Khwab main chang bajana چنگ زدن (ساز بجانا) dykhny ki tabeer
hazrat ibn-e-sirin, rehmatullah alaih ne farmaya hai ke khwab mein saaz bajana jhooti baat hai. agar dekhe ke saaz bajata hai to batil aur jhooti baat par daleel hai aur is ko is se gham o andoh aur nuqsan pohnchega. aur agar dekhe ke is ko badshah ne saaz diya hai to daleel hai ke is ko badshah se atta aur buzurgi hasil hogi aur agar is ke ahal se nahi to gham o andoh se nijat payega. aur agar dekhe ke saaz ko tora ya giraya hai to daleel hai ke jhoot aur batil se toba karega aur agar koi saaz bajata hai aur woh sunta hai to daleel hai ke jhoot aur batil ko sunega aur baz ahal tabeer ne bayan kiya hai ke khwab mein saaz bajana daraz-e-umar ki daleel hai. hazrat ibrahim karmani, rehmatullah alaih ne farmaya hai ke agar koi dekhe ke saaz bajata hai to daleel hai ke sardaron mein se kisi aurat ke sath pevastha hoga. izzat aur maal payega. aakhir kar is aurat se nikah karega aur agar dekhe ke saaz ke sath naach o rang bhi hai yeh sab daleel gham o museebat hai. hazrat jabir maghribi, rehmatullah alaih ne farmaya hai ke agar koi bemari mein dekhe ke saaz bajata hai to yeh us ki wafat ki daleel hai.
حضرت ابن سیرین رحمتہ اللہ علیہ نے فرمایا ہے کہ خواب میں ساز بجانا جھوٹی بات ہے۔ اگر دیکھے کہ ساز بجاتا ہے تو باطل اور جھوٹی بات پر دلیل ہے اور اس کو اس سے غم و اندوہ اور نقصان پہنچے گا۔ اور اگر دیکھے کہ اس کو بادشاہ نے ساز دیا ہے تو دلیل ہے کہ اس کو باشادہ سے عطا اور بزرگی حاصل ہوگی اور اگر اس کے اہل سے نہیں تو غم و اندوہ سے نجات پائے گا۔ اور اگر دیکھے کہ ساز کو توڑا یا گرایا ہے تو دلیل ہے کہ جھوٹ اور باطل سے توبہ کرے گا اور اگر کوئی ساز بجاتا ہے اور وہ سنتا ہے تودلیل ہے کہ جھوٹ اور باطل کو سنے گا اور بعض اہل تعبیر نے بیان کیا ہے کہ خواب میں ساز بجانا درازیٔ عمر کی دلیل ہے۔ حضرت ابراہیم کرمانی رحمتہ اللہ علیہ نے فرمایاہے کہ اگر کوئی دیکھے کہ ساز بجاتا ہے تو دلیل ہے کہ سرداروں میں سے کسی عورت کے ساتھ پیوستہ ہوگا۔ عزت اور مال پائے گا۔ آخر کار اس عورت سے نکاح کرے گا اور اگر دیکھے کہ ساز کے ساتھ ناچ و رنگ بھی ہے یہ سب دلیل غم و مصیبت ہے۔ حضرت جابر مغربی رحمتہ اللہ علیہ نے فرمایا ہے کہ اگر کوئی بیماری میں دیکھے کہ ساز بجاتا ہے تو یہ اس کی وفات کی دلیل ہے۔