiyat hoga aur agar dekhe ke darakht par thoda phal hai to us ki taweel pehla ke khilaf hai aur darakht ka mewa is ke maalik par daleel hai ke parheezgaar aur deendar hai aur agar dekhe ke darakht kata aur gira diya hai to saahib-e-khwab ki maut par daleel hai. hazrat jaber maghribi rehmatullah alaih ne farmaaya hai ke agar dekhe ke darakht khushbu daar hai aur us ka mewa mze daar hai to muslah aur paak deen par daleel hai aur agar dekhe ke darakht be-maza mewa aur khaar daar hai to ye mufsid aur bad-diynat aadmi par daleel hai aur agar dekhe ke is ke ghar mein ya doosron ke ghar mein chhota sa darakht hai to daleel hai ke us ghar mein museebat padegi aur agar dekhe ke apne ghar mein bee dane boya hai to daleel hai ke us ke takhme ke andazay par koi cheez us ko puhanche gi aur agar dekhe ke kisi bigane ki zameen mein darakht lagaya hai to daleel hai ke kisi bigane aadmi se is ki sohbat hogi aur sharaf aur bazurgi paaega. aur agar dekhe ke apne ghar mein darakht lagaya hai to daleel hai ke damaad ko laye ga aur agar dekhe ke darakht ki choti par charha hai to daleel hai ke us ka kaam bada hoga. aur agar dekhe ke darakhton ke patte jama karta hai to daleel hai ke isi qadr dirham hasil kare ga aur agar dekhe ke darakhto se mewa hasil karta hai to daleel hai ke us ki nasal aur farzand ziyada honge. aur agar bohot se mewa daar darakht dekhe aur jaane ke us ki milk yani milkit hain to daleel hai ke us ki umr daraaz hogi aur fatah aur bazurgi paaega aur agar dekhe ke darakht ko kata hai to daleel hai ke bimaar hoga. ya koi is ke azeezon se mare ga aur agar dekhe ke khazan ke mausam mein kisi naamlooma bagh mein hai aur dekhta hai ke darakhton ke patte jharrte hain to gham o andoh ki daleel hai. aur agar dekhe ke darakht is se baaten kar rahe hai to daleel hai ke aisa kaam karega ke jiss se log mutajab rahenge aur agar dekhe ke darakht ko kisi jagah se ukhara hai to daleel hai ke bimaar hoga ya wahan se ke jahan darakht ukhara hai koi mare ga. hazrat jaber maghribi rehmatullah alaih ne farmaaya hai ke agar darakht kate hue ya sookha dekhe to daleel hai ke log bad deen honge aur jo darakht ke acha dekhe to daleel hai ke us ka deen acha hai aur jis qadar darakht mein nuksan dekhe to us ke nuksan par daleel hai. aur agar dekhe ke darakht ke saye mein baitha hai ya soya hua hai to daleel hai ke aise mard ke saye mein jaaye ga, jo is darakht se mansoob hai. hazrat jafar sadiq rehmatullah alaih ne farmaaya hai ke darakht khwab mein das wajah par hai: (1) badshah (2) aurat (3) soudagar (4) mard-e-maidan (5) aalim (6) emaandar (7) kaffir (8) madadgar (9) jhagra (10) shubha ka maal.
اور جو درخت میوہ دار ہے اس کے میوے کے قیاس پر اس کی تاویل ہے۔ اگر دیکھے کہ میوہ دار درخت سے میوے کھاتا ہے تو دلیل ہے کہ اس میوے کی قدر و قیمت پر مال اور نعمت پائے گا۔ اور اہل تعبیر نے بیان کیا ہے کہ خواب کے اندر اپنے گھر میں درخت دیکھنا عورت ہے اور جو درخت کہ بادشاہ کے گھر میں دیکھے تو دلیل ہے کہ بادشاہ کا خدمت گار ہوگا اور اگر درختوں کو بغیر تنے کے دیکھے تو جیسے خیار اور خربوزے کا پیڑ ہے۔ اس کی تاویل کم ہمت لوگ ہیں۔ حضرت ابراہیم کرمانی رحمتہ اللہ علیہ نے فرمایا ہے کہ اگر درخت کی رگیں قوی دیکھے تو دلیل ہے کہ مال کی زکوٰۃ دی ہوگی۔ ورنہ اس کے خلاف ہے اور درخت کی چھال روزی پر دلیل ہے کہ درخت کے مالک کے لیے ہوگی اور درخت کی شاخیں برادر اور خویش اور فرزند ہیں اور اگر درخت پر بہت سے پتے دیکھے تو دلیل ہے کہ صاحب درخت خوش طبع ہوگا اور اگر دیکھے کہ درخت پر تھوڑا پھل ہے تو اس کی تاویل اول کے خلاف ہے اور درخت کا میوہ اس کے مالک پر دلیل ہے کہ پرہیز گار اور دیندار ہے اور اگر دیکھے کہ درخت کاٹا اور گرا دیا ہے تو صاحب خواب کی موت پر دلیل ہے۔ حضرت جابر مغربی رحمتہ اللہ علیہ نے فرمایا ہے کہ اگر دیکھے کہ درخت خوشبو دار ہے اور اس کا میوہ مزے دار ہے تو مصلح اور پاک دین پر دلیل ہے اور اگر دیکھے کہ درخت بے مزہ میوہ اور خار دار ہے تو یہ مفسد اور بددیانت آدمی پر دلیل ہے اور اگر دیکھے کہ اس کے گھر میں یا دوسروں کے گھر میں چھوٹا سا درخت ہے تو دلیل ہے کہ اس گھر میں مصیبت پڑے گی اور اگر دیکھے کہ اپنے گھر میں بیج بویا ہے تو دلیل ہے کہ اس کے تخم کے اندازے پر کوئی چیز اس کو پہنچے گی اور اگر دیکھے کہ کسی بیگانے کی زمین میں درخت لگایا ہے تو دلیل ہے کہ کسی بیگانے آدمی سے اس کی صحبت ہوگی اور شرف اور بزرگی پائے گا۔ اور اگر دیکھے کہ اپنے گھر میں درخت لگایا ہے تو دلیل ہے کہ داماد کو لائے گا اور اگر دیکھے کہ درخت کی چوٹی پر چڑھا ہے تو دلیل ہے کہ اس کا کام بڑا ہوگا۔ اور اگر دیکھے کہ درختوں کے پتے جمع کرتا ہے تو دلیل ہے کہ اسی قدر درہم حاصل کرے گا اور اگر دیکھے کہ درختوں سے میوہ حاصل کرتا ہے تو دلیل ہے کہ اس کی نسل اور فرزند زیادہ ہوں گے۔ اور اگر بہت سے میوہ دار درخت دیکھے اور جانے کہ اس کی مِلک یعنی ملکیت ہیں تو دلیل ہے کہ اس کی عمر دراز ہوگی اور فتح اور بزرگی پائے گا اور اگر دیکھے کہ درخت کو کاٹا ہے تو دلیل ہے کہ بیمار ہوگا۔ یا کوئی اس کے عزیزوں سے مرے گا اور اگر دیکھے کہ خزاں کے موسم میں کسی نامعلوم باغ میں ہے اور دیکھتا ہے کہ درختوں کے پتے جھڑتے ہیں تو غم و اندوہ کی دلیل ہے۔ اور اگر دیکھے کہ درخت اس سے باتیں کرتے ہیں تو دلیل ہے کہ ایسا کام کرے گا کہ جس سے لوگ متعجب رہیں گے اور اگر دیکھے کہ درخت کو کسی جگہ سے اکھاڑا ہے تو دلیل ہے کہ بیمار ہوگا یا وہاں سے کہ جہاں درخت اکھاڑا ہے کوئی مرے گا۔ حضرت جابر مغربی رحمتہ اللہ علیہ نے فرمایا ہے کہ اگر درخت کٹے ہوئے یا خشک دیکھے تو دلیل ہے کہ لوگ بد دین ہوں گے اور جو درخت کہ اچھا دیکھے تو دلیل ہے کہ اس کا دین اچھا ہے اور جس قدر درخت میں نقصان دیکھے تو اس کے نقصان پر دلیل ہے۔ اور اگر دیکھے کہ درخت کے سائے میں بیٹھا ہے یا سویا ہوا ہے تو دلیل ہے کہ ایسے مرد کے سائے میں جائے گا، جو اس درخت سے منسوب ہے۔ حضرت جعفر صادق رحمتہ اللہ علیہ نے فرمایا ہے کہ درخت خواب میں دس وجہ پر ہے: (۱) بادشاہ (۲) عورت (۳) سوداگر (۴) مرد میدان (۵) عالم (۶) ایماندار (۷) کافر (۸) مددگار (۹) جھگڑا (۱۰) شبہ کا مال۔