Khwab main angliyan انگشتان (انگلیاں) dykhny ki tabeer
hazrat ibn sirin, rahmatullah alaih ne farmaya hai ke dayein haath ki paanch angusht paanch namazain hain aur baein haath ki paanch angusht farzand aur baradar hain. baaz ahal-e-tabeer ne bayan kiya hai ke angutha subah ki namaz ki daleel hai aur angusht shahadat namaz zuhr aur angusht darmiyani namaz asr aur is ke saath ki ungli namaz maghrib aur sab se chhoti angusht namaz isha ki daleel hai. agar koi shakhs khwab mein dekhe ke dayein haath ki angusht nahin rakhta hai to daleel hai ke us ka farzand ya baradar mare ga aur baaz kehte hain ke us ke bhaenje par koi sakht museebat parre gi. hazrat kirmani, rahmatullah alaih ne farmaya hai ke koi shakhs khwab dekhe ke haath ki angusht aapas mein mili hui nahin hain to tangdasti ki daleel hai aur agar aapas mein mili hui hain to daleel hai ke us ke bhaiyon aur farzandon ka kaam durust ho ga aur agar ungliyon ko deewanon ki tarah band kiya hua hai to daleel hai ke us ke aur us ke ahl-bait ke kaam band ho jaenge. hazrat jabir maghribi, rahmatullah alaih ne farmaya hai ke agar koi shakhs dekhe ke us ka angutha kata hua hai to is amr ki daleel hai ke us ko maal ki quwat hogi. aur agar dekhe ke us ki angusht shahadat bureeda yani kati hui hai to is amr ki daleel hai ke farz namazon mein kotahi karta hai aur agar dekhe ke darmiyan wali ungli kati hui hai to is amr ki daleel hai ke us ke shehar ka badshah ya raees mare ga. aur agar dekhe ke darmiyan wali ungli ke saath wali ungli kati hui hai to daleel hai ke us ke maal mein nuqsan ho ga aur agar dekhe ke us ki chitgalli (chhoti ungli) kati hui hai to is amr ki daleel hai ke us ka farzand zada mare ga. hazrat ismail ashath, rahmatullah alaih ne farmaya hai ke paon ki ungliyon ko khwab mein dekhna zeenat aur araish ki daleel hai aur agar paon ki ungliyon ko sakht aur qawi dekhe to daleel hai ke us ki shadi ho gi aur us ke khilaf dekhe to us ka kaam abhi na ho ga aur agar dekhe ke us ke angusht pa ko aafat pohnchi hai ke chal nahi sakta to daleel hai ke us ko maal jane ki wajah se sakht ranj pohnche ga aur haath paon ki ungliyon ko tuta hua dekhe to daleel hai ke us ka kaam kharab ho ga. hazrat jafar sadiq, rahmatullah alaih ne farmaya hai ke khwab mein ungliyon ka dekhna chhe wajah par hai. awwal: farzand. duyum: bhaenje. suyum: naukar. chahaarum: dost. panjum: quwat. shashum: panj namaz. agar koi shakhs khwab mein dekhe ke us ki ungliyan gir gayi hain ya kat gayi hain to daleel hai ke khoishon aur ahl-bait se judaai ho gi aur wo khud bhi pareshan honge aur agar dekhe ke us ki ungli tooti hui hai to is amr ki daleel hai ke us ke ahl-e-khana mein se koi mare ga. hazrat khalid asfahani, rahmatullah alaih ne farmaya hai ke agar khwab mein koi shakhs dekhe ke us ke anguthe se doodh nikalta hai ya us ki shahadat ki ungli se khoon nikalta hai to daleel hai ke wo shakhs apni saas se jhagra karega aur agar khwab mein dekhe ke us ki angusht se awaaz aati hai to is amr ki daleel hai ke us ke khoishon mein guftagu ho gi.
حضرت ابن سیرین رحمتہ اللہ علیہ نے فرمایا ہے کہ دائیں ہاتھ کی پانچ انگشت پانچ نمازیں ہیں اور بائیں ہاتھ کی پانچ انگشت فرزند اور برادر ہیں۔ بعض اہل تعبیر نے بیان کیا ہے کہ انگوٹھا صبح کی نماز کی دلیل ہے اور انگشت شہادت نماز ظہر اور انگشت درمیانی نماز عصر اور اس کے ساتھ کی انگلی نماز مغرب اور سب سے چھوٹی انگشت نماز عشاء کی دلیل ہے۔ اگر کوئی شخص خواب میں دیکھے کہ دائیں ہاتھ کی انگشت نہیں رکھتا ہے تو دلیل ہے کہ اس کا فرزند یا برادر مرے گا اور بعض کہتے ہیں کہ اس کے بھتیجے پر کوئی سخت مصیبت پڑے گی۔ حضرت کرمانی رحمتہ اللہ علیہ نے فرمایا ہے کہ کوئی شخص خواب دیکھے کہ ہاتھ کی انگشت آپس میں ملی ہوئی نہیں ہیں تو تنگ دستی کی دلیل ہے اور اگر آپس میں ملی ہوئی ہیں تو دلیل ہے کہ اس کے بھائیوں اور فرزندوں کا کام درست ہو گا اور اگر انگلیوں کو دیوانوں کی طرح بند کیا ہوا ہے تو دلیل ہے کہ اس کے اور اس کے اہل بیت کے کام بند ہو جائیں گے۔ حضرت جابر مغربی رحمتہ اللہ علیہ نے فرمایا ہے کہ اگر کوئی شخص دیکھے کہ اس کا انگوٹھا کٹا ہوا ہے تو اس امر کی دلیل ہے کہ اس کو مال کی قوت ہوگی۔ اور اگر دیکھے کہ اس کی انگشت شہادت بریدہ یعنی کٹی ہوئی ہے تو اس امر کی دلیل ہے کہ فرض نمازوں میں کوتاہی کرتا ہے اور اگر دیکھے کہ درمیان والی انگلی کٹی ہوئی ہے تو اس امر کی دلیل ہے کہ اس کے شہر کا بادشاہ یارئیس مرے گا۔ اور اگر دیکھے کہ درمیان والی انگلی کے ساتھ والی انگلی کٹی ہوئی ہے تو دلیل ہے کہ اس کے مال میں نقصان ہوگا اور اگر دیکھے کہ اس کی چھنگلیا (چھوٹی انگلی) کٹی ہوئی ہے تو اس امر کی دلیل ہے کہ اس کا فرزند زادہ مرے گا۔ حضرت اسماعیل اشعث رحمتہ اللہ علیہ نے فرمایا ہے کہ پائوں کی انگلیوں کو خواب میں دیکھنا زینت اور آرائش کی دلیل ہے اور اگر پائوں کی انگلیوں کو سخت اور قوی دیکھے تو دلیل ہے کہ اس کی شادی ہو گی اور اس کے خلاف دیکھے تو اس کا کام ابھی نہ ہو گا اور اگر دیکھے کہ اس کے انگشت پا کو آفت پہنچی ہے کہ چل نہیں سکتا تو دلیل ہے کہ اس کو مال جانے کی وجہ سے سخت رنج پہنچے گا اور ہاتھ پائوں کی انگلیوں کو ٹوٹا ہوا دیکھے تو دلیل ہے کہ اس کا کام خراب ہو گا۔ حضرت جعفر صادق رحمتہ اللہ علیہ نے فرمایا ہے کہ خواب میں انگلیوں کا دیکھنا چھ وجہ پر ہے۔ اول: فرزند۔ دوم: بھتیجے۔ سوم: نوکر۔ چہارم: دوست۔ پنجم: قوت۔ ششم: پنج نماز۔ اگر کوئی شخص خواب میں دیکھے کہ اس کی انگلیاں گر گئی ہیں یا کٹ گئی ہیں تو دلیل ہے کہ خویشوں اور اہل بیت سے جدائی ہو گی اور وہ خود بھی پریشان ہوں گے اور اگر دیکھے کہ اس کی انگلی ٹوٹی ہوئی ہے تو اس امر کی دلیل ہے کہ اس کے اہل خانہ میں سے کوئی مرے گا۔ حضرت خالد اصفہانی رحمتہ اللہ علیہ نے فرمایا ہے کہ اگر خواب میں کوئی شخص دیکھے کہ اس کے انگوٹھے سے دودھ نکلتا ہے یا اس کی شہادت کی انگلی سے خون نکلتا ہے تو دلیل ہے کہ وہ شخص اپنی ساس سے جھگڑا کرے گا اور اگر خواب میں دیکھے کہ اس کی انگشت سے آواز آتی ہے تو اس امر کی دلیل ہے کہ اس کے خویشوں میں گفتگو ہو گی۔