Khwab main bait-ul-mamoor بیت المعمور dykhny ki tabeer
bait-ul-mamoor khanah ka'aba ke uper chautay aasman par aik makan hai aur wahan farishtay hajj karte hain. hazrat ibn-e-sirin rahmatullah alaih farmatay hain keh agar koi shakhs khwab mein dekhe keh bait-ul-mamoor mein gaya hai tou daleel hai keh logon ke darmiyan ilm aur amanat ke sath zahir hoga aur baitullah sharif ka hajj karega aur dushmanon se mehfooz rahega. aur agar bait-ul-mamoor ko zameen par dekhe tou daleel hai keh aalim aur adil badshah ka musahib hoga aur agar dekhe keh bait-ul-mamoor mein ghar banaya hai ya us mein soya hai tou daleel hai keh us ki maut qareeb aa gai hai. aur agar koi shakhs khwab mein dekhe keh bait-ul-mamoor ke ird gird tawaaf karta hai tou bhi yahi taweel hai keh woh duniya se rihlut karega aur agar kisi ne bait-ul-mamoor ko masjid ki tarah dekha aur us mein namaz padhi tou daleel hai keh us ki tamam muradoon poori hongi. hazrat ibrahim karmani rahmatullah alaih ne farmaya hai keh agar koi shakhs khwab mein dekhe keh zameen se bait-ul-mamoor tak raah khula hua hai tou daleel hai keh is saal bohat se log hajj aur umrah karenge aur agar dekhe keh bait-ul-mamoor aarasta hai aur farishtay us ka tawaaf karte hain tou daleel hai keh ulama aur ahle deen intizam se hongay aur izzat aur martaba payenge.
بیت المعمور خانہ کعبہ کے اوپر چوتھے آسمان پر ایک مکان ہے اور وہاں فرشتے حج کرتے ہیں۔ حضرت ابن سیرین رحمتہ اللہ علیہ نے فرمایا ہے کہ اگر کوئی شخص خواب میں دیکھے کہ بیت المعمور میں گیا ہے تو دلیل ہے کہ لوگوں کے درمیان علم اور امانت کے ساتھ ظاہر ہو گا اور بیت اللہ شریف کا حج کرے گا اور دشمنوں سے محفوظ رہے گا۔ اور اگر بیت المعمور کو زمین پر دیکھے تو دلیل ہے کہ عالم اور عادل بادشاہ کا مصاحب ہو گا اور اگر دیکھے کہ بیت المعمور میں گھر بنایا ہے یا اس میں سویا ہے تو دلیل ہے کہ اس کی موت قریب آ گئی ہے۔ اور اگر کوئی شخص خواب میں دیکھے کہ بیت المعمور کے اردگرد طواف کرتا ہے تو بھی یہی تاویل ہے کہ وہ دنیا سے رحلت کرے گا اور اگر کسی نے بیت المعمور کو مسجد کی طرح دیکھا اور اس میں نماز پڑھی تو دلیل ہے کہ اس کی تمام مرادیں پوری ہوں گی۔ حضرت ابراہیم کرمانی رحمتہ اللہ علیہ نے فرمایا ہے کہ اگر کوئی شخص خواب میں دیکھے کہ زمین سے بیت المعمور تک راہ کھلا ہوا ہے تو دلیل ہے کہ اس سال بہت سے لوگ حج اور عمرہ کریں گے اور اگر دیکھے کہ بیت المعمور آراستہ ہے اور فرشتے اس کا طواف کرتے ہیں تو دلیل ہے کہ علماء اور اہل دین انتظام سے ہوں گے اور عزت اور مرتبہ پائیں گے۔