Khwab main dar دَر (دروازہ) dykhny ki tabeer
khwaab mein darwaza dekhna aurat hai aur agar dekhe ke band darwaze maloom ya naamaloom jagah ke us ke barabar se khule hain aur jo darwaze khule hain raste ki taraf hain to daleel hai ke paas ke maal ko kharch karega aur agar dekhe ke ghar mein us ke barabar darwaza khula hai. daleel hai ke badshah se maal paaye ga aur ayaal par kharch karega aur agar dekhe ke us ke ghar ka darwaza toota hai to daleel hai ke museebat aur bara ranj hoga. hazrat ibn-e-sirin rehmatullah alaih ne farmaya hai ke agar dekhe ke us ke ghar ka darwaza ukhair kar le gaye hain aur kisi ko maloom nahi hai ke kahan le gaye hain to ye ghar wale par mehnat aur museebat ki daleel hai aur agar dekhe ke us ke ghar ka darwaza band kar diya hai to ye ghar walon par museebat ki daleel hai aur agar dekhe ke us ke ghar ka darwaza chota hai to daleel hai ke us ke ayaal ko aafat puhnche gi. aur agar dekhe ke us ke ghar ka darwaza tamam gharon ke darwazon se kashadah hai to daleel hai ke us ke ghar mein nafarmaan qaum, quwat aur museebat aur jhagde ke saath aaye gi. aur agar dekhe ke us ne makaan ke darwaze ki kundi hilayi hai aur agar us ka jawab mila hai to daleel hai ke us ki dua qubul hogi aur mumkin hai ke khazana paaye ga aur agar dekhe ke jab us ne kundi hilayi to ghar ka darwaza jaldi khul gaya hai to daleel hai ke haq ta'ala us ki dua qubul farmaye ga aur dushman par fatah paaye ga. hazrat ibraheem kermani rehmatullah alaih ne farmaya hai aur agar dekhe ke us ne naya darwaza mazbooti se band kiya hai aur is par qufl lagaya hai to daleel hai ke us ki aurat mare gi ya us ko talaq de ga. aur agar dekhe ke us ne barhai ko naya darwaza banane ko kaha hai taake us ke ghar par lagaye to daleel hai ke kunwari kaneez khareedega aur agar dekhe ke us ke ghar ke darwaze ki zanjeer yani kunda nahi hai to daleel hai ke bewa aurat se shadi kare ga. hazrat jabir maghribi rehmatullah alaih ne farmaya hai ke agar khwaab dekhe ke us ke ghar ke darwaze par darinde kuday hain aur awaaz kar rahe hain to daleel hai ke jawaan us ke ayaal ka qasd karein ge aur agar dekhe ke aasmanon ke darwaze khule hain to daleel hai ke is mulk ke logon par khair o barakat ka darwaza khulega. hazrat jafar sadiq rehmatullah alaih ne farmaya hai ke khwaab mein darwaze ka dekhna teen wajah par hai: (1) ghar ka maalik (2) aurat (3) khaadim.
خواب میں دروازہ دیکھنا عورت ہے اور اگر دیکھے کہ بند دروازے معلوم یا نامعلوم جگہ کے اس کے برابر سے کھلے ہیں اور جو دروازے کھلے ہیں راستے کی طرف ہیں تو دلیل ہے کہ پاس کے مال کو خرچ کرے گا اور اگر دیکھے کہ گھر میں اس کے برابر دروازہ کھلا ہے۔ دلیل ہے کہ بادشاہ سے مال پائے گا اور عیال پر خرچ کرے گا اور اگر دیکھے کہ اس کے گھر کا دروازہ ٹوٹا ہے تو دلیل ہے کہ مصیبت اور بڑا رنج ہو گا۔ حضرت ابن سیرین رحمتہ اللہ علیہ نے فرمایا ہے کہ اگر دیکھے کہ اس کے گھر کا دروازہ اکھیڑ کر لے گئے ہیں اور کسی کو معلوم نہیں ہے کہ کہاں لے گئے ہیں تو یہ گھر والے پر محنت اور مصیبت کی دلیل ہے اور اگر دیکھے کہ اس کے گھر کا دروازہ بند کر دیا ہے تو یہ گھر والوں پر مصیبت کی دلیل ہے اور اگر دیکھے کہ اس کے گھر کا دروازہ چھوٹا ہے تو دلیل ہے کہ اس کے عیال کو آفت پہنچے گی۔ اور اگر دیکھے کہ اس کے گھر کا دروازہ تمام گھروں کے دروازوں سے کشادہ ہے تو دلیل ہے کہ اس کے گھر میں نافرمان قوم، قوت اور مصیبت اور جھگڑے کے ساتھ آئے گی۔ اور اگر دیکھے کہ اس نے مکان کے دروازے کی کنڈی ہلائی ہے اور اگر اس کا جواب ملا ہے تو دلیل ہے کہ اس کی دعا قبول ہوگی اور ممکن ہے کہ خزانہ پائے گا اور اگر دیکھے کہ جب اس نے کنڈی ہلائی تو گھر کا دروازہ جلدی کھل گیا ہے تو دلیل ہے کہ حق تعالیٰ اس کی دعا قبول فرمائے گا اور دشمن پر فتح پائے گا۔ حضرت ابراہیم کرمانی رحمتہ اللہ علیہ نے فرمایا ہے اور اگر دیکھے کہ اس نے نیا دروازہ مضبوطی سے بند کیا ہے اور اس پر قفل لگایا ہے تو دلیل ہے کہ اس کی عورت مرے گی یا اس کو طلاق دے گا۔ اور اگر دیکھے کہ اس نے بڑھئی کو نیا دروازہ بنانے کو کہا ہے تاکہ اس کے گھر پر لگائے تو دلیل ہے کہ کنواری کنیز خریدے گا اور اگر دیکھے کہ اس کے گھر کے دروازے کی زنجیر یعنی کنڈا نہیں ہے تو دلیل ہے کہ بیوہ عورت سے شادی کرے گا۔ حضرت جابر مغربی رحمتہ اللہ علیہ نے فرمایا ہے کہ اگر خواب دیکھے کہ اس کے گھر کے دروازے پر درندے کودے ہیں اور آواز کرتے ہیں تو دلیل ہے کہ جوان اس کے عیال کا قصد کریں گے اور اگر دیکھے کہ آسمانوں کے دروازے کھلے ہیں تو دلیل ہے کہ اس ملک کے لوگوں پر خیر و برکات کا دروازہ کھلے گا۔ حضرت جعفر صادق رحمتہ اللہ علیہ نے فرمایا ہے کہ خواب میں دروازے کا دیکھنا تین وجہ پر ہے : (۱) گھر کا مالک (۲) عورت (۳) خادم۔