Khwab main aaina (sheesha) آئینہ (شیشہ) dykhny ki tabeer
hazrat ibn sirin, rahmatullahi alaih, ne farmaya hai ke khwab mein aaina dekhna vilayat aur martaba ki alamat hai. aur agar dekhe ke uske paas aaina hai ya kisi ne us ko diya hai to dalil hai ke aaina ki barai ke andaz par qadr aur martaba aur vilayat aur naimat payega. aur agar dekhe ke kisi ko aaina diya hai to ye dalil hai ke apna maal-o-mata kisi ke samne pesh karega aur agar dekhe ke chandi ke sheeshe mein nigah karta hai to ye dalil hai ke apne martabe ko nafrat ki nigah se dekhega. kyunke tabeer bayan karne wale chandi ke sheeshe ko bura khayal karte hain. hazrat kermani, rahmatullahi alaih, ne farmaya hai ke agar koi shakhs khwab mein lohe ke sheeshe ko dekhe to dalil hai ke agar uski aurat haamilah hai to ladka paida hoga ke sab baton mein baap ke mushaba hoga aur agar yahi khwab haamilah aurat dekhe to ladki paida hogi jo sab tarah se apni maa jaisi hogi aur agar aurat haamilah nahin hai to dalil hai ke uska shohar us ko talaq de kar doosri aurat se shadi karega aur wo aurat doosra shohar karegi. aur agar ladka khwab mein sheeshe dekhe to dalil hai ke uska aur bhai paida hoga. agar ladki ne sheesha dekha to dalil hai ke uski aur humshera aayegi aur hakim ya badshah sheesha dekhe to mazool hoga aur hukoomat uske haath se nikal kar kisi aur ko mil jayegi jo uska jaanasheen ho jayega. hazrat jabir maghribi, rahmatullahi alaih, ne farmaya hai ke agar khwab mein aaina mein maaruf khoobsoorat chehra dekha hai to badshah hoga aur agar ghair maaruf dekha hai to jaise dekha hai, iski taawil neki aur bad aaina dekhne wale ki taraf ruoju karegi. hazrat jafar sadiq, rahmatullahi alaih, ne farmaya hai ke khwab mein aaina dekhna chhe wajah par hai. awwal: aurat. doyam: pisar. soyam: jaah o farmaan. chaharum: yaar o dost. panjum: shareek. shashum: carorshun. aur aap ne ye bhi farmaya hai ke agar ghareeb aadmi khwab mein aaina dekhe to is amar ki dalil hai ke aurat aur buzurgi payega, agar ladki dekhe to uski shadi hogi aur wo apne shohar ke nazdeek azeez aur garami hogi. aur agar khwab mein dekhe ke us ko kisi majhool aadmi ne sheesha diya hai to is amar ki dalil hai ke ghaib dost ko dekh kar khush hoga.
حضرت ابن سیرین رحمتہ اللہ علیہ نے فرمایا ہے کہ خواب میں آئینہ دیکھنا ولایت اور مرتبہ کی علامت ہے اور اگر دیکھے کہ اس کے پاس آئینہ ہے یا کسی نے اس کو دیا ہے تو دلیل ہے کہ آئینہ کی بڑائی کے انداز پر قدر اور مرتبہ اور ولایت اور نعمت پائے گا۔ اور اگر دیکھے کہ کسی کو آئینہ دیا ہے تو یہ دلیل ہے کہ اپنا مال و متاع کسی کے سامنے پیش کرے گا اور اگر دیکھے کہ چاندی کے شیشے میں نگاہ کرتا ہے تو یہ دلیل ہے کہ اپنے مرتبے کو نفرت کی نگاہ سے دیکھے گا۔ کیونکہ تعبیر بیان کرنے والے چاندی کے شیشے کو برا خیال کرتے ہیں۔ حضرت کرمانی رحمتہ اللہ علیہ نے فرمایا ہے کہ اگر کوئی شخص خواب میں لوہے کے شیشے کو دیکھے تو دلیل ہے کہ اگر اس کی عورت حاملہ ہے تو لڑکا پیدا ہو گا کہ سب باتوں میں باپ کے مشابہ ہو گا اور اگر یہی خواب حاملہ عورت دیکھے تو لڑکی پیدا ہو گی جو سب طرح سے اپنی ماں جیسی ہو گی اور اگر عورت حاملہ نہیں ہے تو دلیل ہے کہ اس کا شوہر اس کو طلاق دے کر دوسری عورت سے شادی کرے گا اور وہ عورت دوسرا شوہر کرے گی اور اگر لڑکا خواب میں شیشے دیکھے تو دلیل ہے کہ اس کا اور بھائی پیدا ہو گا۔ اگر لڑکی نے شیشہ دیکھا تو دلیل ہے کہ اس کی اور ہمشیرہ آئے گی اور حاکم یا بادشاہ شیشہ دیکھے تو معزول ہو گا اور حکومت اس کے ہاتھ سے نکل کر کسی اور کو ملے گی جو اس کا جانشین ہو جائے گا۔ حضرت جابر مغربی رحمتہ اللہ علیہ نے فرمایا ہے کہ اگر خواب میں آئینہ میں معروف خوب صورت چہرہ دیکھا ہے تو بادشاہ ہو گا اور اگر غیرمعروف دیکھا ہے تو جیسے دیکھا ہے، اس کی تاویل نیک اور بد آئینہ دیکھنے والے کی طرف رجوع کرے گی۔ حضرت جعفر صادق رحمتہ اللہ علیہ نے فرمایا ہے کہ خواب میں آئینہ دیکھنا چھ وجہ پر ہے۔ اول: عورت۔ دوم: پسر۔ سوم: جاہ و فرمان۔ چہارم: یار و دوست۔ پنجم: شریک۔ ششم: کارروشن۔ اور آپ نے یہ بھی فرمایا ہے کہ اگر غریب آدمی خواب میں آئینہ دیکھے تو اس امر کی دلیل ہے کہ عورت اور بزرگی پائے گا‘ اگر لڑکی دیکھے تو اس کی شادی ہو گی اور وہ اپنے شوہر کے نزدیک عزیز اور گرامی ہو گی۔ اور اگر خواب میں دیکھے کہ اس کو کسی مجہول آدمی نے شیشہ دیا ہے تو اس امر کی دلیل ہے کہ غائب دوست کو دیکھ کر خوش ہو گا۔