Khwab main bitter orange (lemo) ترنج (لیموں) dykhny ki tabeer
hazrat daniyal (rehmatullah alaih) ne farmaya hai ke limu agarcha kisi qadar zard hota hai lekin khushbu daar aur khush zaika aur dekhne mein acha hota hai aur kehte hain ke behisht ke mivon mein se hai aur is ko khwab mein dekhna nek hai. agar koi ek turanj ya do teen khwab mein dekhe to is ki taweel farzand hai aur agar bohot dekhe to maal aur naimat halal aur khwab mein sabz turanj ka dekhna zard se behtar hai. hazrat ibrahim kirmani (rehmatullah alaih) ne farmaya hai ke turanj khwab mein logon ke nazdeek daulatmand aur khubsurat mard hai. jis ko sab pasand karte hain aur agar dekhe ke is ke paas turanj hai ya kisi ne is ko diya hai to daleel hai ke is ki aise mard se sohbhat hogi aur agar turanj apni god mein dekhe to daleel hai ke is ke han khubsurat ladka paida hoga. aur agar koi dekhe ke is ne turanj khaya hai to daleel hai ke is ko apne maal se ya kisi buzurg ke maal se kamiyabi hogi aur agar dekhe ke turanj ko chhupaya aur lapeta hai to daleel hai ke is ka farzand halaak hoga. aur agar dekhe ke is ke ghar mein bohot se turanj hain aur kisi ko bakhsh de to daleel hai ke kisi ke haq mein neki karega. aur agar dekhe ke turanj is ki aasteen mein hai to daleel hai ke is ka farzand kaneez se paida hoga aur agar dekhe ke turanj aasteen se gira hai to daleel hai ke is ko farzand hasil hoga. hazrat jafar sadiq (rehmatullah alaih) ne farmaya hai ke khwab mein turanj ka dekhna chaar wajah par hai. awwal: aurat khubsurat; doyam: kaneez pak din; soyam: dost toungar; chaharum: farzand sharif aur salih.
حضرت دانیال رحمتہ اللہ علیہ نے فرمایا ہے کہ لیموں اگرچہ کسی قدر زرد ہوتا ہے لیکن خوشبودار اور خوش ذائقہ اور دیکھنے میں اچھا ہوتا ہے اور کہتے ہیں کہ بہشت کے میوئوں میں سے ہے اور اس کو خواب میں دیکھنا نیک ہے۔ اگر کوئی ایک ترنج یا دو تین خواب میں دیکھے تو اس کی تاویل فرزند ہے اور اگر بہت دیکھے تو مال اور نعمت حلال اور خواب میں سبز ترنج کا دیکھنا زرد سے بہتر ہے۔ حضرت ابراہیم کرمانی رحمتہ اللہ علیہ نے فرمایا ہے کہ ترنج خواب میں لوگوں کے نزدیک دولت مند اور خوبصورت مرد ہے۔ جس کو سب پسند کرتے ہیں اور اگر دیکھے کہ اس کے پاس ترنج ہے یا کسی نے اس کو دیا ہے تو دلیل ہے کہ اس کی ایسے مرد سے صحبت ہوگی اور اگر ترنج اپنی گود میں دیکھے تو دلیل ہے کہ اس کے ہاں خوبصورت لڑکا پیدا ہوگا۔ اور اگر کوئی دیکھے کہ اس نے ترنج کھایا ہے تو دلیل ہے کہ اس کو اپنے مال سے یا کسی بزرگ کے مال سے کامیابی ہوگی اور اگر دیکھے کہ ترنج کو چھپایا اور لپیٹا ہے تو دلیل ہے کہ اس کا فرزند ہلاک ہوگا۔ اور اگر دیکھے کہ اس کے گھر میں بہت سے ترنج ہیں اور کسی کو بخشے ہیں تو دلیل ہے کہ کسی کے حق میں نیکی کرے گا۔ اور اگر دیکھے کہ ترنج اس کی آستین میں ہے تو دلیل ہے کہ اس کا فرزند کنیز سے پیدا ہوگا اور اگر دیکھے کہ ترنج آستین سے گرا ہے تو دلیل ہے کہ اس کو فرزند حاصل ہوگا۔ حضرت جعفر صادق رحمتہ اللہ علیہ نے فرمایا ہے کہ خواب میں ترنج کا دیکھنا چار وجہ پر ہے۔ اول: عورت خوبصورت‘ دوم: کنیز پاک دین۔ سوم: دوست توانگر۔ چہارم: فرزند شریف اور صالح۔