Khwab main bariyan (bhuni hui cheez) بریاں (بھنی ہوئی چیز) dykhny ki tabeer
hazrat muhammad bin sirin rehmatullah aleh ne farmaya hai ke khwab mein bhuni hui cheez ko dekhna is amar ki daleel hai ke sahib e khwab kushadah rozi ki talab mein hai aur paka hua gosht taweel mein kachay gosht se behtar hai. hazrat ibrahim kirmani rehmatullah aleh ne farmaya hai ke agar koi dekhe ke usne bakri ka bhuna hua gosht khaya hai to daleel hai ke usi qadar maal ranj aur sakhti se hasil karega aur agar gaaye ka gosht bhuna hua khaye to daleel hai ke khauf aur dehshat se aman mein ho ga aur agar dekhe ke bhuna hua bakri ka bachha khata hai to is amar ki daleel hai ke us ko kuch maal mile ga aur baaz ahle tabeer ne bayan farmaya hai ke khwab mein bakri ka bachha bhuna hua khana larke ke aane yani farzand peda hone ki daleel hai. hazrat jabir maghribi rehmatullah aleh ne farmaya hai ke agar koi dekhe ke bhuni hui sari ko khata hai to is amar ki daleel hai ke us ko kisi barhzurg se faida mile ga aur agar dekhe ke murgh baryaan khata hai to daleel hai ke aurat ki taraf se makro hila se maal hasil karega aur agar bhuni hui machhli ko khaye to daleel hai ke talab e ilm mein safar karega aur kisi barhzurg ko milega. agar sahib e khwab naik hai, warna ranj o gham aur andoh dushman ki daleel hai aur maahi baryaan yani bhuni hui machhli taza shor se behtar hai aur barri chhoti se behtar hai aur khwab mein bryaan feroosh yani bhuni hui cheezon ke baichne wale ko dekhna aisa mard hai ke is ke zariye se doosre logon ki rozi farakh hoti hai.
حضرت محمد بن سیرین رحمتہ اللہ علیہ نے فرمایا ہے کہ خواب میں بھنی ہوئی چیز کو دیکھنا اس امر کی دلیل ہے کہ صاحب خواب کشادہ روزی کی طلب میں ہے اور پکا ہوا گوشت تاویل میں کچے گوشت سے بہتر ہے۔ حضرت ابراہیم کرمانی رحمتہ اللہ علیہ نے فرمایا ہے کہ اگر کوئی دیکھے کہ اس نے بکری کا بھنا ہوا گوشت کھایا ہے تو دلیل ہے کہ اسی قدر مال رنج اور سختی سے حاصل کرے گا اور اگر گائے کا گوشت بھنا ہوا کھائے تو دلیل ہے کہ خوف اور دہشت سے امن میں ہو گا اور اگر دیکھے کہ بھنا ہوا بکری کا بچہ کھاتا ہے تو اس امر کی دلیل ہے کہ اس کو کچھ مال ملے گا اور بعض اہل تعبیر نے بیان فرمایا ہے کہ خواب میں بکری کا بچہ بھنا ہوا کھانا لڑکے کے آنے یعنی فرزند پیدا ہونے کی دلیل ہے۔ حضرت جابر مغربی رحمتہ اللہ علیہ نے فرمایا ہے کہ اگر کوئی دیکھے کہ بھنی ہوئی سری کو کھاتا ہے تو اس امر کی دلیل ہے کہ اس کو کسی بزرگ سے فائدہ ملے گا اور اگر دیکھے کہ مرغ بریاں کھاتا ہے تو دلیل ہے کہ عورت کی طرف سے مکرو حیلہ سے مال حاصل کرے گا اور اگر بھنی ہوئی مچھلی کو کھائے تو دلیل ہے کہ طلب علم میں سفر کرے گا اور کسی بزرگ کو ملے گا۔ اگر صاحب خواب نیک ہے، ورنہ رنج و غم اور اندوہ دشمن کی دلیل ہے اور ماہی بریاں یعنی بھنی ہوئی مچھلی تازہ شور سے بہتر ہے اور بڑی چھوٹی سے بہتر ہے اور خواب میں بریاں فروش یعنی بھنی ہوئی چیزوں کے بیچنے والے کو دیکھنا ایسا مرد ہے کہ اس کے ذریعے سے دوسرے لوگوں کی روزی فراخ ہوتی ہے۔