Khwab main Aatish Parastidan آتش پرستیدن (آگ کی پرستش) dykhny ki tabeer
hazrat daniyal (rehmatullah alaih) ne farmaya hai ke agar koi shakhs khwab mein dekhe ke aag ko sajda karta hai to is amar ki daleel hai ke zaalim badshah ko sajda karega aur uski khidmat mein masroof hoga aur usko raazi na kar sakega. agar dekhe ke tanoor ya aag ya charagh ko sajda karta hai to daleel hai ke aurton ki khidmat mein masroof hoga aur agar dekhe ke aag ko poojta hai aur bosa deta hai to daleel hai ke badshah ka mukhbir hoga. agar dekhe ke aag mein khwar ho raha hai to daleel hai ke badshah ki sodagari ki raghbat karega lekin natija achha na hoga khaas kar agar aag se jism par takleef puhnche. agar aag se jism ko takleef na puhnche to daleel hai ke badshah waqt se salamati aur jamiyat khatir dekhega aur agar khwab mein aag ke andar chala jaye to daleel hai badshah se usi qadar faida uthaye ga. agar khwab mein dekhe ke aag uske chehre ya kapde ya haath se roshni deti hai. chananchah log uske noor se hairan ho jayein to daleel hai ke dushman par fatah aur dono jahan ki murad paye ga. firman haq ta'ala hai: {وَاَدْخِلْ یَدَکَ فِیْ جَیْبِکَ تَخْرُجْ بَیْضَآئَ مِنْ غَیْرِ سُوْئٍ} (an-naml 27:12) 'apna haath gareeban mein daalo, safed be ayb niklega' aur hazrat musa (alaihissalam) ka firaun ke muqable mein ye mo'jza tha. hazrat ismail ash'ath (rehmatullah alaih) ne farmaya hai ke agar koi shakhs khwab mein dekhe ke aag ko poojta hai to daleel hai ke shahi mulazmat karega aur agar aag angaray ki shakal par hai to iski gharaz deen se maal ka jama karna hoga aur maal haram bohot sa hasil karega.
حضرت دانیال رحمتہ اللہ علیہ نے فرمایا ہے کہ اگر کوئی شخص خواب میں دیکھے کہ آگ کو سجدہ کرتا ہے تو اس امر کی دلیل ہے کہ ظالم بادشاہ کو سجدہ کرے گا اور اس کی خدمت میں مشغول ہوگا اور اس کو راضی نہ کر سکے گا اور اگر دیکھے کہ تنور یا آگ یا چراغ کو سجدہ کرتا ہے تو دلیل ہے کہ عورتوں کی خدمت میں مشغول ہوگا اور اگر دیکھے کہ آگ کو پوجتا ہے اور بوسہ دیتا ہے تو دلیل ہے کہ بادشاہ کا مخبر ہوگا۔ اگر دیکھے کہ آگ میں خوار ہو رہا ہے تو دلیل ہے کہ بادشاہ کی سوداگری کی رغبت کرے گا لیکن نتیجہ اچھا نہ ہو گا خاص کر اگر آگ سے جسم پر تکلیف پہنچے۔ اگر آگ سے جسم کو تکلیف نہ پہنچے تو دلیل ہے کہ بادشاہ وقت سے سلامتی اور جمعیت خاطر دیکھے گا اور اگر خواب میں آگ کے اندر چلا جائے تو دلیل ہے بادشاہ سے اسی قدر فائدہ اٹھائے گا۔ اگر خواب میں دیکھے کہ آگ اس کے چہرے یا کپڑے یا ہاتھ سے روشنی دیتی ہے۔ چنانچہ لوگ اس کے نور سے حیران ہو جائیں تو دلیل ہے کہ دشمن پر فتح اور دونوں جہان کی مراد پائے گا۔ فرمان حق تعالیٰ ہے: {وَاَدْخِلْ یَدَکَ فِیْ جَیْبِکَ تَخْرُجْ بَیْضَآئَ مِنْ غَیْرِ سُوْئٍ} (النمل ۲۷:۱۲) ’’ اپنا ہاتھ گریبان میں ڈالو، سفید بے عیب نکلے گا‘‘ اور حضرت موسیٰu کا فرعون کے مقابلے میں یہ معجزہ تھا۔ حضرت اسماعیل اشعث رحمتہ اللہ علیہ نے فرمایا ہے کہ اگر کوئی شخص خواب میں دیکھے کہ آگ کو پوجتا ہے تو دلیل ہے کہ شاہی ملازمت کرے گا اور اگر آگ انگارے کی شکل پر ہے تو اس کی غرض دین سے مال کا جمع کرنا ہوگا اور مال حرام بہت سا حاصل کرے گا۔